য়ুমলৈ-কৈরৈ মন্ত্রালয়
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা ঙসি নই দিল্লীদা জনগননা ভাৱন শঙ্গাবা
সেন্সস দেতা অসি চাউখৎ-থৌরাংগী ওইবা বেসিক প্লান শেম্বদা অমসুং ময়ামদগী শোত্থরবা অমসুং হন্থনা থম্বীরবশিংদা বেসিক এমেনিতীশিং পীবদা মতেং ওই
লৈবাক অসিগী মাইকৈ খুদিংমক্তা অমসুং হিরম খুদিংমক্তা মপুং ফানা চাউখৎহনবা হায়বসি দেতাদা য়ুমফম ওইবা প্লানিংগী খুত্থাংদা খক্তমক ওইথোকপা ঙমগনি অমসুং অসিগুম্বা দেতাগীদমক্তা সেন্সস নত্তনা অতোপ্পা পাম্বৈ অমত্তা লৈতে
প্রধান মন্ত্রী, শ্রী নরেন্দ্র মোদীগী লুচিং মখাদা, অনৌবা সেন্সস অসিনা লৈবাক অসিবু মপুং ফানা মাইকৈ খুদিংদা অমসুং হিরম খুদিংমক্তা চাউখৎহন্নবগীদমক্তা মসিদা য়ুমফম ওইগদৌরিবনি, হান্নদি সেন্সস অমসুং চাউখৎ-থৌরাংগীদমক্তা প্লানশিং শেম্লিবা মীওইশিংগী মরক্তা মরি অমত্তা লৈরমদে
প্রধান মন্ত্রী, শ্রী নরেন্দ্র মোদীগী লুচিং মখাদা সরকার অসিনা হৌজিক্তি সেন্সস অসি ইলেক্ত্রোনিক্কী ওইবা মওংদা পাংথোক্লগনি, মসিদা মীপুম খুদিংমক্নআ দেতা মেনবগী হক লৈগনি, হায়রিবা অসি ভেরিফাই তৌরগনি অমসুং ওদিতশু তৌরগনি অমসুং মসিদা সোসিয়ো-ইকোনোমিক স্তেতসকী পেরামিতর ৩৫ হেন্না য়াওগনি
Posted On:
22 MAY 2023 9:20PM by PIB Imphal
কেন্দ্রগী য়ুমলৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি নই দিল্লীদা জনগননা ভাৱন শঙ্গাখ্রে।
![https://static.pib.gov.in/WriteReadData/userfiles/image/image001STJK.jpg](https://static.pib.gov.in/WriteReadData/userfiles/image/image001STJK.jpg)
শ্রী অমিত শাহনা পোকপা অমসুং শিবগী রেজিস্ত্রেশনগীদমক্তা ৱেব পোর্তেল, জিওফেন্সিং য়াওবা অপগ্রেদ তৌরবা এস.আর.এস. মোবাইল এপ্লিকেশন অমসুং সেন্সস পব্লিকেশনগী ওনলাইন সেলগীদমক্তা ৱেবপোর্তেলশু হৌদোকখ্রে।
![https://static.pib.gov.in/WriteReadData/userfiles/image/image002B76G.jpg](https://static.pib.gov.in/WriteReadData/userfiles/image/image002B76G.jpg)
কেন্দ্রগী য়ুমলৈ-কৈরৈ মন্ত্রীনা ১৯৮১দগী ভারতকী সেন্সসকী ত্রীতীশিংশু ফোংখ্রে
![https://static.pib.gov.in/WriteReadData/userfiles/image/image00372A8.jpg](https://static.pib.gov.in/WriteReadData/userfiles/image/image00372A8.jpg)
কেন্দ্রগী হোম এফিয়র্সকী রাজ্য মন্ত্রী, শ্রী নিত্যানন্দ রায় অমসুং শ্রী অজয় কুমার মিশ্রা অমসুং কেন্দ্রগী হোম সেক্রেতরী য়াওনা অঙম-অথৌ কয়া অমনা থৌরম অদুদা শুক য়াখি।
