“প্রধান মন্ত্রী, শ্রী নরেন্দ্র মোদীগী লুচিং মখাদা ভারত অসি মালেমগী ইকোনোমিক মেপতা মশাগী ওইবা মফম অমা কল্লক্লিবা ইনখৎলক্লিবা লৈবাক অমা নত্তে লৈবাক অসি অমুক হন্না ফাওগৎলক্লিবা শক্তি লৈবা লৈবাক অমনি” হায়না ঙাকশেল মন্ত্রী, শ্রী রাজনাথ সিংনা ২০২৩গী জুন ২দা নই দিল্লীদা পাংথোকখিবা থৌরম অমদা হায়খি। মহাক্না ৱা ঙাংবা হৌরকপদা মহাক্না হায়খি মদুদি ১৭শুবা চহি চা ফাওবা ভারতকী য়াম্না লিংবা ইকোনোমী লৈরম্মি, মালেম অসিগী অপুনবা জি.দি.পি.গী শরুক মরি থোকপগী অমা ওইরম্মি অদুবু অশোনবা মিলিতরী অমসুং পোলিতিকেল স্লেবরীনা মরম ওইরগা মহাক্কী ইকাইখুম্নবা মিংচৎ অদু মাংখি।

ঙাকশেল মন্ত্রীনা হায়খি মদুদি সরকারনা ভারতকী হান্নগী অরিবা ইকাইখুম্নরবা মিংচৎকী স্তেতস অমুক হন্না ফংনবা মাইকৈ অনিমক্তা থবক তৌরি। মহাক্না হায়খি মদুদি লমদম অসিদা মশানা খ্বাইদগী নৌরবা খুৎলাইশিং/ইক্যুইপমেন্তশিং শারিবা য়াম্না চাউরবা দিফেন্স ইন্দস্ত্রী অসিগী মতেংনা অকনবা, নহা ওইরিবা  অমসুং তেক-সেভী ওইবা আর্মদ ফোর্সশিং শেম্নবা তৌবা য়াবা খুদিংমক অমত্তা চিত্থদনা তৌরি অদুগা অমরোমদনা কোলোনিয়েল মাইন্দসেত অসিবু কোকহন্নবা থবক কয়া অমসু তৌরি।

 “অরিংবা মিলিতরীনা ঙমখৈশিং ঙাক-শেনবদা নত্তনা লৈবাক অমগী কলচর অমসুং ইকোনোমীবু ঙাক-শেল্লি। পাম্লিবা পান্দমদি মশাগী তঙাইফদবশিং অদুবু নিংবা থুংহনবগা লোইন-লোইননা নুংশি-চান্ননা লৈমিন্নবা লৈবাকশিংগীশু মতেং পাংবা ঙম্বা য়াম্না লিংবা, মরোমদোম লেপচবা ঙম্বা অমসুং নুংঙাই-য়াইফবা লৈবাক অমা ওইহনবদুনি। য়ুগ অসি অনৌবা মপোক অমা পোকপগী মতমনি। হৌজিক্তি ভারতপু আমুক হন্না মালেমগী সুপর পাৱর অমা ওইনা অমুক হন্না শেমগৎপগী মতম ওইরে,” হায়না শ্রী রাজনাথ সিংনা হায়খি।

মোর্গন স্তেনলীনা পীবা রিপোর্ত অমা পল্লদুনা, ঙাকশেল মন্ত্রীনা হায়খি মদুদি ভারতপু ২০১৩দা শেন্মিৎলোন ‘য়াম্না শোনবা ৫’গী মনুংদা চনহল্লবা মতুংদা, ইনভেস্ত ফর্ম অদুনা হন্দক্তা লৈবাক অসি ২০২৭ ফাওবদা মালেম অসিগী অহুমশুবা খ্বাইদগী চাউবা ইকোনোমী ওইরগনি হায়না হায়খি। মহাক্না মসিবু হন্দক্কী চহিশিং অসিদা ভারতকী ইকোনোমীদা শাহৌ লাকখিবা অদুগী খুদম্নি। মহাক্কী মিৎয়েংদা ‘ইনখৎলক্লিবা শক্তি’ হায়বা ৱাহৈ পরেং অসি ভারতকী হৌজিক ওইরিবা ফিভম অসি য়েংলগা হায়বা য়াই অদুবু তুং-কোইনগী ওইনা য়েংলগদি মহাক্কী ৱাখল্লোন্দা মসিবু মালেমগী ইকোনোমিক মেপতা মশাগী ফংফম থোকপা মফম অদুবু অমুক হন্না কল্লিবা, অমুক হন্না ফাওগৎলক্লিবা শক্তিনি হায়খি।

