কেন্দ্ৰীয় বন্দৰ, জাহাজ আৰু জলপথ মন্ত্ৰী শ্ৰী সৰ্বানন্দ সোণোৱালে আজি উত্তৰ আৰৱ সাগৰত আসন্ন ঘূৰ্ণীবতাহ বিপৰ্যয়ৰ প্ৰস্তুতি পৰ্যালোচনা কৰিবলৈ বিষয়াসকলৰ সৈতে এক উচ্চ পৰ্যায়ৰ বৈঠকত সভাপতিত্ব কৰে, যি গুজৰাট উপকূল অভিমুখে অগ্ৰসৰ হৈছে আৰু ১৫ জুনৰ আশে-পাশে আঘাত হানিব বুলি আশা কৰা হৈছে। বৈঠকত শ্ৰী সোণোৱালে জ্যেষ্ঠ বিষয়াসকলক অসুৰক্ষিত স্থানত বাস কৰা লোকসকলৰ সুৰক্ষা সুনিশ্চিত কৰিবলৈ সম্ভৱপৰ সকলো ব্যৱস্থা গ্ৰহণৰ নিৰ্দেশ দিয়ে।

তেওঁ কয়, 'আমি জীৱন আৰু পৰিৱেশ সুৰক্ষিত কৰাৰ বাবে আইএমডি, ডিজিএছ আৰু অন্যান্য কৰ্তৃপক্ষই জাৰি কৰা পৰামৰ্শসমূহ মানি চলা আৰু প্ৰয়োজনীয় উদ্ধাৰ, আশ্ৰয়, পুনৰ্সংস্থাপন আৰু সাহায্য প্ৰদান কৰাৰ বাবে সকলো সাৱধানতামূলক/প্ৰতিৰোধমূলক ব্যৱস্থা সময়মতে কৰাটো সুনিশ্চিত কৰিব লাগিব।'

শ্ৰী সোণোৱালে সঞ্চালক প্ৰধান(জাহাজ), সংশ্লিষ্ট বন্দৰ আৰু সংশ্লিষ্ট সকলোকে এটা নিয়ন্ত্ৰণ কক্ষ স্থাপন কৰিবলৈ নিৰ্দেশ দিয়ে।

*************