মিনিস্ত্রী ওফ এক্সতর্নেল এফিয়র্স (এম.ই.এ.)গা খুৎশম্নদুনা নেস্নেল সেন্তর ফোর গুদ গোবর্নেন্স (এন.সি.জি.জি.)না শিনখিবা বংগআদেশকী সিভিল সর্ভেন্তশিংগীদমক্তা চয়োল ২ চুপ্না পাংথোকখিবা ৬০শুবা কেপাসিতী বিল্দিং প্রোগ্রাম ২০২৩গী জুন ২দা লোইশিনখ্রে। সিভিল সর্ভেন্ত ১,৫০০গীদমক্তা সি.বি.পি.গী অহানবা ফেস লোইশিনখিবগা লোইননা, এন.সি.জি.জি.না ২০২৫ ফাওবদা অহেনবা সিভিল সর্ভেন্ত ১,৮০০ কেপাসিতী হেনগৎনবা বংগ্লাদেশ সরকারগা এম.ও.য়ু. অমা খুৎয়েক পীনখ্রে। কোবিদ-১৯ লাইচৎ মতুং, হৌখিবা চহি অনিগী মনুংদা, এন.সি.জি.জি.না বংগ্লাদেশকী ওফিসর ৫১৭দা ত্রেনিং পীখ্রে।

২১শুবা চহি চা অসি ‘এসিয়ন সেঞ্চুরী’ হায়না হায়নৈ। মসিনা সাউথ এসিয়ন লৈবাকশিংদা চাউখৎপা লৈবাক অমা ওইহন্নবগী অমসুং মখোয়গী নগ্রিকশীংগী পুন্সি মহিং ফগৎহন্নবা খুদোংচাবা পীরি। মসিগী পান্দম অসি ফংনবা, ম্যুচুৱল লর্নিং য়োকখৎপা অমসুং সিতিজন-সেন্ত্রিক পব্লিক পোলিসীশিংদা অহেনবা মিৎয়েং চংবা অমসুং ই-গোবর্নেন্স এদোপ্ত তৌদুনা অফবা গোবর্নেন্স য়োকখৎপা হায়বসি য়াম্না মরু ওই।

প্রধান মন্ত্রী, শ্রী নরেন্দ্র মোদীগী মখাদা, ভারত সরকারনা মসিগী অনৌবা থৌরাংশিং অসিদা হকথেংননা শরুক য়ারি। মসিনা অতোপ্পা চাউখৎলক্লিবা লৈবাকশিংদশু মখোয়গী সিভিল সর্ভেন্তশিং অমসুং তেক্নোক্রেতশিংগী কেপেবিলিতীশিং হেনগৎহন্নবগী লৌখৎলিবা থৌরাংশিংদশু মতেং পাংলি। মসিগী মিসন অসিগীদমক্তা, মিনিস্ত্রী ওফ এক্সতর্নেল এফিয়র্স (এম.ই.এ.)না নেস্নেল সেন্তর ফোর গুদ গোবর্নেন্স (এন.সি.জি.জি.)বু ‘ইনস্তিত্যুশন ইন ফোকস’ অমা ওইনা খঙনখ্রে। মসিনা মরম ওইরগা, এন.সি.জি.জি.না মখোয়গী থবক-থৌরমশিং অদুবু চাউথোরক্লি অমসুং হেনগৎলক্লি।

