رکشا منتری جناب راج ناتھ سنگھ 28-30 مئی 2023 کے درمیان نائیجیریا کا دورہ کریں گے تاکہ مغربی افریقی ملک کےنو منتخب صدر بولا احمد تینوبو کی حلف برداری کی تقریب میں شرکت کریں۔ جناب راج ناتھ سنگھ 29 مئی کو ابوجا کے ایگل اسکوائر میں حلف برداری کی تقریب میں شرکت کریں گے۔ وہ 28 مئی کو نائیجیریا کے سبکدوش ہونے والے صدر  جناب محمدو بوہاری سے بھی ملاقات کریں گے۔

یہ کسی ہندوستانی وزیر دفاع کا نائیجیریا کا پہلا دورہ ہوگا۔ رکشا منتری کا دورہ دونوں ملکوں کے درمیان دوستی کے مضبوط رشتوں کو استوار کرنے میں ایک اہم سنگ میل ثابت ہوگا۔ ہندوستان اور نائیجیریا کے درمیان بڑھتے ہوئے دفاعی تعاون کو دیکھتے ہوئے، وزارت دفاع کے سینئر افسران اور اہم دفاعی  پی ایس یوز کی اعلیٰ قیادت جناب راج ناتھ سنگھ کے ساتھ ہوگی۔ وہ نائیجیریا کی صنعت اور مسلح افواج کے نمائندوں کے ساتھ میٹنگ کریں گے تاکہ آلات اور پلیٹ فارمز کی نشاندہی کی جا سکے، جس کے ذریعے ہندوستانی دفاعی صنعت اس  ملک کی ضروریات کی سپورٹ کر سکتی ہے۔

ایک اندازے کے مطابق نائیجیریا  50,000ہندوستانی کمیونٹی کے  ارکان کا گھر ہے۔ رکشا منتری اس دورے کے دوران ابوجا میں ہندوستانی تارکین وطن سے خطاب کریں گی۔

ش ح۔ ا ک ۔ ج

Uno5526