নেসনেল কম্মিসন ফোর ৱুমেন(এন সি দব্লিউ)না ওন্ত্রেপ্রেনিউয়রশিপ দিবলপমেন্ত ইন্সিতিতুৎ ওফ ইন্দিয়া(ই দি আই আই)গা খুৎশম্নদুনা উজ্জেনগী বিক্রম য়ুনিভর্সিতিদা ভারত শীনবা থুংনা লৈরিবা নুপী ওন্ত্রেপ্রেনিউয়রশিংগীদমক  ওন্ত্রেপ্রেনিউয়রশিপ এৱারনেস প্রোগ্রাম ১০০ হৌদোক্লগনি। লৈবাক শীনবা থুংনা পাংথোক্কদবা ওন্ত্রেপ্রেনিউয়রশিপ এৱারনেস প্রোগ্রাম ১০০গী অহানবা প্রোগ্রাম মধ্য প্রদেসকী রাজ্যপাল শ্রী মঙ্গুভাই পতেলনা চীফ গেস্ত অমসুং ভারত সরকারগী ৱুমেন অমসুং চাইল্দ দিবলপমেন্ত মিনিস্ত্রিগী রাজ্য মন্ত্রী  দোক্তর মুঞ্জপারানা গেস্ত ওফ ওনর ওইদুনা হৌদোকখ্রে। থৌরম অদুদা এন.সি.দব্লিউগী চিয়ারপর্সন শ্রীমতি রেখা শর্মা, ই.দি.আই.আইগী দিরেক্তর জেনেরেল দোক্তর সুনিল সুক্লা অমসুং এন.সি.দব্লিউগী মেম্বর সেক্রেতরি শ্রীমতি মিনাক্সি নেগি শরুক য়াখি।

থৌরম অদুদা রাজ্যপাল শ্রী মঙ্গুভাই পতেলনা হায়খি সবকা সাথ সবকা বিকাসকী পান্দমগা লোয়ন্না ভারত মাঙলোমদা চঙশিল্লি। নুপীনা মাঙজিল থাদুনা চাউখৎপগী থবক চাউনা মাংলোমদা চঙশিল্লি অমসুং মীয়াম্না য়ানরে অমসুং শকখঙবা উৎলে। সেল্প হেল্প গ্রুপশিংগা নুপীশিংগা থবক তৌমিন্নবা অসি শিংথাবা য়ানবা চাউখৎলে। মখোয়গী মাইপাকপশিং, মখোয়গী থবকশিং অমসুং মখোয়গী তুংগী থৌরাংশিংগী মতাংদা ৱা ঙাংবদা মখোয় থাজবা উৎলি। লৈবাক অসিগী প্রধান মন্ত্রীগী লমজিং মখাদা পায়খৎলিবা থবকশিংগী মখাদা নুপীশিং শিংথাবা য়ানা চাউখৎলে। ইন্তরপ্রাইজশিং লিংখৎনবা নুপীশিংদা সবসিদি পীবদগী খুঙ্গংগী লমশিং ফজনা চাউখৎলে। প্রধান মন্ত্রী কাউসাল বিকাস য়োজনাগী মখাদা নুপীশিং ত্রেনিং পীনবা খুদোংচাবা পীরে। ওন্ত্রেপ্রেনিউয়রশিপগী খুৎথাংদা নুপীশিংদা শক্তি পীনবা পায়খৎলিবা অখন্নবা থবক অসিগীদমক ঐনা নেসনেল কম্মিসন ফোর ৱুমেন(এন সি দব্লিউ) অমসুং ওন্ত্রেপ্রেনিউয়রশিপ দিবলপমেন্ত ইন্সিতিতুৎ ওফ ইন্দিয়া থাগৎপা ফোঙদোক্লি।

দোক্তর মুঞ্জপারানা হায়খি সরকার অমসুং লনাইগী সেক্তর অনিমক্তা নুপীশিংনা মাঙজিল থাদুনা চাউখৎ-থৌরাংগী থবকশিং পায়খৎনবা মাইকৈদা ঐখোয় থবক পায়খৎলি। ঐখোয়গী খুন্নাইগী য়াংলেন শরু ওইরিবা নুপীশিংনা ঐখোয়গী তুংগী ফিবম অমা শেম্বদা মরুওইবা থৌদাং অমা লৌরি। মখোয়দা শক্তি পীবা অসি ঐখোয়গী থৌদাং ওইবতা নত্তনা তুংকোইনা চাউখৎনবা তঙাইফদবা অমনি। নেসনেল কম্মিসন ফোর ৱুমেন(এন সি দব্লিউ) অমসুং ওন্ত্রেপ্রেনিউয়রশিপ দিবলপমেন্ত ইন্সিতিতুৎ ওফ ইন্দিয়াগী অপুনবা থবক অসিনা নুপী ওন্ত্রেপ্রেনিউয়রশিং শেমগৎপদা মতেং পাংগনি অমসুং মরী লৈনবশিং ৱাখল তাহনগনি।