বংগ্লাদেশকী সিভিল সর্ভেন্তশিংগী ৬০শুবা সি.বি.পি.গী ভেলিদিক্তরী সেসনদা নেস্নেল সেন্তর ফোর গুদ গোবর্নেন্সকী জেনেরেল দাইরেক্তর, শ্রী ভারত লালনা ময়াই তাংবল লৌখি। মহাক্না ৱা ঙাংবা মতমদা, অসিগুম্বা কেপাসিতী বিল্দিং প্রোগ্রামশিং অসিনা গোবর্নেন্স ফগৎহন্নবা অমসুং পব্লিক সর্বিস নিংথিনা তৌনবা ভারত্তা মাইপাক্না ইমপ্লিমেন্ত তৌখ্রবা ৱাখল-লৌশিং অমসুং অনৌবা মখলগী প্রক্তিসশিং অদুবু ফেসিলিতেদ তৌনবগী পান্দমগা লোইননা নিংথিনা ক্যুরেত তৌখ্রে। খ্বাইদগী হেন্না ফবা প্রক্রিসশিং এক্সচেঞ্জ তৌদুনা ভারতনা মালেমগী থাক্তা গোবর্নেন্স সীস্তেমশিং দেবেলপ তৌবদা অমসুং হেন্না মপাঙগল কনখৎহনবদা শরুক য়ানবগী পান্দম থম্লি। দি.জি.না মসিদা শরুক য়ারিবা ওফিসরশিংদা মখোয়গী অকক্নবা তঙাইফদবশিং অদুগী মতুং ইন্না মথৌতাবা শেমদোক-শেমজিন তৌদুনা এদাপ্ত অমসুং রেপ্লিকেত তৌবা ঙম্নবা সি.বি.পি.দগী মরু ওইবা লর্নিং ৪-৫ খঙদোক্নবা হায়খি।

দি.জি.না খুনাই অসিদা সিভিল সর্ভেন্তশিংনা লৌরিবা মরু ওইবা থৌদাংশিং অদুগী মতাংদশু পনখি। মহাক্না সিভিল সর্ভেন্তশিং মীয়ামগী অপাম্বা মশক খঙগদবনি অমসুং  থবক পাংথোক্কদবনি অমসুং অকক্নবা মতমগী মনুংদা মীয়ামগী থবকশিং অদু পাংথোক্কদবনি হায়না হায়খি। মীয়ামগীদমক্তা ওইবা এপ্রোচ এদোপ্ত তৌদুনা অমসুং খ্বাইদগী হেন্না ফবা মওংদা প্রোব্লেম সোল্ব তৌবদা অখন্নবামিৎয়েং থমদুনা, সিভিল সর্ভেন্তশিংনা মীয়ামগী য়াইফনবগীদমক্তা অমসুং গোবর্নেন্স সীস্তেমদা থাজবা থম্বদা য়াম্না চাউনা শরুক য়াগনি। মহাক্না মখোয়দা বেসিক এমেনিতীশিং খুদম ওইনা হাউসিং, ঈশিং, তোইলেতশিং, থোংনবা গ্যাস, এজুকেশন, হেল্থকিয়র, ফাইনান্সিয়েল সর্বিসশিং, অমসুং স্কিল দেবেলপমেন্ত হায়রিবশিং অসি ফংহনবদা স্পীদ অমসুং স্কেলগা লোইননা থবক তৌনবা খঙহনখি।

মহাক্না মরু ওইনা পনখি মদুদি ‘এসিয়ন সেঞ্চুরী’ অসিনা ত্রান্সফোর্মেতিব ফেজ অমগী মউৎ শিল্লি, মসিদা সাউথ এসিয়ন লৈবাকশিংনা অচৌবা গ্লোবল প্লেয়র অমা ওইনা থোরক্কদৌরিবনি। ফজরবা কলচরেল হেরিতেজ, দাইভর্স ইকোনোমীশীং অমসুং নহা ওইরিবা অমসুং ইচং থৌরিবা মীশিংগা লোইননা, সোউথ এসিয়ানা সস্তেন্নেবল গ্রোথ অমসুং দেবেলপমেন্তকীদমক্তা মথৌ তাবা মচাকশিং অদু লৈ। দি.জি.না তৌইনা ময়োক্নরিবা শিংনবশিং অদুবু কোকহন্নবা, ময়ামদগী শোত্থরবা ফুরপশিংবু পুখৎনবা , আমসুং লমদম অসিদা লৈরিবা নাগ্রিকশিংগী পুন্সি ফগৎহন্নবা মসিগী পাঙ্গলশিং অসিবু শিজিন্নবগী মরু ওইবা অদু পনখি।