শ্রী রাজনাথ সিংনা লৈবাক অসিগি শেন্মিৎলোন চাউখৎহন্নবা সরকারনা লৌখৎলকখিবা খোংথাং কয়া অমা পনখি। মসিদা য়াওরিবশিং অসি দাইরেক্ত ততেক্স রিফোর্মশিং, জি.এস.তি. অমসুং ইজ ওফ দোইং বিজনেস ফগৎহন্নবা খোংথাংশিং। সেক্তর খুদিংমক্তা রিভোলিসনরী ওইবা অওনবা কয়া অমা পুরকখ্রে অমসুং মপান লমগী ইনভেস্তরশিংনা ভারত অসিবু পুক্নিং চিংশিন্নিংঙাই ওইবা মফম অমা ওইনা উরে, হায়না মহাক্না হায়খি।

হৌখিবা চহি খরা অসিদা দিফেন্স সেক্তরদা লাকখিবা অহোংবশিং অদুগী মতাংদা ঙাকশেল মন্ত্রীনা হায়খি মদুদি খুৎলাইশিং অমসুং তেক্নোলোজীশিং শাবাদা ‘আত্মানির্ভর্তা’ মপুং ফানা ফংবা ঙম্নবা খোংথাং কয়া অমা লৌখৎখ্রে। মরু ওইবা ফিরেপশিং অদুগী মনুংদা আর্মদ ফোর্সশিংগীদমক্তা আইতেম ৪১১গী ইন্দিজেনাইজেশনগী পোজিতিব লিস্ত মরি অমসুং দি.পি.এস.য়ু.শিংগীদমক্তা আইতেম ৪,৬৬৬গী অতোপ্পা লিস্ত মরি অমা, মসিদা নত্তনা উত্তর প্রাদেশ অমসুং তামিল নাদুদা দিফেন্স ইন্দস্ত্রিয়েল কোরিদোরশিং থম্বগি মতাংদসু য়াওরি।

সরকারনা হোৎনখিবশিং অদুনা মরম ওইরগা পুরকখিবা অফবা ফমশিং অদুবু তাক্লদুনা, শ্রী রাজনাথ সিংনা হায়খি মদুদি ২০২২-২৩গী ফাইনেন্সিয়েল য়িবরদা লুপা করোর লাখ অমা হেনবা দিফেন্সকী পোত্থোক অমসুং হৌজিক ফাওবগী ওইনা চাউরাক্না লুপা করোর ১৬,০০০কী দিফেন্স এক্সপোর্ত অসিনা দেফেন্স সেক্তরদা লাকখিবা চাউরবা শাহৌ অদুগী খুদম্নি। সরকার অসিনা শেমখিবা স্তার্ত-অপ ফ্রেনলী ইকোসীস্তেম অসিনা লৈবাক অসিদা য়ুনিকোর্ন ১০০ হেন্না শেমগৎহনখ্রে, লোইননা দিফেন্সকী আর.অমসুং দি. অমসুং মেন্যুফেকচরিং সেক্তরদা স্তার্ত-অপশিংগী মশিং য়াম্না হেন্না হেনগৎকলপা থেংনখি হায়না মহাক্না মখা তাখি। 

ঙাকশেল মন্ত্রীনা ২০৪৭ ফাওবদা ভারতপু চাউখৎপা লৈবাক অমা ওইহন্নবগীদমক্তা প্রধান মন্ত্রীগী রেদ ফোর্ত্তগী ২০২২গী ইন্দিপেন্দেন্স দেগী মীয়ামদা ৱা ঙাংবদা হায়খিবা ভিজন অদুগী মতাংদা মহাক্না খঙজবশিং অদুবুশু মীয়ামদা শিয়র তৌরকখি। সরকার অসিনা প্রধান মন্ত্রীগী ভিজন অদুবু মঙফাওনবা ঙম্নবা হেল্থ সেক্তর, এজুকেশন, রোদ ত্রান্সপোর্ত, রেলৱেজ অমসুং বোর্দর দেবেলপমেন্ত য়াওনা সেক্তর খুদিংমক্তা অখন্নবা মিৎয়েং থম্লি, হায়না মহাক্না হায়খি।

