تعلیم اور ہنرمندی کی ترقی کے مرکزی وزیر جناب دھرمیندر پردھان کا سنگاپور کا دورہ آج اختتام پذیر ہوا۔ وزیر موصوف موجودہ تعلقات کو مضبوط بنانے اور تعلیم و ہنرمندی کی ترقی میں دوطرفہ مشغولیت کے دائرۂ کار کو وسیع کرنے کے امکانات تلاش کرنے کے لیے سنگاپور کے تین روزہ دورے پر تھے۔

اپنے دورے کے تیسرے دن، جناب دھرمیندر پردھان نے اپنے سنگاپور کے ہم منصب، وزیر تعلیم، عالی جناب چان چن سنگ سے ملاقات کی۔ دونوں وزراء نے دوطرفہ تعاون کو مزید مضبوط بنانے اور تعلیم و ہنرمندی کی ترقی کے تمام شعبوں میں تعامل کو گہرا کرنے پر نتیجہ خیز بات چیت کی۔

 

جناب پردھان نے ان طور طریقوں کی بھی کھوج کی جن میں سنگاپور ہندوستان کے ساتھ بغیر کسی رکاوٹ کے اسکلنگ اور پیشہ ورانہ تعلیم کو اسکول کی سطح سے شروع کرنے کے لیے شراکت داری کر سکتا ہے۔ دونوں وزراء نے ادارہ جاتی میکانزم کے ذریعے موجودہ شراکت داری کی شکل کو وسیع کرنے پر اتفاق کیا، خاص طور پر اساتذہ اور ٹرینرز کی صلاحیتوں کو بڑھانے، تعلیم اور ہنر مندی کے ماحولیاتی نظام میں مستقبل کی مہارتوں کو شامل کرنے کے ساتھ ساتھ خصوصی اسکولوں، کھیلوں کے اسکولوں کے ساتھ تعامل تلاش کرنے پر اتفاق کیا۔

جناب پردھان نے جی 20 ایجوکیشن ورکنگ گروپ کی پچھلی تین میٹنگوں میں بھرپور شرکت کے لیے عالی جناب چان چن سنگ اور سنگاپور کی وزارت تعلیم کا شکریہ ادا کیا۔ انہوں نے مزید کہا کہ بھارت اور سنگاپور جیسے فطری اتحادی باہمی اور عالمی خوشحالی کے لیے مل کر کام کرنے کے تئیں پرعزم ہیں۔  سنگاپور کا وفد پونے میں جی 20 وزرائے تعلیم کے آئندہ اجلاس میں شرکت کرے گا۔

جناب دھرمیندر پردھان نے اسکلز فیوچر سنگاپور کا بھی دورہ کیا، جو ملک کو مستقبل کے لیے تیار کرنے کی خاطر حکومت سنگاپور کی ایک اہم پہل ہے۔ اسکلز فیوچر سنگاپور (ایس ایس جی) قومی اسکلز فیوچر موومنٹ کے نفاذ کو چلاتا اور مربوط کرتا ہے، ہنرمندی میں مہارت حاصل کرنے کے ذریعے زندگی بھر سیکھنے کے کلچر اور جامع نظام کو فروغ دیتا ہے اور سنگاپور میں معیاری تعلیم و تربیت کے ماحولیاتی نظام کو مضبوط کرتا ہے۔

اس موقع پر خطاب کرتے ہوئے جناب پردھان نے کہا کہ اسکلز فیوچر سنگاپور کو تاحیات سیکھنے والوں کا ملک اور ایک ایسا معاشرہ بنانے کا تصور کرتا ہے جو ہنرمندیوں میں مہارت کو اہمیت دیتا ہے۔ انہوں نے مزید کہا کہ اسکلز فیوچر کے اقدام نے سنگاپور کے باشندوں کو اپنی صلاحیتوں کو زیادہ سے زیادہ فروغ دینے کے قابل بنایا ہے اور یہ سنگاپور کی ترقی کے اگلے مرحلے کا ایک اہم محرک ہے۔ جناب پردھان نے روشنی ڈالی کہ مسلسل تعلیم اور زندگی بھر سیکھنا بھی ہندوستان میں این ای پی کی اصل ہے۔ انہوں نے مزید کہا کہ آج حاصل ہونے والی بصیرتیں ہندوستان کے ہنر مند ماحولیاتی نظام کو تبدیل کرنے، مستقبل کے لیے تیار افرادی قوت بنانے اور قومی ترقی کو آگے بڑھانے کے لیے ہماری نوجوان آبادی کی پوری صلاحیت کو بروئے کار لانے کی ہماری کوششوں کو اہمیت دے گی۔