রেখা শর্মনা হায়খি নুপীশিং খুন্নাইগী মরুওইবা শরুক অমা ওইরবসু শেন-থুম অমসুং মনিংতম্বগী ৱাফম লাকপদা মখোয় য়াম্না শোৎথরি। শেন-থুমগী শক্তি পীনবা নুপীশিং পুক্নিং থৌগৎপা দরকার ওইরি। নুপী ওন্ত্রেপ্রেনিউয়রশিং শৌগৎনবা ভারতকী অফবা ফিবম অমা লৈরি। মরম অদুনা মখোয়গী এম.এস.এম.ইশিং লিংখৎনবা নুপীশিং পুক্নিং থৌগৎলে। নুপী ওন্ত্রেপ্রেনিউয়রশিংনা নুপীশিংদা থবক ফংহল্লে অমসুং মসি মতম অসিদা তঙাইফদবা অমনি। মখোয়গী মাইপাকপশিংগী মতাংদা নুপীশিং ৱা ঙাংবা দরকার ওই।  

দোক্তর সুনিল সুক্লানা হায়খি হৌখিবা চহি ১০ অসিদা ভারত শিংথাবা য়ানা চাউখৎলে অমসুং মসি লৈবাক অসিগী অপুনবা নুপী মশিং শেন-থুমগী মনিংতম্বা ফংবদগী ওইরকপনি। নুপী ওন্ত্রেপ্রেনিউয়রশিং য়োকখৎনবা নেসনেল কম্মিসন ফোর ৱুমেন (এন সি দব্লিউ) অমসুং ওন্ত্রেপ্রেনিউয়রশিপ দিবলপমেন্ত ইন্সিতিতুৎ ওফ ইন্দিয়া পুন্না থবক তৌমিন্নরে হায়না ঐনা লাউথোকচরি। মসিনা লৈবাক অসি মপাঙ্গল কনখৎহনগনি। 

নেসনেল কম্মিসন ফোর ৱুমেনগী মেম্বর সেক্রেতরি শ্রীমতি মিনাক্সি নেগিনা হায়খি মীয়ামগী শেন-থুম তানবগী থবকশিংদা শরুক য়াহন্দুনা মখোয়গী তৌবা ঙম্বা গুনশিং শীজিন্ননবা থবক পায়খৎলে। মসিগী ওন্ত্রেপ্রেনিউয়রশিপ এৱারনেস প্রোগ্রাম অসি মাইকৈ অসিদা থাংজিনবা অচৌবা খোঙথাং অমনি।

নোংমগী ওইবা ওন্ত্রেপ্রেনিউয়রশিপ এৱারনেস প্রোগ্রাম অসিগী পান্দমদি শরুক য়াখিবা নুপীশিংদা শীনফম অমা ওইনা ওন্ত্রেপ্রেনিউয়রশিপ পাংথোকপগী কান্নবশিং, ওন্ত্রেপ্রেনিউয়র অমা ওইরকপদা খুন্নাই, শেন-থুম অমসুং ইমুং-মনুংগী অথিংবশিং লৌথোক্নবা লৌশিং তম্বীবনি।

হৌদোকপগী থৌরম অদুদা অখঙ-অহৈ কয়ানা ওন্ত্রেপ্রেনিউয়রশিপ মরুওইবশিং, ললোন-ইতিক্কী খুদোংচাবশিং মশক খঙদোকপা, ওন্ত্রেপ্রেনিউয়র অমা ওইনবা ৱাখল্লোনশিং য়োকখৎপা, নুপীশিংনা মহৌশাদগী থেংনবা খুদোংচাদবশিং মায়োক্ননবা লাল্লোংশিং, জেন্দরগা মরী লৈনবা অকক্নবা খুদোংচাদবশিং মশক খঙদোকপা অমসুং সরকারগী স্কিমশিংগী মতাংদা মরিক চুম্না খঙহনখি।

***