প্রধান মন্ত্রী শ্রী নরেন্দ্র মোদীগী ‘সাহাকার সে সামরিধি’গী মঙলান মঙফাওন্নবা, লৈবাক অসিদা অর্বান কো-ওপরেতিপ বেঙ্ক (য়ু সি বি) ১,৫১৪ মপাঙ্গল কনখৎহন্নবা মরুওইবা থবক মরি পায়খৎলে। য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা ফাইনান্স মিনিস্তর শ্রীমতি নিরমালা সিতারমন অমসুং রিজার্ব বেঙ্ক ওফ ইন্দিয়াগী গভর্নরগা কুপ্না খন্নদুনা, অর্বান কো-ওপরেতিপ বেঙ্কশিং মপাঙ্গল কনখৎহন্নবা মরুওইবা থবকশিং আর.বি.আইনা ফোঙদোক্লে।

১. মখোয়গী থবক পাকথোক-চাউথোক্নবা হৌজিক অর্বান কো-ওপরেতিপ বেঙ্কশিংনা মখোয়গী মশাশিং হাংদোকপা য়ারগনি।

মখোয়না থবক তৌরিবা মফম অদুদা মশা হাংদোক্নবা মাঙজৌন্না আর.বি.আইদগী অয়াবা লৌদনা মমাঙ চহিগী শেনবা চহিদগী মশা মশিং চাদা ১০(খ্বাইদগী য়াম্বা মশা বেঙ্ক ৫) ফাওবা অর্বান কো-ওপরেতিপ বেঙ্কশিংনা হাংদোকপা য়ারগনি। মসিগী খুদোংচাবা অসি লৌনবা, অর্বান কো-ওপরেতিপ বেঙ্কশিংনা মখোয়গী বোর্দকী অয়াবা লৌগদবনি অমসুং ফাইনান্সিএলি সাউন্দ এন্দ ৱেল মেনেজ (এফ এস দব্লিউ এম)গী নিয়মশিং ঙাক্কদবনি।

২. কম্মর্সিএল বেঙ্কশিংগা মান্ননা অর্বান কো-ওপরেতিপ বেঙ্কশিংনা ৱান তাইম সেত্তলমেন্ত পাংথোকপশু য়াগনি

হায়রিবা থবকশিং অসি পাংথোক্নবা অর্বান কো-ওপরেতিপ বেঙ্কশিংগী য়াওনা আর.বি.আইনা ফ্রেমৱার্ক অমা ফোঙলে। হৌজিক অর্বান কো-ওপরেতিপ বেঙ্কশিংনা বোর্দনা অয়াবা পীরবা পোলিসিশিংগা লোয়ন্না শেন পুখিবা মীওইশিংগা লোয়ন্না তেক্নিকেল রাইত-ওফ অমসুং সেত্তলমেন্ত পাংথোকপা য়ারগনি। মসিগী থবক অসিনা হৌজিক অর্বান কো-ওপরেতিপ বেঙ্কশিং অতোপ্পা কম্মর্সিএল বেঙ্কশিংগা মান্নরে।

৩. য়ু.সি.বিশিংদা পীরিবা পি.এস.এলগী পান্দমশিংগী মতম শাংদোক্লে

চহি অনিদা (মার্চ ৩১, ২০২৬ ফাওবা) প্রাইওরিতি সেক্তর লেন্দিংগী (পি এস এল) পান্দম ফংনবা য়ু.সি.বিশিংদা পীখিবা মতম অদু শাংদোক্নবা আর.বি.আইনা ৱারেপ লৌরে। মার্চ ৩১, ২০২৩ ফাওবগী মনুংদা পি.এস.এল পান্দমগী চাদা ৬০ ফাওবা ফংনবা মতম অদু হৌজিক মার্চ ৩১, ২০২৪ ফাওবা শাংদোক্লে। শেনবা চহি ২০২২-২৩ মনুংদা পি.এস.এলগী অৱাৎপশিং ক্লিয়ার তৌরবা মতুংদা লাকপা অহেনবা দিপোজিৎশিং অদু য়ু.সি.বিদা রিফন্দ তৌগনি।

খুঙ্গংশিংদা মখোয়গী মশাশিং লৈরিবা কম্মর্সিএল বেঙ্কশিংগা মানদবা অমদা য়ু.সি.বিশিং অসি সহরগী মফমশিংদা থবক তৌবা মরম্না, মসিগী পান্দম অসি ফংবদা মখোয়না খুদোংচাদবা মায়োক্নরি।

৪. আর.বি.আইদা নোদেল ওফিসার অমা হাপ্পা

নকশিন্নবা থবক তৌমিন্ননবা অমসুং মীৎয়েং চঙনবা কোওপরেতিপ সেক্তরনা মতম কয়াগী মমাঙদগী তকশিন্দুনা লাকপা অদু ফংনবা, হন্দক আর.বি.আইনা নোদেল ওফিসার অমা হাপ্লে।

হায়রিবা থবকশিং অসিনা অর্বান কো-ওপরেতিপ বেঙ্কশিং মখা তানা মপাঙ্গল কনখৎহনগনি। প্রধান মন্ত্রী শ্রী নরেন্দ্র মোদীগী লমজিং মখাদা, কোওপরেসন মিনিস্ত্রিনা কোওপরেতিপশিং মপাঙ্গল কনখৎহন্নবা থবক পায়খৎলে অমসুং অতোপ্পা শেন-থুমগী থবক তৌরিবা বোদিশিংগুম মখোয়গা থবক তৌমিন্নরে।  

*****

(Release ID: 1931268) Visitor Counter : 88