انہوں نے آج سنگاپور یونیورسٹی آف ٹیکنالوجی اینڈ ڈیزائن کا بھی دورہ کیا۔

سنگاپور کے اپنے تین روزہ دورے کے دوران، جناب پردھان نے سنگاپور کی حکومت کے متعدد اہم وزراء سے ملاقات کی جن میں ڈی پی ایم اور وزیر خزانہ، سنگاپور، عالی جناب لارنس وونگ؛ سنگاپور کے وزیر تجارت و صنعت عالی جناب گان کم یونگ؛ سنگاپور کے وزیر برائے خارجہ امور عالی جناب ویوین بالاکرشنن؛ سینئر وزیر اور سماجی پالیسیوں کے رابطہ کار وزیر، عالی جناب تھرمن شانموگرٹنم شامل ہیں۔ بھونیشور میں جی20 فیوچر آف ورک ورکشاپ کے نتائج پر روشنی ڈالتے ہوئے، انہوں نے ان طور طریقوں پر تبادلہ خیال کیا جن میں ہندوستان مشترکہ چیلنجوں سے نمٹنے اور ہندوستانی مہارت کے ماحولیاتی نظام کو تبدیل کرنے کے لئے سنگاپور کی مہارت اور علم کا فائدہ اٹھا سکتا ہے۔

جناب پردھان نے کہا کہ ہندوستان اور سنگاپور کے درمیان مضبوط تاریخی، ثقافتی اور تہذیبی روابط ہیں۔ آج ہماری دوستی باہمی اعتماد  اور احترام پر مبنی ہے۔ انہوں نے مزید کہا کہ علم، مہارت اور سرحدی علاقوں میں شراکت داری کو بڑھانا ہماری دیرینہ دوستی میں نئی جہتیں شامل کرے گا۔

جناب پردھان نے مختلف اسکولوں، اعلیٰ اور ہنر مندی کے اداروں کا بھی دورہ کیا جن میں نانیانگ ٹیکنالوجیکل یونیورسٹی، اسپیکٹرا سیکنڈری اسکول، اسکلز فیوچر، انسٹی ٹیوٹ آف ٹیکنیکل ایجوکیشن سنگاپور شامل ہیں۔

جناب پردھان کو افرادی قوت کی تربیت کے لیے سنگاپور میں اپنائے جانے والے بہترین طور طریقوں اور ماڈلز کا زیادہ سے زیادہ جائزہ لینے کا موقع ملا۔ انھوں نے اساتذہ کے ساتھ بات چیت کی تاکہ تدریسی ماحول اور  تدریس کے بارے میں مزید معلومات حاصل کی جا سکیں۔ وزیرموصوف کو یہ جان کر خوشی ہوئی کہ یہ اسکول مہارت پر مبنی تعلیم کو ترجیح دیتا ہے اور ہر سیکھنے والے کے لیے موزوں رفتار سے سیکھنے کی حوصلہ افزائی پر بھی توجہ دیتا ہے، تاکہ وہ مستقبل کے کام کی جگہوں کے لیے تیار ہوسکیں۔ وزیر موصوف نے ہندوستانی طلباء کے ساتھ بات چیت کی اور اعلیٰ تعلیم، تحقیق، اختراع، کاروبار اور سیکھنے کو کلاس روم کی چہار دیواری سے باہر لے جانے کے لائحہ عمل کے بارے میں اچھی بصیرت حاصل کی۔

جناب پردھان نے زور دے کر کہا کہ 21ویں صدی ہندوستان کی صدی ہونے جا رہی ہے۔ انہوں نے مزید کہا کہ عالمی معیار کی عالمی یونیورسٹیوں، جیسے این ٹی یو اور ہندوستانی یونیورسٹیوں کو 21 ویں صدی کے تقاضوں کے مطابق نئے ماڈل بنانے کے لیے اپنے عمل کو مزید گہرا کرنا چاہیے۔

وزیرموصوف نے اپنے دورے کے دوران سنگاپور میں آئی آئی ٹی اور آئی آئی ایم کے سابق طلباء، اوڈیا ایسوسی ایشن اور غیر مقیم ہندوستانی برادری کے ارکان سے ملاقات کی۔

 

******

ش ح۔ م م۔ م ر

U-NO.5678

(Release ID: 1928812) Visitor Counter : 124