কেন্দ্রগী হোম অমসুং কোওপরেশনগী মিনিস্তর, শ্রী অমিত শাহনা ঙসি নই দিল্লীদা অৱাংবা থাক্কী মীফম অমদা অমরনাথ য়াত্রাগী শেম-শারিবশিং অদুবু য়েংশিনখ্রে। মীফম অদুদা জম্মু অমসুং কাশ্মিরগী লেপ্তনেন্ত গোবর্নর, শ্রী মনোজ সিনহা, কেন্দ্র হোম সেক্রেতরী, ইন্তেলিজেন্স ব্যুরোগী দাইরেক্তর, বোর্দর সেক্যুরিতী ফোর্স অমসংউ সেন্ত্রেল রিজার্ব পুলিস ফোর্সকী জেনরেল দাইরেক্তর, বোর্দর রোদস ওর্গনাইজেশনগী জেনরেল দাইরেক্তর, জম্মু অমসুং কাশ্মিরগী চীফ সেক্রেতরী, আর্মীগী অতোপ্পা সেনিবর ওফিসিয়েলশিং, কেন্দ্র সরকার অমসুং জম্মু অমসুং কাশ্মিরগী এদমিনিসত্রেশন্না শরুক য়াখি।

মীফম অদুদা, কেন্দ্রগী হোম মিনিস্তরনা হায়খি মদুদি অমরনাথ  খুরুম্বা লাক্লিবা ভক্তশিংনা য়াম্না নুংঙাইনা দর্শন তৌবা ফংবা অমসুং অৱাবা অমত্তা মায়োক্নহন্দবা হায়বসি মোদী সরকারনা য়াম্না মরু ওইনা লৌই। মহাক্না অমরনাথ য়াত্রাগী লেম্বেল পুম্বা সেক্যুরিতী এরেঞ্জমেন্তশিং মতিক চানা থম্নবা খঙহল্লকখ্রে। কেন্দ্রগী হোম মিনিস্তরনা এয়রপোর্ত অমসুং রেলৱে স্তেশনদগী য়াত্রাগী থুংফম কেম্প ফাওবগী লম্বিদা এরেঞ্জেমন্তশিং নিংথিজনা তৌনবগী মতাংদা মরু ওইনা পনখি। মহাক্না লাই খুরুম্বা লাক্লিবশিং অদুগী খুদোংচানবগীদমক্তা নুমিদাংদশু শ্রিনাগর আমসুং জম্মুদগী এয়র সর্বিস পীনবা খঙহল্লকখ্রে।

শ্রী অমিত শাহনা ওক্সিজেন সীলেন্দরশিং অমসুং মখোয়গী রিফিলশিংগী স্তোক মতিকচানা থম্নবা খঙহল্লকখ্রে। মহাক্না দোক্তরশিংগী অহেনবা তীমশিং থম্নবশু হায়খ্রে।  হোম মিনিস্তরনা মেদিকেল বেদশিংগী মশিং মতিক চানা থম্নবা অমসুং মেদিকেল ইমর্জেন্সী অমা হেক লাকপা মতমদা অথু-অকাই নংনবা এম্বুলেন্সশিং অমসুং হেলিকোপ্তরশিং থম্নবা হায়খ্রে। শ্রী শাহনা চত্থোক-চৎশিন তৌবা, লৈবা, ইলেক্ত্রিসিতী, ঈশিং, কম্যুনিকেশন অমসুং হকশেল য়াওনা অমরনাথ য়াত্রিশিংগীদমক্তা তঙাইফদবা ফেসিলিতীশিং খুদিংমক্কী এরেঞ্জমেন্তশিং নিংথিজনা তৌনবা য়াথং পীরকখ্রে। মহাক্না য়াত্রা অদুগী লম্বিদা অফবা কম্যুনিকেশন সীস্তেম লৈহন্নবা অমসুং করিগুম্বা লেন্দস্লাইদ থোকাপ তারবশু খুদক্তা লম্বি অদুবু হাংহন্নবা মেছিনশিং থম্নবা খঙহল্লকখ্রে।

মীফম অদুদা, খঙহল্লখ্রে মদুদি শ্রী অমরনাথ য়াত্রাগী লাইখুরম্বা লাক্লিবা মীপুম খুদিংমক্তা মখোয়গী রিয়লতাইম লোকেশন অদুবু ত্রেস তৌবা য়ানবা আর.এফ.আই.দি কার্দশিং পীরগনি। অমরনাথ য়াত্রি খুদিংমক্কী লুপা লাখ ৫গী ইন্সুরেন্স অমসুং শা-শন খুদিংমক্কী লুপা ৫০,০০০গী ইন্সুরেন্স তৌরগনি। মসিগী মথক্তা খোংচৎ অদুগী লম্বিদা তেন্ত সিতী, ৱাই-ফাই হোতস্পোতশিং অমসুং মৈ নিংথিজনা থান্নবগীদমক্তা এরেঞ্জমেন্তশিং অসি তৌরগনি। মসিগী মথক্তা বাবা বরফানিগী ওনলাইন- লাইব দর্শন, শেংলবা অমরনাধকী শরুংদা অয়ুক্কী অমসুং নুমিদাংৱাইরমগী আর্তিগী লাইব তেলিকাস্ত অমসুং রেলিজিয়স অমসুং কলচরেল প্রোগ্রামশিং অসি বেস কেম্পতা শিল্লগনি। 

***