![https://static.pib.gov.in/WriteReadData/userfiles/image/image004OOBA.jpg](https://static.pib.gov.in/WriteReadData/userfiles/image/image004OOBA.jpg)
ৱা ঙাংবা মতমদা, শ্রী অমিত শাহনা হায়খি মদুদি পোকপা অমসুং শিবগী রেজিস্ত্রেশন তৌবা হায়বসি লৈবাক অমগী ওইনআ য়াম্না মরু ওই অমসুং মসিনা সেন্সস আনিগী মরক্তা চাউখৎ-থৌরাংগী প্লানশিং শেম্বদা মতেং পাংই, হৌজিক্তি প্রধান মন্ত্রী, শ্রী নরেন্দ্র মোদীনা লুচিংবা সরকার অসিনা থৌওং অসিবু ওনলাইন ওইহন্দুনা য়াম্না লাইহল্লে। ঙসিদি ১৯৮১দগী সেন্সস খুদিংমক্কী পুৱারি অদু অদু খোমগৎখ্রে অমসুং লাইরিক ওইনা ফোংখ্রে হায়না মহাক্না হায়খি। শ্রী শাহনা হায়খি মদুদি সেন্সস অসি লৈবাক অমগী চাউখৎ-থৌরাংগী লম্বি য়াৎপগী থৌওং অমনি, মসিগীদমক্তা জিওফেন্সিংগা লোইন-লোইননা এস.আর.এস. অপগ্রেদ তৌরবা মোবাইল এপ্লিকেশন অদুনা সেন্সস তৌরিবা ওফিসিয়েলশিংনা মখোয়গীদমক্তা এলোত তৌরিবা মফম অদুগী মপান্দা চত্তনবা এলর্ত সীস্তেম অমা শেমগৎপা হায়বসি য়াম্নমক তঙাইফদ্রবনি। মহাক্না হায়খি মদুদি রাজ্যশিং, জিলাশিং, অমসুং তেহসিলশিংদা চাউখৎ-থৌরাংগা মরি লৈনবা এনালিসিকা লোইন-লোইননা প্রোফেস্নেল এদভাইস পীনবা লৈবাক শিনবা থুংনা ওর্গনাইজেশণ ময়াম অমা লিংখৎখ্রে অমসুং মখোয়গী প্রোফেস্নেল কমপিতেন্স অদুবু লৈবাক অসিগী চাউখৎ-থৌরাংদা খোংজেল য়াংখৎহন্নবা শিজিন্নগদবনি। এনালিসিস তৌনবগীদমক্তা, মখোয়দা সেন্সস লিতরেচর খুদিংমক ফংহনগদবনি অমসুং ঙসিদগি হৌখিবা সেন্সস পব্লিকেশন খুদিংমক্কী ওনলাইন সেল অদুনা প্লাননরশিং অমসুং রিসর্চরশিংদা য়াম্না কান্নহল্লগনি।
কেন্দ্রগী য়ুমলৈ-কৈরৈ অমসুং কোওপরেশন মন্ত্রী না হায়খি মদুদি ঐখোয়গী লৈবাক অসিগী চাউখৎ-থৌরাংগী থবকশিং অসি চহি কয়া কয়া অমা দিমান্দদা য়ুমফম ওইবা অমসুং মচেৎ খরাখক্তমক ওইখি। মহাক্না হায়খি মদুদি অসিগুম্বা অসুক চাউবা জিয়োগ্রাফিকেল দাইভর্সিতী লৈবা লৈবাক অসিদা হিরম খুদিংমক্তা অমসুং মাইকৈ খুদিংমক্তা মপুং ফানা চাউখৎপা হায়বসি, দেতাদা য়ুমফম ওইবা দেবেলপমেন্ত প্লানিং য়াম্না মরু ওই, মসিগীদমক্তা সেন্স নত্তনা মসিদগী হেন্না ফবা পাম্বৈ অমত্তা লৈতে। শ্রী শাহনা হায়খি মদুদি, প্রধান মন্ত্রী, শ্রী নরেন্দ্র মোদীগী লুচিং মখাদা, অনৌবা সেন্সস অসিনা লৈবাক অসিবু য়ুনিভর্সেল অমসুং কমপ্রেহেন্সিব ওইবা মওংদা চাউখৎহন্নবগী য়ুমফম শেম্লগনি। হান্নদি সেন্সস অমসুং চাউখৎ-থৌরাংগীদমক্তা প্লানশিং শেম্লিবা মীওইশিংগী মরক্তা মরি অমত্তা লৈরমদে হায়না মহাক্না হায়খি।
