পোর্তস, শিপ্পিং অমসুং ৱাতরৱেজ মন্ত্রালয়না ইনলেন্দ ৱাতরৱেজ শেমগৎনবা মাইকৈদা খোঙথাং লৌখৎলি। হীরম অসিদা ব্রহ্মপুত্রা তুরেল মথক্তা শেমগৎনবা ‘রিভরাইন বেজ তুরিজম সর্কিৎ’কীদমক এম.ও.য়ু, অমা গুৱাহাতিদা মে ১৯, ২০২৩দা ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.আই.), সাগরমালা দিবেলপমেন্ত কম্পনী লিমিতেদ (এস.দি.সি.এল.), অসাম তুরিজম দিবেলপমেন্ত কোর্পোরেসন লিমিতেদ (এ.তি.দি.সি.) অমসুং দিরেক্তোরেৎ ওফ ইনলেন্দ ৱাতর ত্রান্সপোর্ত (দি.আই.দবল্যু.তি.) অসামনা খুৎয়েক পীনগনি। খুৎয়েক পীনবগী থৌরম অসিদা অসামগী মুখ্য মন্ত্রী, দা. হিমন্তা বিশ্বা শর্ম অমসুং ভারত সরকারগী পোর্তস, শিপ্পিং অমসুং ৱাতরৱেজ অমদি আয়ুশকী কেন্দ্র মন্ত্রী, শ্রী সর্বানন্দ সোনোৱলনা শরুক য়াগনি।

প্রোজেক্ত অসি অহানবগী ওইনা লুপা করোর ৪০-৪৫গী শেনফমদা সাগরমালা প্রোগ্রামগী মখাদা শেমগৎকনি। এস.দি.সি.এল. অমসুং আই.দবল্যু.এ.আই.না পুন্না প্রোজেক্ত অসিগী শেনফমদা ৫৫% শরুক তমগনি অমরোমদা লেমহৌরিবা অদুনা এ.তি.দি.সি.না পীগনি। দি.আই.দবল্যু.তি.না প্রোজেক্ত অসিগীদমক মন্দিরশিংগী মনাক্তা লৈবা ঘাতশিং লেম্না শীজিন্নবগী অয়াবা পীখ্রে।

সাগরমালা প্রোজেক্তনা গুৱাহাতিদা লৈবা পুৱারী ওইরবা মন্দির তরেৎ মমিং ওইনা পল্লবদা কামাখ্যা, পন্দুনাথ, অশ্বাক্লান্তা, দৌল গোবিন্দা, উমানন্দ, চাক্রেশ্বর অমসুং ঔনিয়াতি সাত্র অসিবু শম্নহল্লগনি। সর্কিৎ অসিনা হনুমান ঘাত উজন বাজারদগী হৌদুনা ঈশিং লম্বীশিংগী খুত্থাংদা মথক্তা পনখ্রিবা মন্দির পুম্নমক অসি মাগী খোঙচৎনা কবর তৌগনি। ফেরী সর্ভিস অসিনা অপুনবা সর্কিৎ অমা মপুং ফানা চৎনবীদমক অপুনবা চৎথোক-চৎশিন তৌবগী মতম অসি পুং ২দগী তানা খক্তা চংহল্লগনি পান্নরি।

***