روڈ ٹرانسپورٹ  اورشاہراہوں کے مرکزی وزیر جناب نتن گڈکری نے کہا کہ بھارت مالا پریوجنا کے ایک حصے کے طور پر، ہم فی الحال مہاراشٹر میں سنار بائی پاس کی تعمیر سمیت  این ایچ-160 کے سنار-شرڈی سیکشن کی 4 لیننگ میں مصروف ہیں۔ کئی ایک ٹویٹس میں  انہوں نے کہا کہ یہ انقلابی تبدیلی کا منصوبہ بہت زیادہ سماجی اہمیت رکھتا ہے، کیونکہ یہ سائی بابا کے عقیدت مندوں کے لیے پیدل چل کر شرڈی کی یاترا کرنے کے لیے ایک  کلی طور پر وقف شدہ راستے یا ‘مارگ’  کا کام کرے گا۔ انہوں نے مزید کہا  اضافی طور پر ،یہ ایک اقتصادی محرک  کے طور پر کام کرنے کے لیے تیار ہے، جو آس پاس کے علاقوں میں تیز رفتار ترقی کو آگے بڑھائے گا،

جناب گڈکری نے کہا کہ اس پہل کا ایک بنیادی مقصد مہاراشٹر کے دو بڑے مذہبی شہروں شرڈی اور ناسک/ ترمبکیشور کے درمیان سفر کے وقت کو کافی حد تک کم کرنا ہے۔ مزید برآں، پائیداری کے لیے ہمارے پختہ عزم کے مطابق، پراجیکٹ میں کاربن کے اثرات کو کم کرنے اور ٹریفک کی بھیڑ کو کم کرنے کے لیے مختلف قابل ذکر تکنیکوں کو شامل کیا گیا ہے۔ انہوں نے کہا کہ قابل ذکر طریقوں میں سروس روڈز کی تعمیر میں پلاسٹک کے کچرے کا استعمال، سیمنٹ ٹریٹڈ بیس(سی ٹی بی) اور سیمنٹ ٹریٹڈ سب بیس(سی ٹی ایس بی) کا استعمال اور ساتھ ہی سڑک کی سطح کے لئے  ‘ آر اے پی’( پیدل چلنے کے لئے بنایا گیا راستہ) کا استعمال شامل ہے۔.

جناب گڈکری نے کہا کہ وزیر اعظم جناب نریندر مودی کی متحرک قیادت میں ہمارا غیر متزلزل عزم خطے کی مجموعی ترقی کو فروغ دیتے ہوئے ایک زیادہ موثر اور ماحول دوست نقل و حرکت کا نیٹ ورک بنانے میں مضمر ہے۔

*************

ش ح۔  ا ک ۔ رض

U. No.5869