“महिला आणि मुलांच्या तस्करीला  प्रतिबंध’ या विषयावर, 23 आणि 24 मे 2023 रोजी, मोहालीचे एनआयपीसीसीडी प्रादेशिक केंद्रात, अंगणवाडी सेवा योजनेच्या अधिकाऱ्यांसाठी ऑनलाईन प्रशिक्षण कार्यक्रम आयोजित करण्यात आला होता. तसेच, “कामाच्या ठिकाणी महिलांची होणारी लैंगिक छळवणूक प्रतिबंध  कायदा, 2013’ या विषयावर मार्गदर्शन करण्यासाठी आणखी एक ऑनलाईन कार्यक्रम आयोजित करण्यात आला होता. एनआयपीसीसीडी प्रादेशिक केंद्रातच, शाळेचे मुख्याध्यापक आणि अंतर्गत समितीचे सदस्य यांच्यासाठी 25 मे 2023 रोजी हा प्रशिक्षण कार्यक्रम आयोजित करण्यात आला होता. एकूण 62 लोकांनी यात सहभाग घेतला.

सायबर गुन्ह्यांपासून मुलांचे संरक्षण करण्याच्या मोहिमेत एक पाऊल पुढे टाकत, DIET येथील SCERT च्या शिक्षकांसाठी 'ऑनलाइन लैंगिक अत्याचारापासून मुलांचे संरक्षण' या विषयावर 22-24 मे, 2023 दरम्यान एनआयपीसीसीडी, नवी दिल्ली येथे कार्यशाळा आयोजित करण्यात आली होती. या कार्यशाळेत 61 शिक्षकांनी सहभाग घेतला.

***

N.Chitale/R.Aghor/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai