কেন্দ্রগী স্কিল দেবেলপমেন্ত অমসুং এন্ত্রপ্রেনরশিপ অমসুং ইলেক্ত্রোনিক্স অমসুং আই.তি.গী রাজ্য মন্ত্রী, শ্রী রাজীৱ চন্দ্রসেখরনা ঙসি হায়খি মদুদি হৌখিবা চহি মাপল অসিদা ভারতকী ইকোনোমীদা য়াম্না চাউনা অহোনবা অমা পুরকপা ঙম্লিবসি প্রধান মন্ত্রী, শ্রী নরেন্দ্র মোদীগী লুচিং অমসুং মহাক্কী প্রোএক্তিব ওইবা পোলিসিশিং অদুগী মরম্ননি।

 “ৱাহৈ অহুম- সেৱা, সুশাসন অমসুং গরিব কল্যান- মসিনা নরেন্দর মোদী সরকারগী চহি মাপলগী খোংচৎ অদুবু মশক তাকই। প্রধান মন্ত্রী, শ্রী নরেন্দ্র মোদীনা ২০১৪দা ফম ফম পাইবা মতমদা, শেন্মিৎলোন অসি য়াম্না ফিভম শোক্না লৈরম্মি। করপ্সন অমসুং নেপোতিজম, অমসুং মশিং লাকঙমদ্রবা স্কেমশিংনা পাক-শন্না লৈরম্মি।  মঙোন্দা শেন্মিৎলোন অসিবু অমুক হন্না ফগৎহন্নবগী থবক খক্তা নত্তনা নাগ্রিকশিংগী মরক্তা সরকারদা আশা, চাউথোকচবা অমসুং থাজবা ফাওহল্লি।  চই মাপল অসিদা মহাক্না হান্না লৈরম্বা অমোৎপশিং অদুবু শেংদোকপদা নত্তনা লৈবাক অসিবু মালেম অসিগী মঙশুবা খ্বাইদগী চাউবা ইকোনোমী অমা ওইহল্লে,” হায়না মন্ত্রী অসিনা ত্রিপুরাগী অম্বাসাদা ৱ্যাপারি সম্মেলনদা ৱা ঙাংবা মতমদা হায়খি।

“ভারতনা চহি ৬৫ অসিদা ফংবা ঙমদবশিং অদুবু পি.এম মোদী জীগী মখাদা চহি মাপলগী মনুংদা ফংবা ঙমখ্রে। ভারতনা য়াম্না থুনা য়ু.এস. অমসুং চাইনাগী মথংদা মালেম অসিগী ওইনা অহুমশুবা খ্বাইদগী চাউবা ইকোনোমী অমা ওইরগনি,” হায়না মহাক্না হায়খি।

শ্রী রাজীৱ চন্দ্রসেখরনা লোক সভাগী এম.পি., রেবতি ত্রিপুরাগা লোইননা প্রেস কনফরেন্স অমদা ৱা ঙাংখি অমসুং নরেন্দ্র মোদীগী সরকার অসিনা চহি মাপল পানবা আসিদা ফংখিবা মাইপাকপশিং অদুগী মতাংদা ঙাংখি। বু.পি.এ.না পাল্লিঙৈ মতম অমসুং শ্রী নরেন্দ্র মোদীনা চহি মাপল শক্তি পাইবা মতম অনিসিগী মরক্তং চাংদম্নদুনা, মন্ত্রী অসিনা হায়খি, “পি.এম. মোদী জীনা করপ্সন, স্কেমশিং, মিসগোব্রনেন্স, োপোরচুনিস্তিক কোলিশন অমসুং দাইনেস্তীগী পোলিতিক্সপু ‘সেৱা সুশাসন অমসুং গরিব কল্যান’গী পোলিতিক্সতা ওন্থোকখ্রে”।

মন্ত্রি অসিনা  ত্রিপুরাগী নুমিৎ হুম্নিগী খোংচত্তা ঙসি অয়ুক আগরতলাদা  থুংলরে, খোংচ৭ অসিগী মনুংদা মআক্না রাজ্য অসিদা পাইখৎলিবা স্কিলিং ওপোর্চুনিতীশিং অদুবু য়েংশিল্লগনি।

ঙসি অসি ৱার্ল্দ এনভাইরনমেন্ত দে ওইবনা, শ্রী রাজীৱ চন্দ্রসেখরনা উ চারা অমা থাখি অমসুং মীয়ামদা ৱার্লদ এনভাইরনমেন্ত দে অসিবু পালন তৌনবা হায়খি।

নুমিৎ অদুগী অঙনবদা, মআক্না ধালাইগী দিস্ত্রিক্ত মেজিস্ত্রেত, দা. সিদধার্থ শিৱ জাইস্বালগা উনখি অমসুং জিলা আদুদা লেরিবা সেল্ফ-হেল্প গ্রুপশিংগী থবকশিং অদুবু য়েংশিনখি। মখোয়না কেপাসিতী বিল্দিং অমসুং মার্কেত লিঙ্কেজগী মতাংদা গ্রুপশিং অসিনা মায়োক্নরিবা শিংনবশিং অদুবু খন্নখি। মহক্না নআশিংগীদমক্তা লমদম আদুদা থবক পীনবা অমসুং এন্ত্রপ্রেনরশিপকীদমক্তা লৌখৎখিবা স্কিলিংগী অনৌবা খোংথাংশিং অমসুং মখোয়না থেংনবা শিংনবশিং অদুগী মতাংদশু খন্নখি।

শ্রী রাজীৱ চন্দ্রসেখরনা পার্তীগী লুচিংবশিং খুদম ওইনা শ্রি তপস ভত্তচার্য়া অমসুং মইলা বি.জে.পি.গী প্রেসিদেন্ত, আজন্তা ভত্তচার্জীগশু উনখি অমসুং রাজ্য অসিগা মরি লৈনবা ইশুশিংগী মতাংদা ৱারি শাখি।

মন্ত্রী অসিনা হয়ে কৃষ্ণাপুর চৎলগনি অমসুং অতোপ্পা এনগেজমেনত কয়া অমগী মনুংদা জনজাতি বেনিফিসরি সনমেলনগী মীহুৎশিংগা ৱারি-ৱাতাই সানরগনি।

শ্রী রাজীৱ চন্দ্রসেখরনা প্রধান মন্ত্রী, শ্রী নরেন্দ্র মোদীগী কেবিনেত্তা মন্ত্রী অমা ওইরবা মতুংদা মসিনা ওফিয়েল ওইবা ত্রিপুরাগী অনিশুবা খোংচৎনি। মহাক অসি মমাংদা ২০২২গী ওগস্ততা মফম অসিদা লাক্লম্মি অমসুং তিরঙ্গা রেলীদা শরুক য়াখি।

******