جہازرانی  اور آبی گزرگاہوں اور آیوش کے مرکزی وزیر جناب سربانندسونووال نے آج چنئی میں  ہندوستان کے پہلے بین الاقوامی کروز جہاز  ایم وی ایکسپریس کو چنئی سے سری لنکا کے لئے ہری جھنڈی دکھاکر روانہ کیا۔اس کے ساتھ ہی چنئی میں  17.21 کروڑروپے کی لاگت سے تعمیر بین الاقوامی کروز  سیاحتی ٹرمنل  کی شروعات ہوچکی ہے، جو ملک میں  کروزسیاحت اور سمندری تجارت  کے ایک نئے دورکاآغاز  ہے۔ اس کی شروعات یوم ماحولیات کے موقع پر   ہوئی ہے ۔مرکزی وزیر جناب سربانند سونووال نے آج   بندرگاہوں  کے افسران کے ساتھ بندرگاہ پر    25000 پودے بھی لگائے ۔

اس موقع  پر خطاب کرتے ہوئے مرکزی وزیر جناب سربانند سونووال نے کہا کہ وزیر اعظم جناب نریندر مودی کی قیادت میں بندرگاہوں  ، جہازرانی اور آبی گزرگاہوں کی وزارت،  ملک میں کروزسیاحت کے  امکانات  پیدا کرنے اور ہندوستان میں سمندری تجارت  کے مواقع کو مضبوطی دینے  کے لئے  متعدد اقدامات کررہی ہے۔ہمارے ساحلی خطے کی  مالامال وراثت  اور ثقافت کے ساتھ ہندوستان میں  کروز سیاحت کے بے پناہ امکانات ہیں۔آج  جب ہم  چنئی اور سری لنکا کے درمیان  پہلی کروز سروس کی شروعات کررہے ہیں ، تو اس سے  ملک میں کروز سیاحتی شعبے  میں  ایک نئے باب کی بھی شروعات ہوگئی ہے۔کفایتی اور عالمی درجے کی کروزخدمات تک رسائی اب    ایک حقیقت بن چکی ہے۔ اب لوگ  آرام دہ سہولیات  ،تفریح اور شاندار نظاروں کا لطف اٹھا سکتے ہیں۔

یہ کروز سروس2022 میں  پہلے  انکریڈیبل  انٹر نیشنل  کرو زکانفرنس   کےدوران  گھریلو  اور بین الاقوامی کرو زخدمات کی شروعات کے لئے چنئی بندرگاہ  اور میسر ز  واٹر ویز لیزر  ٹورزم پرائیویٹ لمٹیڈ کے درمیان    دستخط کئے گئے مفاہمت  نامے کا نتیجہ ہے۔ گھریلو سرکٹ کے لئے 37 جہازوں کے ذریعہ   85000 خدمات حاصل کرنے والے مسافروں   سے ملے زبردست رد عمل سے  اس بات کی امید ہے کہ بین الاقوامی راستوں  پر سفر کی شروعات سے علاقے میں   کروز سیاحت کے کاروبار کو مزید فروغ حاصل ہوگا۔چنئی بندرگاہ  پر تیار کیا گیا جدید کروز ٹرمنل 2880  مربع میٹرکے رقبے پر پھیلا ہوا ہے،جس میں ایک وقت میں  3000 مسافروں کی میز بانی کی گنجائش ہے۔

اس موقع  پر خطاب کرتے ہوئے جناب سونووال نے کہا کہ مستقبل قریب میں زیادہ سے زیادہ لوگوں کے ذریعہ کروز سیاحت   کا لطف اٹھانے کا امکان ہے۔حکومت  کروز سیاحت اور سمندری تجارت کی مدد اور فروغ  کی خاطرعالمی درجے کے بنیادی ڈھانچے   کی تیاری کے لئے  سنجیدگی سے پُر عز م  ہے۔مجھے یہ بتاتے ہوئے خوشی ہورہی ہے کہ تین نئے انٹر نیشنل  کروز ٹرمنلز کے مکمل ہونے کی امید ہے اور 2024 تک یہ کام کرنا شروع کردیں گے۔ہمیں امید ہے کہ 2023 میں  جو کروز  جہازوں   کی تعداد  208 ہے ، وہ  2030 میں  بڑھ کر  500 اور  2047 تک  1100 ہوجائے گی۔اس کے ساتھ ساتھ کروز خدمات  حاصل کرنے والے مسافروں کی تعداد  2030  میں  9.5 لاکھ سے بڑھ کر 2047  میں  45 لاکھ تک ہونے کی امید ہے۔ہندوستان  کے مغربی ،جنوبی اور مشرقی ساحلوں   میں کرو زخدمات کے لئے مانگ بڑھانے کے مقصدسے ہم گجرات  عقیدت  مندوں کی یاترا ،ثقافتی اور  خوش منظر یاترا ،  آیوروید  ویلنس  ٹور  اور وراثتی سیاحت   پر  کام کررہے ہیں۔اس کے علاوہ انڈمان ، پڈوچیری اور لکشدیپ سرکٹس میں   نئے کروز سیاحتی ٹرمنلز   تیار کرنے کی منصوبہ بندی  پر کام  جاری ہے۔ہم   ہندوستان ،سری لنکا ، تھائی لینڈ اور میانما کے درمیان فیری  روٹس تیار کرنے کے امکانات کا بھی مطالعہ کررہے ہیں۔ کرو زسروس،  تین سری لنکائی بندرگاہوں   یعنی  ہنبن ٹوٹا ، ترنکو مالی  اور کنکے کنتوری  تک جائے گی۔ ایم وی ایکسپریس  سے سفر کرنے  کا  ٹور پیکج دورات ،تین رات ،چار رات  اور پانچ راتوں   کے لئے  ہوگا۔سمندر میں  اپنے سفر کے دوران  ایم وی ایکسپریس   چنئی واپس آنے سے  پہلے   سری لنکا میں   تین بندرگاہوں  تک جائے گی۔

*************

ش ح۔ع ح۔ رم

(06-06-2023)

U-5863