শ্রী রাজনাথ সিংনা ইন্দিয়া @2047গীদমক্তা মহাক্কী ভিজন অদু পনখি, মসিদা মতিক-চাবা সরকারগী মেছিনরীগা লোইননা য়াইফরবা রাজ্য অমা শেম্বগী তঙাইফদবা লৈ; মতেংগী মথৌতাবা খুদিংমক্তা মতেং পাংবা; খুনাইদা নুংশি-চাননা লৈবা ; নুপীশিংনশু চপ মান্ননা শরুক য়াবা অমসুং এমপ্লোইমেন্ত হেনগৎহনবা ইকোসীস্তেম অমা লৈবা হায়রিবশিং অসি য়াওখি। মহাক্না নহাশিংগী এবিলিতিশিংঅদুবু দেবেলপ তৌদুনা লৈবাক অসিগী মীয়ামগী পুন্সিদা অৱাংবা থাক্কী পুন্সি মহিং অমা লৈহন্নবা ইকোনোমিক ইনফ্রাস্ত্রকচরগী কেপাসিতী মখাতানা হেনগৎহন্নবসু হায়খি। মীপুম খুদিংমক্না মশাগী অপাম্বা নিজনেস অমহেক্তা তৌবদা নিংখা তম্না তৌবা ঙম্বা মতিক চাবা মার্কেত ইকোনোমী লৈবা শাহৌ লাকপা পাম্লি।  

ঙাকশেল মন্ত্রীনা মখা তারদুনা হায়খি মদুদি ফিজিকেল/মেন্তেল ইলনেস নত্রগা ইমুংগী ওইবা খুদোংচাদবা খরনা মরম ওইরগা মশাগী মঙলানশিং অদুবু মঙফাওনবা ঙমদ্রবা লাইবক থিরবশিংগী পুন্সি মহিং অদুবু নিংথিনা য়েংশিনবদা মিৎয়েং থমগদবনি। “ঐখোয়না নুঙঙাই-য়াইফবা রাজ্য অমা শেম্বগী তঙাইফদবা লৈ। মশাগী মীশিংগীদমক্তা অৱাংবা থাক্কী মচি ওইবা চিঞ্জাকশিং ফংহনবা, য়ুমলৈ-কৈরৈ মতিক চাবা, মহৈ-মশিং অমসুং হকশেল নিংথিনা থম্বা রাজ্যা অমা তঙাইফদে। মসিগী ‘সেফতী নেত’ অসিগীদমক্তা পব্লিক অমসুং প্রাইভেত সেক্তর অনিমক্না পুন্না থবক তৌবগী তঙাইফদবা লৈ,” হায়না মহাক্না হায়খি।

শ্রী রাজনাথ সিংনা মালেম শিনবা থুংনা য়ুনিভর্সেল ভেল্যুশিং খুদম ওইনা গনতন্ত্র; ধর্মগী মনিং-মখা তম্বা, ইজত অমসুং শান্তি পুরকপা অদুগুম্বা চাউখৎলবা ভারত অমগী মঙলান শাগৎখি। “ঐখোয় মবাম পুন্না লৈবাক শেমগৎপগী ৱাখল্লোন চপ মান্ননা লৈবা; কেৎনবা অমত্তা থমদনা ভারত মচা খুদিংমক্না পুন্না থবক তৌমিন্নবা ভারত অমগী মঙলান অদু মঙমিন্নসি। মীশিংবু মশাগী জাত-বিজাত অমসুং ধর্মগী মিংদা নত্তবীদা মখোয়গী লৌশিং অমসুং লমচৎ-শাজৎ অদুনা মশক তাকপা, ভারত মচা খুদিংমক্না মীওইবা অমা ওইবগী হক খুদিংমক ফংবা অমসুং মখোয়গী মথৌদাংদা খোংফম চেৎনা লেপ্পা ভারত অমগী মঙলান মঙমিন্নসি। মশাবু ঙকথোকচবা ঙম্বা অমসুং মালেম অসিগী মফম অমহেক্তদা অরানবগী মায়োক্তা লেপ্পা ঙম্বা অদুগুম্বা ভারত অমগী মঙলান মঙমিন্নসি,” হায়না মহাক্না হায়খি।

********