গ্লোবল সাউথতা সোসিয়ো-ইকোনোমিক দেবেলপমেন্ত লৈহন্নবা, নুপীগী ইনক্লুজন অমসুং এমপাৱরমেন্ত অসি য়াম্না মরু ওই। অৱাংবা থাক্কী পব্লিক সর্বিসশিং ফংহন্দুনা অমসুং মখোয়দা ফগদবা এনভাইরনমেন্ত লৈহন্দুনা, নুপীশিংনা ৱার্কফোর্সতা হকথেংননা শরুক য়াবা ঙমগনি অমসুং ইকোনোমিক একইতিবিতীশিং মরু ওইবা থৌদাং লৌবা ঙমগনি, মসিনা অপুনবা প্রোদক্তিবিতীদা হেনগৎহল্লগনি। দি.জি.না সিভিল সর্ভেন্তশিংদা নুপীশিংগী এমপাৱরমেন্তকীদমক্তা থবক তৌগদবনি, খুদোংচাবশিং অমসুং রিসোর্সশিংদা চপ মান্ননা এক্সেস ফংহন্নবা থবক তৌগদবনি। অসিগুম্বা লেং মান্ননা থবক তৌবা অসিনা ঐওয়গী লৈবাকশিংবু চাউ-থৌরাংগী মথংগী থাক অদুদা পুখৎপদা য়াম্না মরু ওই হায়না মহাক্না হায়খি।

মসিগী মথক্তা মহাক্না লীকেজশিং থোকহন্দনবা অমসুং রিসোর্সশিংবু নিংথিনা শিজিন্ননবা য়াম্না লিংবা পাম্বৈশিংগী তঙাইফদবশিং অদুগী মতাংদা পনখি। মসিগা লোইননা মহাক্না ইন্দিয়া-বংগ্লাদেশকী অচেৎপা মরি থম্বগী মরু ওইবা অদুসু পনখি। মখাতানা দি.জি. অসিনা ওফিসরশিং অদুদা এন.সি.জি.জি.গী এলুম্নিগী শরুক অমা ওইনা  মখোয়গী ৱাখল-লৌশিং অমসুং খ্বাইদগী হেন্না ফবা পর্ক্তিসশিং অদু এক্সচেঞ্জ তৌননবা থৌগৎখি। অসিগুম্বা এক্সপরিয়েন্স অমসুং এক্সপর্তীজ শিয়র তৌনবা অসিনা ইন্নোভেশন পুরক্কনি, অনৌবা খোংথাংশিং থৌগৎকনি অমসুংমালেম শিনবা থুংনা গোবর্নেন্স অমসুং পব্লিক এদমিনিস্তরেশনদা অফবা অহোংবা অমা প্রোমোত তৌরগনি।

