પ્રધાનમંત્રી શ્રી નરેન્દ્ર મોદીની અધ્યક્ષતામાં કેન્દ્રીય મંત્રીમંડળે 17 મે, 2023ના રોજ ભારતની ઉત્પાદન ક્ષમતા અને નિકાસ વધારવા- આત્મનિર્ભર ભારત માટે IT હાર્ડવેર માટે પ્રોડક્શન-લિંક્ડ ઇન્સેન્ટિવ (PLI) સ્કીમ 2.0 રજૂ કરવાની મંજૂરી આપી હતી.

આ યોજના 29 મે, 2023 ના રોજ સૂચિત કરવામાં આવી હતી. IT હાર્ડવેર માટે PLI સ્કીમ 2.0 હેઠળ અરજીઓની વિન્ડો 01 જૂન, 2023થી ખુલશે.

IT હાર્ડવેર માટેની PLI સ્કીમ 2.0 એ ઘટકો અને પેટા-એસેમ્બલીઓના સ્થાનિકીકરણને પ્રોત્સાહિત કરીને અને દેશમાં સપ્લાય ચેઇન વિકસાવવા માટે લાંબા સમય સુધી પરવાનગી આપીને ઉત્પાદન ઇકોસિસ્ટમને વિસ્તૃત અને ગહન બનાવવાની અપેક્ષા છે. વધુમાં, આ યોજના અરજદારો માટે વધેલી સુગમતા અને વિકલ્પો પ્રદાન કરે છે, અને વૃદ્ધિને વધુ પ્રોત્સાહન આપવા માટે વધતા જતા વેચાણ અને રોકાણ થ્રેશોલ્ડ સાથે જોડાયેલ છે. વધુમાં, IT હાર્ડવેર માટે PLI સ્કીમ 2.0 ના પ્રોત્સાહક ઘટકો તરીકે સેમિકન્ડક્ટર ડિઝાઇન, IC ઉત્પાદન અને પેકેજિંગનો પણ સમાવેશ કરવામાં આવ્યો છે.

IT હાર્ડવેર માટેની PLI સ્કીમ 2.0 ₹17,000 કરોડના અંદાજપત્રીય ખર્ચ સાથે મંજૂર કરવામાં આવી છે.

• યોજના લગભગ ₹3.35 લાખ કરોડનું કુલ ઉત્પાદન, ઈલેક્ટ્રોનિક્સ ઉત્પાદનમાં ₹2,430 કરોડનું વધારાનું રોકાણ લાવશે અને 75,000 વધારાની સીધી નોકરીઓનું સર્જન કરશે તેવી અપેક્ષા છે.

• આ યોજના લેપટોપ, ટેબ્લેટ, ઓલ-ઈન-વન પીસી, સર્વર્સ અને અલ્ટ્રા સ્મોલ ફોર્મ ફેક્ટર (USFF) ઉપકરણોમાં મોટા પાયે ઉત્પાદનને પ્રોત્સાહન આપશે અને 2025-26 સુધીમાં આશરે USD 300 બિલિયનનું ઈલેક્ટ્રોનિક્સ ઉત્પાદન ટર્નઓવર હાંસલ કરવા માટે નોંધપાત્ર યોગદાન આપશે.

• હાલના PLI ના મંજૂર અરજદારોને PLI 2.0 હેઠળ અરજી કરવાની મંજૂરી આપવામાં આવશે.

આ યોજનામાં અરજદારોની ત્રણ શ્રેણીઓ છે, જેમકે, વૈશ્વિક કંપનીઓ, હાઇબ્રિડ (વૈશ્વિક/સ્થાનિક) કંપનીઓ અને સ્થાનિક કંપનીઓ.

IT હાર્ડવેર માટે PLI સ્કીમ 2.0 ની વિગતો નીચેના URL પર ઉપલબ્ધ છે:

https://www.meity.gov.in/content/production-linked-incentive-scheme-pli-20-it-hardware

YP/GP/JD