అంతర్గత జలమార్గాలను అభివృద్ధి చేయడానికి ఓడరేవులు, షిప్పింగ్ మరియు జలమార్గాల మంత్రిత్వ శాఖ (ఎంఒపిఎస్‌డబ్ల్యూ) కట్టుబడి ఉంది. ఈ క్రమంలో, బ్రహ్మపుత్ర నదిపై అభివృద్ధి చేస్తున్న 'రివర్ బేస్డ్ టూరిజం సర్క్యూట్' కోసం ఇన్‌ల్యాండ్ వాటర్‌వేస్ అథారిటీ ఆఫ్ ఇండియా (ఐడబ్ల్యూఏఐ), సాగర్‌మాల డెవలప్‌మెంట్ కంపెనీ లిమిటెడ్ (ఎస్‌డిసిఎల్), అస్సాం టూరిజం డెవలప్‌మెంట్ కార్పొరేషన్ లిమిటెడ్ (ఏటిడిసి ) మరియు  డైరెక్టరేట్‌ ఆఫ్ ఇన్‌లాండ్‌ వాటర్‌ ట్రాన్స్‌పోర్ట్‌ (డిఐడబ్ల్యూటి) మధ్య 19 మే 2023న అస్సాంలోని గౌహతిలో సంతకాలు జరుగుతాయి. అసోం ముఖ్యమంత్రి డాక్టర్ హిమంత బిస్వా శర్మ మరియు ఓడరేవులు, షిప్పింగ్ & జలమార్గాలు మరియు ఆయుష్ మంత్రి శ్రీ సర్బానంద సోనోవాల్  సమక్షంలో ఈ సంతకం కార్యక్రమం జరగనుంది.

రూ. 40-45 కోట్ల ప్రాథమిక వ్యయంతో సాగరమాల కార్యక్రమం కింద ఈ ప్రాజెక్టును అభివృద్ధి చేస్తున్నారు.ఎస్‌డిసిఎల్ మరియు ఐడబ్ల్యూఏఐ సంయుక్తంగా ప్రాజెక్ట్ వ్యయంలో 55% సహకరిస్తాయి. మిగిలినది ఏటిడిసి ద్వారా అందించబడుతుంది. ప్రాజెక్ట్ కోసం దేవాలయాల సమీపంలోని ఘాట్‌ల వినియోగాన్ని ఉచితంగా అందించడానికి డిఐడబ్ల్యూటి అంగీకరించింది.

ఈ సాగరమాల ప్రాజెక్ట్ గౌహతిలో ఉన్న కామాఖ్య, పాండునాథ్, అశ్వక్లాంత, డౌల్ గోవింద, ఉమానంద, చక్రేశ్వర్ మరియు ఔనియతి సత్ర అనే ఏడు చారిత్రక దేవాలయాలను కలుపుతుంది. ఈ సర్క్యూట్ హనుమాన్ ఘాట్, ఉజాన్ బజార్ నుండి ప్రయాణించి, పైన పేర్కొన్న అన్ని దేవాలయాలను జలమార్గాల ద్వారా కవర్ చేయడం ద్వారా తన ప్రయాణాన్ని పూర్తి చేస్తుంది. ఫెర్రీ సర్వీస్ ఒక పూర్తి సర్క్యూట్‌ను పూర్తి చేయడానికి మొత్తం ప్రయాణ సమయం 2 గంటల కంటే తక్కువకు తగ్గిస్తుందని భావిస్తున్నారు.

 

***