কোর্স কোওর্দিনেতর, দা. এ.পি. সিংনা ৱা ঙাংবা মতমদা ৬০শুবা কেপাসিতী বিল্দিং প্রোগ্রাম অসিদা য়াওরিবা মখল-মখা কয়াগী হিরমশিং অদুগী মতাংদা পনখি। মসিগী ইনিসিয়েতিবশিং অসিদা গোবর্নেন্স, দিজিতেল ত্রান্সফোর্মেশন, দেবেলপমেন্ত স্কীমশিং, অমসুং সস্তেনেবল প্রক্তিসশিংগী মতাং বাওরি। মসিদা য়াওখিবা হিরমশিং অদুগী মনুংদা গোবর্নেন্সকী হোংঙক্লিবা পারদাইম, পাসপোর্ত সেৱা অমসুং এম.এ.দি.এ.দি. য়াওনা দিজিতেল গোবর্নেন্সকী মতাংদা কেস স্তদী, মীপুম খুদিংমক্তা হাউসিং, তোঙান-তোঙানবা দেবেলপমেন্ত স্কীমশিংদগী খ্বাইদগী হেন্না ফবা প্রক্তিসশিং, ইকো-ফ্রেনলী স্মার্ত সিতী প্লানিং, ভারতকী কমপোজিত ওইবা কলচর, অফবা গোবর্নেন্সতা আধারগী থৌদাং, দিজাস্তর মেনেজমেন্ত, ওল ইন্দিয়া সর্বিসশিংগী ওভরভ্যু অমা, স্তেচু ওফ য়ুনিতী প্রোজেক্ত, পব্লিক-প্রাইভেত পার্তনরশিপশিং, স্বামিত্বা স্কীম, হেল্থ সেক্তর ওপ্তিমাইজেশন, লীদরশিপ অমসুং কম্যুনুকেশন, ই-গোবর্নেন্স, দিজিতেল ইন্দিয়া, উমঙ, পি.এম. গতি শক্তি য়োজনা, গোবর্নমেন্ত ই-মার্কেতপ্লেস (জি.ই.এম.),  খুঙ্গংগী লমশিংদা কনেক্তিবিতী লৈহন্নবগীদমক্তা পি.এম.জি.এস.ৱাই., গ্রীন ইনর্জী, এফিসিয়েন্ত পব্লিক সর্বিস দেলিভরী, ভিজিলেন্স এদমিনিস্ত্রেশন, ৱীমেন-সেন্ত্রিক গোবর্নেন্স, এন্তি-করপ্সন স্ত্রেতেজীশীং, সর্কুলর ইকোনোমী, অমসুং ইলেক্সন মেনেজমেন্তকী মতাংদা য়াওখি। মহাক্না পার্তিসিপেন্তশিং অদুদা এক্সপোজর ভিজিতশিংদা শরুক য়াবগী মমল য়াম্লবা খুদোংচাবশিং অদুগী মতাংদা পনখি, মসিনা মখোয়বু মখোয়না তমজরিবশিং অদুবু অমুক হেন্না হেনগৎহল্লে। প্লান তৌরবা ভিজিতশিং অদুদা সাহারানপুরগী দিস্ত্রিক্ত এদমিনিস্ত্রেশন, ভারতকী পার্লিয়ামেন্ত, অমসুং প্রধান মন্ত্রী সংঘ্রালয়া য়াওখি।

এন.সি.জি.জি.না এম.ই.এ.গা পার্তনরশিপ তৌদুনা এন.সি.জি.জি.না লৈবাক ১৫গী সিভিল সর্ভেন্তশিংদা ত্রেনিং পীবীখি খুদম ওইনা বংগ্লাদেশ, কেন্যা, তাঞ্জানিয়া, তুনিসিয়া, সিচিলিজ, গাম্বিয়া, মালদিবস, স্রি লঙ্কা, অফঘানিস্তান, লাওস, ভিয়েতনাম, নেপাল, ভুতান, ম্যানমার অমসুং কেম্বোদিয়া। হেনগৎলক্লিবা দিমান্দশিং অসিবু উরগা, এন.সি.সি.জি.না মশিং হেনগৎলক্লিবা লৈবাকশিংগী লিস্ততগী সিভিল সর্ভেন্তশিংগী মশিং হেন্না থম্বা য়ানবা কেপাসিতী হেনগৎহল্লি। নসিগী এক্সপান্সন অসিনা হেনগৎলক্লিবা দিমান্দ অদুবু নিংবা থুংহন্নবা অমসুং অতোপ্পা লৈবাকশিংনশু এন.সি.জি.জি.না পীরিবা এক্সপর্তিজ অনসুং রিসোর্সশিংদগী কানবা ফংহন্নবা পান্দম থম্লি।

অপুনবা কেপাসিতী বিল্দিং প্রোগ্রাম অসি বংগ্লাদেশকী কোর্স কোওর্দিনেতর, দা. এ.পি. সিং, কো-কোর্স কোওর্দিনেতর, দা. সঞ্জীব শর্মা অমসুং এন.সি.জি.জি.গী কেপাসিতী বিল্দিং তীম্না য়েংশিনখি।

<><><><>