উপ রাস্ত্রপতী, শ্রী জগদীন ধনখরনা ঙসি স্তেত লৈঙাক পুম্নমক্তা, মরুওইনা ঙমখৈগী স্তেতশিংদা বোর্দর সিক্যুরিতী ফোর্সশিংগী মফমদা মীনুংশি উৎপিনবা অমদি ইহুল খঙনা লোইনবিনবা ৱাফম থমখ্রে‍। বি.এস.এফ. পর্সনেলশিংনা ভারতকী শাংলবা, অরুবা ফীভমগী ওইবা অমদি ফাউদোক ফাওজিনফম লৈবা ঙমখৈ পরিংবু ঙাকপদা শাথিরবা শিংনবা কয়া মায়োক্নরি হায়রদুনা, মহাক্না স্তেত পুম্নমক্তা বি.এস.এফ.কী মোরেল মতম পুম্নমক্তা ৱাংনা লৈহন্নবগীদমক মচং ওইবা খোঙথাংশিং লৌখৎহন্নিংবগী অমদি মখোয়গী মেকানিজমশিং সেন্সিতাইজ তৌহন্নিংবগী অপাম্বা ফোঙদোকখি‍।

ঙসি নই দিল্লীগী বিজ্ঞান ভবন্দা পাঙথোকপা বোর্দর সিক্যুরিতী ফোর্সকী ২০শুবা ইনভেস্তিচর সিরেমোনীদা রুস্তমজী মেমোরিএল লেকচর – ২০২৩ পীরদুনা, উপ রাস্ত্রপতীনা ঙমখৈ পরিংদা লৈরিবা লৈবাক মীয়ামগী মফমদা”বি.এস.এফ.কী মশা ওইনবা অমদি বোর্দর সিক্যুরিতী ফোর্সতা ঙাক্লৌ পীননবা” ৱাফম থমখি‍। বি.এস.এফ.না লোন্না পোৎ পুথোক পুশিন তৌবা মীওইশিংদগী ফাগৎলকপা শা-শনশিং য়েংশিন্নবগী মেকানিজম অমা শেমগৎনবা ৱাফমসু থমখি‍।

ইনভেস্তিচর সিরেমোনী অদুদা, বি.এস.এফ. পর্সনেল ৩৫দা মনা লান্থোকখি, মদুদা পুলিস মেদল ফোর গলেন্ত্রী ২ অমদি পুলিস মেদল ফোর মেরিতোরিয়স সর্ভিস ৩৩ য়াওরি‍।

মথৌদা কত্থোকপগীদমক বি.এস.এফ.কী লান্মীশিংবু শিংথারদুনা, মখোয় খুদিংমক্তা ঐখোয় পুম্নমক্না উৎফম থোকপা ফিরেপ হোংদবা অমদি লৈবাক নীংবগী মমি তাই হায়না মহাক্না হায়খি‍। “বি.এস.এফ.কী থৌনা ফরবা নুপা অমদি নুপীশিংনা থৌনা, লিংজেল অমদি লৈবাক্কী থৌগলদা কত্থোকপগী মতৌ উৎলি,” হায়না মহাক্না মখা তাখি‍।

বি.এস.এফ. পর্সনেলশিংগী চঙশিল্লুরবদি হন্দবা মতৌবু থাগৎলদুনা, মখোয়না থার লৈকংলা, রন ওফ কত্চ, উন্না কুপ্পা চীং অমদি অৱাং নোংপোক্কী শুক্লবা উমংনচিংবা খুদোংথিনিংঙাই ওইরব লমগী ফীভমশিংদা ভারতকী ঙমখৈ খোঙফম হন্দনা ঙাক্লি হায়না মহাক্না হায়খি‍। অৱাবা কয়া মায়োক্নরবসু মখোয়গী মোরেল ৱাংনা থাঙ্গত্তুনা থম্লিবা বি.এস.এফ. জৱানশিংগী ইমুং মনুংশিংগী মফমদসু মহাক্না তৌবিমল খঙবা ফোঙদোকখি‍।

উপ রাস্ত্রপতীনা ভারতনা মমাঙদা অমুক্তা তৌখিদ্রিবা মওংদা খুদোংথিবা মায়োক্নরি, অমদি হায়রিবা ফীভমসিদা লাক্লিবা মরুওইবা ৱাফমদি ঐখোয়গী ঙমখৈবু শাফনা ঙাক শেন্দুনা থম্বনি হায়খি‍।

