گھریلو پروازوں کے ذریعہ سفر کرنے والے مسافروں کی تعداد میں زبردست اضافہ نوٹس کیا گیا ہے۔مختلف گھریلو ایئر لائنس کی جانب سے پیش کی گئی ٹریفک ڈیٹا کے مطابق مسافروں کی تعداد میں ریکارڈ توڑ اضافہ ہوا ہے اور یہ تعدا د533.92 لاکھ تک پہنچ گئی ہے جبکہ سالانہ اعتبار سے گھریلو پروازوں کے ذریعہ سفر کرنے والے مسافروں کی تعداد میں خاطر خواہ اضافہ ہوا ہے جو 42.85 فیصد ہے جبکہ پچھلے سال کی اسی مدت میں سفر کرنے والے مسافروں کی تعداد 352.75 لاکھ تھی۔

مسافروں کی تعداد میں یہ غیر معمولی اضافہ ہمارے ملک کے شہریوں کے لئے سفر کے آسان متبادل فراہم کرنے اور کنکٹوٹی بڑھانے کے لئے جاری کوششوں کو نمایاں کرتے ہوئے بھارت کی ہوا بازی کی صنعت کی لچک اور مضبوطی کی عکاسی کرتا ہے۔ مسافروں کی تعداد میں اضافہ اس بات کا عندیہ ہے کہ ہوائی سفر کی مانگ بڑھ رہی ہے اور اس سےہوا بازی کے شعبہ کی مثبت   رفتار اجاگر ہوتی ہے۔

مزید برآں  اپریل 2022 اور اپریل 2023 کے درمیان  ایم او ایم شرح ترقی میں 22.18 فیصد کا اضافہ ہوا ہے ۔جوگھریلو ایئر لائنس صنعت کی ٹھوس اور مسلسل رفتار کو واضح کرتا ہے۔یہ مسلسل ترقی ایئر لائنز، ہوائی اڈوں، اور شہری ہوا بازی کی وزارت کی ایک محفوظ، موثر اور کسٹمر پر مبنی ہوابازی کے ماحولیاتی نظام کو فروغ دینے کی اجتماعی کوششوں کا ثبوت ہے۔

مسافروں کی تعداد میں قابل ستائش اضافے کے علاوہ، اپریل 2023 کے مہینے کے لیے طے شدہ گھریلو پروازوں کی منسوخی کی مجموعی شرح 0.47 فیصد کی متاثر کن کم شرح پر رہی۔ نیز، اپریل 2023 کے مہینے میں ہر 10,000 مسافروں کی شکایات کی تعداد تقریباً 0.28 کی کم ترین سطح پر ہے۔ یہ کامیابی وزارت شہری ہوابازی اور ایئر لائنز کی جانب سے کی  گئی پیچیدہ منصوبہ بندی، آپریشنل کارکردگی اور فعال اقدامات کا نتیجہ ہے جنہوں نے مسافروں کے لیے بغیر کسی رکاوٹ کے سفر کے تجربے کو یقینی بنانے کے لیے دو سال کی کووڈ-19 کی سست روی کے باوجود اپنے آپریشنز کو تیز کیا ہے۔

شہری ہوا بازی اور اسٹیل کے مرکزی وزیرجناب جیوترادتیہ ایم سندھیا کے مطابق،شہری ہوابازی کے شعبہ کی ترقی کو آگے بڑھانے اور ہندوستان کو ہوا بازی کا ایک عالمی  مرکز بنانے میں اور اسے اس پوزیشن میں لا کھڑا کرنے میں سبھی ملوث افراد کی کوششیں اہم رہی ہیں۔ ہمیں  اس مسلسل توسیع کا مشاہدہ کرتے ہوئے خوشی ہوئی ہے۔گھریلو ایئر لائن انڈسٹری، جو نہ صرف ہماری معیشت کو مضبوط کرتی ہے بلکہ ملک بھر کے لوگوں کو آپس میں جوڑتی ہے۔وزارت ہوابازی کی صنعت کو پھلنے پھولنے کے لیے ایک سازگار ماحول کو فروغ دینے کے لیے وقف ہے اور پائیدار ترقی کو آسان بنانے کے لیے  شراکتداروں کے ساتھ تعاون جاری رہے گااوروزارت  مسافروں کی تسلی ، حفاظت اور کارکردگی کے اعلیٰ ترین معیارات کو یقینی بنائے گی۔

*************

ش ح ۔ح ا ۔ م ش

U. No.5403