চহি খুদিংগী জ্যেস্থ অস্থমিগী নুমিত্তা কাশ্মিরি পন্দিতশিংনা খীর ভৱানি তেম্পল হায়নশু খঙনবা মাতা রাগনেয়া দেবি তেম্পলদা লাইখুরুম্বা চৎনৈ। হন্দক্কী চহি অসিগী মেলা অদু মেগী ২৮দা কাশ্মিরি পন্দিতশিংদা নত্তনা কাশ্মির ভেলীগী লমদম অদুগী মীশিংনশু য়াম্না থৱাই য়াওনা অমসুং নুংঙাইনা পাংথোকখ্রে।

মহাক্কী ত্বীত্তা, কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা হায়খি “জ্যেস্থ অস্তমিদা পাংথোকপা খীর ভৱানি মেলা কাশ্মিরি পান্দিতকি ইচিল-ইনাওশিংগী স্পিরিচুৱলগী ওইবা পুন্সিদা য়াম্না শেংলবা মফম অমা কল্লি, দিভোতী ২৫০০০ হেন্না মেলা অদুদা শরুক য়াখি। খীর ভৱানি মেলা অসিবু মাইপাক্না পাংথোকখিবগীদমক্তা জম্মু অমসুং কাশ্মিরগী লেপ্তনেন্ত গোবর্নর, শ্রী মনোজ সিনহা, সি.এ.পি.এফ.শিং, জে. অমসুং কে.গী পুলিস অমসুং লোকেল এদমিনিস্ত্রেশনবু ঐহাক্না থাগৎপা ফোংদোক্লি। ইমা খীর ভৱানিগী মতিক-মগুন লৈরবা থৌজালনা ঐখোয়বু মতম চুপ্পদা থৌজানবীবা ওইরসনু।”

খীর  ভৱানি মেলা অসি মেগী ২৬তা হৌখি অমসুং মেগী ২৮দা লোইশিনখি, হায়বদি জ্যেস্থ অস্তমি নুমিত্তা। মেলা অদুগী অহানবা নুমিত্তা জম্মুদগী বস ১০৭তা লাইশঙ অদুবু য়ৌনবা দিভোতী ২৫০০ হেন্না লাকখি।

দিভোতীশিং অদুনা য়াম্না নুংঙাইনা লৈনবগীদমক্তা দিস্ত্রিক্ত এদমিনিস্ত্রেশন গান্দরবলনা য়াম্না পাক চাউনা অমসুং য়াম্না মচা খাইনা শিনখি। দিস্ত্রিক্ত পুলিস গান্দরবল, এন.জি.ও.শিং, সরকারগীকর্মচারিশিং, রাজনিতি দল অসিনচিংবশিং অসিনা মখোয়গী তেন্তশিং খিনখি অমসুং দিভোতীশিংদা রিফ্রসমেন্তশিং পীখি। দিস্ত্রিক্ত পুলিস, গান্দরবলনা য়াম্না মচা খাইনা সেক্যুরিতী শিন লাংখি, জে.অমসুং কে. পুলিসকী মেনপাৱরগা লোইননা সি.এ.পি.এফ.কী কোই ২০ য়াওখি। এস্কোর্ত ভেহিকলশিং, আর.ও.পি., সি.তি. ক্যু আর.তি.শিং,  লো অমসুং ওর্দরগী কম্পোনেন্তশিং, অহেনবা নাকা পোইন্তশিংনা ঙাকশেনবগী থৌরাংদা শরুক য়াখি। দিভোতীশিং অদুগী চান-থক্নবা পীনবগীদমক্তা লঙ্গার ১০ থমখি।

মে ২৮গী নুমিদাংগী আর্তি/পুজাগা লোইননা মেলা অদু য়াম্না ইংনা-চিক্না লোইশিনখি। কাশ্মিরি পান্দিতশিং অমসুং লম্দম অদুগী অতোপ্পা কাংলুপশিংনা মখোয়না নুংশিজবশিং অমসুং খুনাইগী শান্তি, নুংঙাই-য়াইফবা অমসুং হরাও-তয়াম্বগীদমক্তা খুরুমখি।

মমাংগী চহিদা জ্যেস্থ অস্থমিগী শেংলবা থৌরম অদুদা চাউরাক্না কাশ্মিরি পন্দিত অমসুং দিভোতী ১৮,০০০ লোম্না মমিং লৈরবা  মাতা ভৱানি তেম্পলদা লাই খুরুম্বা লাকখি। খীর ভৱানি অসি কাশ্মিরি পন্দিতশিংগী লাইরেম্বিনি হায়না খঙনৈ, মহাক অসি মফম অদুদা ময়াম্না য়াম্না চেৎনা থাজনৈ। চহি কয়াদগী, খীর ভাৱানি মেলা অসি কাশ্মির কাংলুপশিংগী মরক্তা নুংশি-চান্ননা লৈবা অমসুং মচিন-মনাও ওইবগী খুদম অমা ওইরকখি।

The Kheer Bhawani Mela held on Jyeshtha Ashtami in Kashmir occupies a sacred place in the spiritual realm of the Kashmiri Pandit sisters & brothers. More than 25000 devotees attended the Mela. I congratulate LG Shri @manojsinha_ , CAPFs, J&K Police and the local administration on… pic.twitter.com/e2YzvoALNT

— Amit Shah (@AmitShah) May 29, 2023

*****