শ্রী কেওএফ. রুস্তমজীবু মী খোনবা হৈবা লুচিংবা অমনি হায়রদুনা, মহাক্না বি.এস.এফ. লিংখৎলম্বখক নত্তনা ভারতকী ৱায়েল পথাপ্তা পব্লিক ইন্তরেস্ত লিতিগেসনগী মপাঙ্গল কল্লবা য়ুম্ফমসু থোল্লম্মি হায়না ভি.পি.না হায়খি‍। মহাক্কী লমজিং মখাদা, বি.এস.এফ.না মতমগা চুনবা, থকশি খাশি লৈবা অমদি মতিক লৈবা লান্মী শঙলুপ অমা ওইরকখিবনি হায়বা ৱাফমসু মহাক্না থমখি‍।

শ্রী রুস্তমজী অসি ১৯৭৭দা লিংখৎলম্বা অহানবা নেস্নেল পুলিস কম্মিসন (এন.পি.সি.)গী লুপ্লোয় অমা ওইরম্মী হায়বা ৱাফম থম্লদুনা, শ্রী ধনখরনা হায়খি, “সংবিধান শেম্লম্বা মীওইশিংদুনা কৈদৌঙৈদসু খল্লুদবা মওংদা মীওইবগী হক পাক শন্না খোঙ্গোয়নবা, ইনস্তিত্যুসনশিংগী দিবেকল কয়া লৈখিবা ১৯৭৫কী মতমদা মালেমগী খ্বায়দগী চাউবা দিমোক্রেসী অসিদা ইমর্জেন্সীগী অমম্বা মতম অমা লাকখিবনা মরম ওইরগা এন.পি.সি. লিংখৎপা মথৌ তাখি‍। য়াম্লবা মীওই কয়া কৈশুমশঙদা নমশিনখি অমদি মখোয়দা ৱায়েলশঙদা চৎনবগী খুদোংচাবা ফংহনখিদে...”

ভারত্তা জুদিসিএল এক্তিভিজমগী ফীভম শেমগৎলম্বগীদমক শ্রী রুস্তমজীবু থাগৎলদুনা, মহাক্না ভারতকী ইহান হানবা পব্লিক ইন্তরেস্ত লিতিগেসন কেস, হুসেনরা খাতুন ভর্সেস স্তেত ওফ বিহারগী য়ুম্ফম ভারত্তা শেমগৎলমখি, অমদি মদুনা মরম ওইরগা আইন্না য়াবা খ্বা্য়দগী শাংবা মতমদগীসু হেন্না কৈশুমশঙদা লেন্দুনা লাকখ্রবা মীয়াৎ তাদ্রিবা মীওই ৪০,০০০ ভারত শিনবা থুংনা থাদোকখি‍। “করিগুম্বা মহাক্না তুমিন্না ফমদুনা লৈথোক্লম্লবদি, মখোয়শিং অদু কৈশুমশঙদা য়াতাদুনা লৈরমগনি‍। অদুবু মহাক্না হোৎনখি অমদি মায় পাকখি‍। ঐনা অমুক্কসু হায়জরি, হোৎনবদা কৈদৌঙৈদসু খঞ্জান্নবা তৌগনু, মায়থিবা হায়বসি মায় পাক্নবগী লম্বীদা খোঙথাঙ অমা থাংজিল্লবনি,” হায়না ভি.পি.না মখা তাখি‍।

উপ রাস্ত্রপতীনা বি.এস.এফ.কী অতোপ্পা হান্নগী দি.জি. অমা, শ্রী প্রকাস সিংহবু রুস্তমগীদগী থৌদাং ইচঙ থৌনা য়াহৌবগী অমদি লমজিং মৈরাবু হেন্না ৱাংবা থাক্তা থাঙ্গৎলম্বগীদমক থাকৎখি‍। পুলিসতা অওনবা পুরক্নবগী লমদা মহাক্না চোকথবা নাইদনা হোৎনরম্বশিং পল্লদুনা, মদুনা লৈঙাক পায়রিবশিংদা পুলিসপু কমদৌনা মথৌ তৌবা অমদি লৈবাক্কী থৌগলদা চঙহনবা য়াহনগনি হায়বগী য়ুম্ফম অমা পীখিবা ২০০৬কী সুপ্রিম কোর্তকী মশক নাইবা ৱায়েল অমা লাাকখি‍।

দোক্তর এস.এল. থাওসেন, দি.জি. বি.এস.এফ., শ্রী পি.ভি. রামাসাস্ত্রী, এ.দি.জি. বি.এস.এফ., লান্মী শঙলুপ্তুগী মকোক থোংবা ওফসিরশিং, জৱানশিং অমদি ভেতেরনশিংসু থৌরমদুদা শরুক য়াখি‍।

থৌরমদুদা উপ-রাস্ত্রপতীনী পীখিবা ৱারোলগী মচং ওইবা ৱাফমশিং পানবগীদমক মসিদা নম্বিয়ু‍।

*****