![https://static.pib.gov.in/WriteReadData/userfiles/image/image005FI65.jpg](https://static.pib.gov.in/WriteReadData/userfiles/image/image005FI65.jpg)
শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা লুচিংবা সরকার অসিনা হৌজিক্তি সেন্সস অসি ইলেক্ত্রোনিক্কী ওইবা মওংদা পাংথোক্লগনি, মসিদা মীপুম খুদিংমক্নআ দেতা মেনবগী হক লৈগনি, হায়রিবা অসি ভেরিফাই তৌরগনি অমসুং ওদিতশু তৌরগনি অমসুং মসিদা সোসিয়ো-ইকোনোমিক স্তেতসকী পেরামিতর ৩৫ হেন্না য়াওগনি। মহাক্না হায়খি মদুদি চাউখৎ-থৌরাংগীদমক্তা ফংহল্লমগদবা দেতাশিং অদু মমাংগী সেন্সসতা য়াওরমদে, অদুগা এনালিসিস তৌনবা সীস্তেমসু লৈরমদে।তঙাইফদনা চংদা য়াদ্রবা পোৎলমশিং খুদম ওইনা , ঈশিং, মৈ, য়ুম, হকশেল অসি নিংখা তম্লবা মতুংদা চাউরাক্না চহি ৭০ রোম ফংখিদে মরমদি কনা অমত্তনা তঙাইফদনা মসিগীদমক্তা মথৌ তাবা বজেত লৈ হায়বা খঙলমদে, প্রধান মন্ত্রী, শ্রী নরেন্দ্র মোদীনা লুচিংবা সরকার অসিনা দেতা অদুবু নিংথিনা নৈনদুনা লৈরবশিংদা খুদোংচাবশিং পীরগনি। মহাক্না হায়খি মদুদি স্কীমশিং শেমখি, তার্গেতশিং লেপখি অদুবু মীপুম খুদিংমক্তা য়ুমশিং পীনবগী তার্গেতশিং লেপ্নবা থৌরাং অমত্তা লৈখিদে মরমদি কনমত্তনা মসিগীদমক্তা বজেত কয়া য়াম্না চংগনি হায়বা খঙলমদে। মহাক্না হায়খি মদুদি হান্নদি এক্সে, এক্যুরেসী, সেন্সস ওনলাইনদা ফংদবা অমসুং প্লানিং অমসুং সেন্সসকী মরক্তা পাও ফাওদোক্নদবনা মরম ওইরগা সেন্সসপু অসিগুম্বা মওংদা শিজিন্নবা অসি ওইথোক্লমদে। শ্রী শাহনা হায়খি মদুদি, প্রধান মন্ত্রী, শ্রী নরেন্দ্র মোদীনা লুচিংবা সরকার অসিনা তোপ-তোপ্পা মখল অমগী এরেঞ্জমেন্ত অমা শিল্লগনি, মসিদা কনাগুম্বা মীওই অমনা চহি ১৮ হেক শুবগা ইলেক্সন কমিসননা মঙোন্দগী ইনফোর্মেশন লৌরগনি অমসুং মহাক্কী ভোতর কার্দ শেম্লগনি। অসিগা চপ মান্ননা কনাগুম্বা অমা লৈখিদবা থোক্লবদি, সেন্সস রেজিস্ত্রারনা মদুগী ইনফোর্মেশন অদু ইলেক্সন কমিসনদা থাগনি অমসুং মহাক্কী মমিং অদু ভোতরশিংগী লিস্ততগী লৌথোক্লগনি।
কেন্দ্রগী য়ুমলৈ-কৈরৈ মন্ত্রীনা হায়খি মদুদি অসিগুম্বা মখলগী সেন্সস, পোকপা অমসুং শিবগী রেজিস্ত্রেশন অমসুং সেন্স মপুং ফারগনি, মসিনা লৈবাক অসিবু মাইকৈ কয়া অমদা কান্নবা পুরক্লগনি। মহাক্না হায়খি মদুদি সেন্সসকী দেতা অসি চাউখৎ-থৌরাংগী ওইবা বেসিক প্লান শেম্বদা অমসুং ময়ামদগী শোত্থরবা অমসুং হন্থনা থম্বীরবশিংদা বেসিক এমেনিতীশিং পীবদা মতেং ওই।
*****
(Release ID: 1927119)
Visitor Counter : 80