ماحولیات، جنگلات اور موسمیاتی تبدیلی کی وزارت نے جنگلات کے سائنسی انتظام اور نئے طریقوں کو تیار کرنے کے لیے "نیشنل ورکنگ پلان کوڈ-2023" جاری کیا ہے۔ نیشنل ورکنگ پلان کوڈ-2023 ،آئی ایف ایس ،جناب چندر پرکاش گوئل  نے جاری کیا۔ جنگلات کے ڈائریکٹر جنرل اور ماحولیات، جنگلات اور موسمیاتی تبدیلی کی وزارت کے خصوصی سکریٹری نے دہرادون 17 جون 2023 کو ‘صحرائی اور خشک سالی سے نمٹنے کے عالمی دن’ کے موقع پر انڈین کونسل آف فاریسٹری ریسرچ اینڈ ایجوکیشن (آئی سی ایف آر ای ) کا اہتمام کیا۔

ہندوستان دنیا کے ان چند ممالک میں سے ایک ہے جن کے پاس جنگلات کے انتظام کا سائنسی نظام ہے۔ ورکنگ پلان وہ اہم آلہ ہے جس کے ذریعے ہندوستان میں جنگلات کے سائنسی انتظام کو حاصل کیا جا رہا ہے۔ نیشنل ورکنگ پلان کوڈ جو پہلی بار 2004 میں اپنایا گیا تھا اس کے بعد 2014 میں ترمیم کے ساتھ یکسانیت آئی اور اس نے ہمارے ملک کے مختلف جنگلاتی ڈویژنوں کے سائنسی انتظام کے لیے ورکنگ پلان کی تیاری کے لیے رہنما اصول کے طور پر کام کیا۔

ہندوستان میں جنگلات کا انتظام ماحولیاتی استحکام کو برقرار رکھنے، قدرتی ورثے کے تحفظ، مٹی کے کٹاؤ کو روکنے اور کیچمنٹ علاقوں کی کمی کو روکنے، ٹیلوں کی توسیع کی جانچ، لوگوں کی شمولیت کے ساتھ درختوں اور جنگلات کے احاطہ میں اضافہ، جنگلات کی پیداواری صلاحیت میں اضافہ وغیرہ جیسے کئی وجوہات کی بنا پر کیا جا رہا ہے۔ ہندوستان اور دنیا میں سائنسی جنگلات کا نظم و نسق مسلسل نئے طریقوں، نئی ٹیکنالوجیز اور اختراعات کے ساتھ ترقی کر رہا ہے اور یہ ضروری ہو گیا ہے کہ ہم خود کو جنگلات کے انتظام اور اس پر انحصار کرنے والے لوگوں کی ضروریات کو پورا کرنے کے لیے تیار کریں۔

نیشنل ورکنگ پلان کوڈ-2023 ریاست کے جنگلات کے محکموں کے لیے ملک میں مختلف جنگلاتی ڈویژنوں کے لیے ورکنگ پلان کی تیاری میں رہنما اصول کے طور پر کام کرے گا۔ جنگلات کے پائیدار انتظام کے اصول اس میں جنگل اور درختوں کے احاطہ کی حد اور حالت،حیاتیاتی تنوع کی دیکھ بھال، تحفظ اور اضافہ بشمول جنگلی حیات، جنگلات کی صحت اور زندگی، مٹی اور پانی کے وسائل کا تحفظ اور انتظام، جنگلاتی وسائل کی پیداواری صلاحیت میں اضافہ، سماجی، اقتصادی، ثقافتی اور روحانی فوائد کی دیکھ بھال اور اضافہ، اور مناسب پالیسی فراہم کرنا، قانونی اور ادارہ جاتی فریم ورک شامل ہے۔

پہلی بار، نیشنل ورکنگ پلان کوڈ-2023 نے ریاستی جنگلات کے محکموں کو ایک مرکزی ڈیٹا بیس میں مسلسل ڈیٹا اکٹھا کرنے اور اسے اپ ڈیٹ کرنے کا مشورہ دیا ہے۔

"بھارتی جنگلات کے انتظام کے معیارات " جو کہ اس ضابطہ کا ایک حصہ ہے، ہمارے ملک میں جنگل کے متنوع ماحولیاتی نظام کو مدنظر رکھتا ہے، جبکہ انتظام میں یکسانیت لانے کی کوشش کرتا ہے۔ پائیدار جنگلات کے انتظام کے معیارات کو ہندوستان میں سائنسی جنگلات کے انتظام کے طویل مدتی تجربات اور بین الاقوامی معیارات اور اشارے کے ساتھ ہم آہنگی کی بنیاد پر ہندوستانی جنگلات کے انتظام کے معیار میں مرتب کیا گیا ہے۔ بھارتی جنگلات کے انتظام کے معیارات ریاستی جنگلات کے محکموں کو ورکنگ پلانز کے نسخوں کے خلاف انتظامی طریقوں کی تاثیر کی پیمائش کرنے میں سہولت فراہم کرے گا۔

*****

ش ح ۔ا م۔

U:6236