এন.ই.পি. ২০২০না থমখিবা মীৎয়েঙগী মতুং ইন্না, নেস্নেল মিসন ফোর মেন্তরিং (এন.এম.এম.) অসি স্কুলগী ওজাশিংদা মেন্তরিং তৌবা অমদি মখোয়গী শিনফমদা লেপ্পা লৈদনা ফগৎহন্নিংবগী অপাম্বা লৈবা তোপ তোপ্পা প্রোফেস্নেলশিংগী অচৌবা পুল অমা শেমগৎনবনি‍। মেন্তর অমদি মেন্তীগী চহি নৎত্রগা ফভগী ৱাফম য়েংদনা, মতিং লৈবা মেন্তরশিংনা ঐখোয়গী লৈবাক্কী ২১শুবা চহিচাগী চাওখৎপগী পান্দম ফংহনবদা থৌদাং য়াগনি‍। নেস্নেল কাউন্সিল ফোর তীচর এজুকেসন (এন.সি.তি.ই.)না লৈবাক শিনবা থুংবদা লৈরিবা কেন্দ্রগী স্কুল ৩০ (কে.ভি. ১৫, সি.বি.এস.ই. ৫) দা জুলাই ২৯, ২০২২দা পাইলোত ওইনা এন.এম.এম. পায়খৎপা হৌখি‍।

এন.এম.এম. মপুং ফানা পায়খৎনবগীদমক, এন.সি.তি.ই.না ওজাশিংদা মথৌ তাবা মেন্তরিং স্কিল অমদি তেক্নিকশিংগা লোয়ননা ক্বালিতী লৈবা প্রোফেস্নেল সপ্পোর্ত পীননবা মেন্তর ৬০গীদমক নুমিৎ নিনিগী ওইবা কেপাসিতী বিল্দিং ৱর্কসোপ অমা মে ৩১ অমদি জুন ১, ২০২৩দা পাঙথোকখ্রে‍। নুমিৎ নিনি চত্থখিবা ৱর্কসোপ অদুদা এন.সি.তি.ই.গী চেয়রপর্সন প্রোফেসর য়োগেস সিংহ অথোইবা মীথুং ওইনা শরুক য়াখি অমদি মফমদুদা তিল্লিবা মীথুংশিং অমদি মেন্তরশিংগী মফমদা ৱা ঙাংখি‍। সিঙ্ক্রোনাইজ অমদি এসিঙ্ক্রোনাইজ মেথদশিং শীজিন্নদুনা মেন্তরিং সেসনশিং পাথোক্নবা এন.এম.এম. ৱেব পোর্তেল এন.সি.তি.ই.গী মেম্বর সেক্রেতরী মিস কেসং ৱাই. সের্পা য়াওবা থৌরমদা হাংদোকখি‍। পোর্তেল অসিনা ওজাশিংগীদমক্তা থাজবা, দিসকভরী, অমদি কান্নবা মখলগী ফীদবেক্না মতেং পীবা মায় পাকপা অমদি মতিং লৈবা মেন্তরিং সেসনশিং পাঙথোক্নবগী ইন্তরফেস অমা ওইনা মথৌ তৌগনি‍।

এন.সি.তি.ই.না তোঙান তোঙানবা লমশিংদগী তোপ তোপ্পা প্রোফেস্নেল ৬০বু ইন্সত্রকস্নেল লীদর্সিপ স্কিল্স, দিজিতেল এজুকেসন, সোসিও-ইমোস্নেল লর্নীং, ইনক্লুজিব  এজুকেসন, প্রোফেস্নেলিজম অমদি ইথিক্স, ক্লাসরুম মেনেজমেন্ত, ২১শুবা চহিচাগী স্কিল শেমগৎপা, ইন্তরপর্নসনেল স্কিল/ কম্ম্যুনিতী এঙ্গেজমেন্ত, এক্সন রীছর্চ, হোলিস্তিক এসেসমেন্ত, আর্ত ইন্তিগ্রেতেদ পেদাগোজী, তীচর্স মেন্তেল হেল্থ প্রোগ্রাম্নচিংবা লমশিংদা এন.এম.এম.গী মেন্তর ওইনা লৌশিল্লে‍।

*****