محنت و روزگار اور ماحولیات ، جنگلات اور موسمیاتی تبدیلی کے مرکزی وزیر جناب بھوپند ریادو نے 14جون کو جنیوا میں سماجی انصاف کو بڑھاوا دینے کے لئے بین الاقوامی مزدور تنظیم کے ورلڈ آف ورک چوٹی اجلا س میں ہوئے ایک پینل مباحثے میں حصہ لیا۔اس دوران جناب یادو نے  مزدوروں میں تفریق ختم کرنے کے لئے وزیر اعظم جناب نریندر مودی کی قیادت میں سرکا رکے ذریعے کی جارہی کوششوں کے بارے میں معلومات دی۔

  جناب بھوپندر یادو نے بتایا کہ ہماری سرکار نے کام کی جگہ پر خواتین کی زیادہ سے زیادہ حصے داری کرنے کے لئے تنخواہ سمیت زچگی تعطیل کی حد 12ہفتے سے بڑھا کر 26ہفتے کردی ہے۔50یا اس سے زیادہ ملازمین والی کریچ سہولت کا التزام کیا گیا ہے اور خاتون دعوں کو مناسب تحفظاتی اقدامات کے ساتھ رات کی شفٹ میں کام کرنے کی اجازت فراہم کی گئی ہے۔

جناب یادو نے کہا کہ ملک غیر منظم مزدوروں کو سماجی تحفظ کا فائدہ دینے کے لئے بھی کوشش کررہا ہے۔انہوں نے کہا کہ ای-شرم پورٹل سب کو سماجی تحفظ فراہم کرنے کی سمت میں ایک قدم ہے۔انہوں نے کہا کہ سرکار اس کے لئے کام کرنے والوں کی صلاحیت سازی ، ہنرمندی، جدید کاری  اور ہنرسے لیس کرنے کا کام بھی کررہی ہے۔

جناب یادو نے 111ویں محنت اجلاس کے دوران جنیو امیں تقرر شدگان اور ملازمین تنظیموں کے ساتھ سہہ فریقی بات چیت کی۔وزیر موصوف نے ان کی تشویش کو غور سے سنا اور انہیں مطلع کیا کہ کس طرح سرکار مزدوروں کی بہبود اور کاروبار کرنے میں آسانی ، دونوں کے لئے کوشش کررہی ہے۔

جناب یادو نے جنیوا میں 111ویں بین الاقوامی محنت اجلاس سے الگ ہٹ کر برکس کے ظہرانے میں بھی حصہ لیا۔ انہوں نے کہا کہ برکس ممالک سے ساجھا کی گئی اعلیٰ ترین مشق اور تجربہ محنت کشوں کے لئے اچھے کام اور سماجی تحفظ کو بڑھاوا دینے میں اہم رول ادا کریں گے۔

جناب یادو نے کہا کہ ہندوستان برکس اقتصادی ساجھے داری 2025 کی حکمت عملی کے پس منظر میں برکس پیداواری ایکو سسٹم کے لئے ایک مشترکہ پلیٹ فارم قائم کرنے کی غرض سے جنوبی افریقہ کے ذریعہ رکھی گئی تجویز کی حمایت کرتا ہے۔

************

ش ح۔ج ق۔ن ع

(U: 6182)