মনিপুরগী হৌজিক ওইরিবা ফিবম অসি য়েংলগা, জুলাই ২, ২০২৩দা পাংথোক্কদবা ইনফোর্সমেন্ত ওফিসার/একাউন্ত ওফিসার অমসুং এসিস্তেন্ত প্রোবিদেন্ত ফন্দ কম্মিসন্নর একজামিনেসন, ২০২৩ গী ইম্ফাল(মনিপুর)দা সেন্তর তাবা কেন্দিদেতশিং অতোপ্পা সেন্তর খন্নবা খুদোংচাবা য়ু.পি.এস.সিনা পীরে। কেন্দিদেতশিংনা মখাগী সেন্তরশিং অসিদগী অপাম্বা খনবা য়াগনি:

1. আইজোল(মিজোরম)
2. কোহিমা(নাগালেন্দ)
3. শিল্লোং(মেঘালয়)
4. দিসপুর(অসাম)
5. জোরহাত(অসাম)
6. কোলকাতা(নোংচুপ বেঙ্গল)

7. দিল্লি

ইন্তরএক্তিব ভোইস রেসপোন্স সিস্তেম(আই ভি আর এস)গী খুদোংচাবগী খুৎথাংদা ইম্ফাল সেন্তরগী কেন্দিদেতনা সেন্তর হোংনবা খুদোংচাবা লৌবা য়াগনি। মসিগী মতাংদা মেসেজ অমা কেন্দিদেত অমগী রেজিস্তার মোবাইল নম্বরদা থাখ্রে। ইন্তরএক্তিব ভোইস রেসপোন্স সিস্তেম(আই ভি আর এস)গী খুদোংচাবা লৌবা কেন্দিদেতশিংনা মখোয়গী রেজিস্তার মোবাইল নম্বর শীজিন্নগদবনি।

অতোপ্পা অমদা,কেন্দিদেত অমনা, জুন ২,২০২৩গী নুমিৎয়ুংবা পুং ১২:০০দগী জুন ১২গী নুংথিল পুং ৫ ফাওবা মখাগী তেলিফোন নম্বরশিং হায়বদি 23070641, 23381073, 23384508 অমসুং  23387876 দা য়ু.পি.এস.সিগা পাউ ফাউনবা য়াগনি। হায়রিবা নম্বরশিং অসি জুন ১২,২০২৩ ফাওবা মথৌ পাংথোক্কনি। হায়রিবা মতম অসিদা কেন্দিদেতশিংনা অয়ুক পুং ৯:৩০দগী নুংথিল পুং ৬ ফাওবা কোল তৌরকপা য়াগনি।

মসিগী মথক্তা, সেন্তর হোংবগী খুদোংচাবা অসি য়ু.পি.এস.সিগী ৱেবসাইত্তা জুন ২, ২০২৩গী নুমিৎয়ুংবা পুং ১২:০০দগী জুন ১২গী নুংথিল পুং ৫ ফাওবা পাংথোকপা য়াগনি।

কেন্দিদেতশিংদগী সেন্তর হোংবগী ৱাফম ফংলবা মতুংদা, মখোয়না খল্লিবা মফমশিংদা সেন্তর পীগনি অমসুং মখোয়গী ই-এদমিত কার্দশিং পীগনি। সেন্তরশিং হোংলে হায়বগী চপ চাবা মেসেজ অমা কেন্দিদেতশিংগি রেজিস্তার মোবাইল নম্বরদা থারক্কনি। য়ু.পি.এস.সিগী ৱেবসাইত্তগী ই-এদমিত কার্দশিং লৌথবা য়াগনি।

*******