ত্রাইবেল এফিয়র্স মন্ত্রালয়
ত্রাইবেল এফ্যার্স মন্ত্রালয়না শীন্দুনা হয়েং রাস্ত্রপতী ভবন্দা পাঙথোক্কদবা পি.ভি.তি.জি. মীত্তা ভারতকী রাস্ত্রপতীনা শরুক য়াগনি
Posted On:
11 JUN 2023 9:11PM by PIB Imphal
হয়েং রাস্ত্রপতী ভবন, প্রেসিদেন্তস এস্তেত্তা লৈবা শান্নবুংদা পাঙথোক্কদবা পি.ভি.তি.জি. (পার্তিকুলর্লী ভল্নরেবল ত্রাইবেল গ্রুপ্স) থৌরমদা ভারতকী রাস্ত্রপতী শ্রীমতী দ্রৌপদী মুরমুনা শরুক য়াগনি। রাস্ত্রপতীনা ৱারী ৱাতায় শাননবগীদমক পি.ভি.তি.জি.গী মেম্বা ৭৫বু রাস্ত্রপতী ভবন্দা লাক্ননবা অমদি পাউ চেন্দুনা মখোয়গী মফমদা ত্রাইবেল এফ্যার্স মন্ত্রালয়না পায়খৎলিবা তোঙান তোঙানবা স্কীমশিং অমদি থৌরাংশিংগী মতাঙদা খঙহনগদৌরি।
নুমিত্তুগী শরুক অমা ওইনা পি.ভি.তি.জি. মেম্বরশিংগী ওইবা অমৃৎ উদ্যান অমদি রাস্ত্রপতী ভবনগী গাইদেদ তুর অমসু শীল্লি।
মফম অদুদা বিহারগী মাল পহারিয়া, গুজরাতকী সিদ্দি, কেরলাগী ইরুলা, রাজস্থানগী সহারিয়া, মধ্য প্রদেশকী বাইগা পরধৌনী অমদি ওরিসাগী বুরিগলী হায়রিবা ত্রাইবেলগী নাৎকী জগোয়শিং উৎকনি। নাৎকী থৌরমশিং অদুগী মতুংদা, মফমদুদা পি.ভি.তি.জি. মেম্বরশিংগী মফমদা রাস্ত্রপতীনা ৱা ঙাংগনি।
মখা তানা, পি.ভি.তি.জি. ফুরুপ অমমমদগী রাস্ত্রপতীনা নুপা অমগা নুপী অমগা ওক্লবা মতুংদা গ্রুপ ফোতো সেসন অমা পাঙথোক্কনি।
পি.ভি.তি.জি. মীথুংশিংদুনা রাস্ত্রপতী ভবনগী শান্নবুংদা হায় তী অমদি নুমিদাংগী চাক্লেন অমসু শরুক য়াগনি।
ত্রাইবেল এফ্যার্সকী কেন্দ্র মন্ত্রী শ্রী অর্জুন মুন্দা; ত্রাইবেল এফ্যার্সকী রাজ্য মন্ত্রী শ্রীমতী রেনুকা সিংহ সরুতা, ত্রাইবেল এফ্যার্সকী রাজ্য মন্ত্রী শ্রী বিস্বেস্বর তুদু, অমদি অতৈ মীথুংশিংসু থৌরমদুদা শরুক য়াগনি।
মমাঙ মে থাদা, সেদ্যুল ত্রাইবশিংগী য়াইফনবগী মতাঙদা ৱা ঙাঙলদুনা, ভারতকী রাস্ত্রপতীনা ঝার্খন্দগী খুন্তী দিস্ত্রিক্তা চত্তুনা বির্সা মুন্দা কলেজ স্তেদিয়মদা ত্রাইবেল এফ্যার্স মন্ত্রালয়গী মীৎয়েঙ মখাদা ত্রাইবেল কোওপরেতিব মার্কেতিং দিভলেপমেন্ত ফেদরেসন ওফ ইন্দিয়া (ত্রাইফেদ) অমদি নেস্নেল সেদ্যুল ত্রাইব্স ফাইনান্স এন্দ দিভেলপমেন্ত কোর্পোরেসন (এন.এস.তি.এফ.দি.সি.)না পাঙথোকপা মহিলা এস.ঐচ.জি. সম্মেলন্দা শরুক য়াখিবা নুপী এস.ঐচ.জি. মেম্বরশিংগী ৱারী ৱাতায় শানখি।
পনবা য়াবা ৱাফমদি, তোঙান তোঙানবা স্কীম অমদি থৌরাংশিংগী মথক্তা, বজেৎ ২০২৩-২৪দা ভারত লৈঙাক্না প্রধান মন্ত্রী পি.ভি.তি.জি. দিভেলপমেন্ত মিসন লাউথোকখি। মসিনা পি.ভি.তি.জি. ইমুংশিং অমদি খুলশিংদা শাফবা য়ুম, অরুবা থক্নবা ঈশিং অমদি সেনিতেসন, মহৈ মশিং, হকশেল অমদি মচল শুবা চীঞ্জাক, লম্বী থোং অমদি তেলিকোম কন্নেক্তিবিতী অমদি তুং কোইগদবা পুন্সি হিংনবগী তাঞ্জাশিং ফংবগী চাং হেনগৎহন্নবগী মচং ওইবা থৌরাংশিং মপুং ফানা ফংহনগনি। স্কীম অসি মথঙ চহি অহুম চুপ্না দিভেলপমেন্ত এক্সন প্লান ফোর দি সেদ্যুল ত্রাইব্সকী মখাদা পায়খৎননবগীদমক লুপা করোর ১৫,০০০গী শেনফম অমা খাক্কদৌরি।
হয়েংগী মীফম অসিনা পি.ভি.তি.জি. ফুরূপশিংগী মফমদা মখোয়গী য়াইফনবা অমদি মায়কৈ শুনা চাওখৎপা পুরক্নবগীদমক লৈঙাক্না হোৎনরিবশিং খঙহন্নবগীদমক পান্দম থম্বনি।
*******
(Release ID: 1931636)
Visitor Counter : 86