আয়ুশ মন্ত্রালয়না নই দিল্লীদা মে ১৮দগী ১৯, ২০২৩ ফাওবা নুমিৎ নিনিগী নেস্নেল আয়ুশ মিসন কনক্লেব পাঙথোক্লি। হকশেল অমসুং য়াইফ—য়ুম্বাল মন্ত্রালয়গী কেন্দ্র মন্ত্রী, দা. মনসুখ মন্দাবিয়ানা অথোইবা মীথুংলেন ওইগনি অমসুং জম্মু অমদি কাশ্মিরগী মীহুৎশিং য়াওনা উত্তর প্রদেশ, মধ্য প্রদেশ, হরিয়ানা, হিমাচল প্রদেশ, গোৱা, ঝারখন্দ, উত্তরাখন্দ, অসাম, মিজোরাম, নাগালেন্দ, অরুনাচল প্রদেশকী হকশেল অমসুং আয়ুশ মন্ত্রীশিং য়াওদুনা আয়ুশ অমসুং পোর্তস, শিপ্পিং এন্দ ৱাতরৱেজকী কেন্দ্র মন্ত্রী শ্রী সর্বানন্দ সোনোৱলনা কনক্লেব অসি হৌদোক্কনি।

উত্তর প্রদেশকী উপ মুখ্য মন্ত্রী, শ্রী ব্রজেশ পথক অমসুং আয়ুশকী রাজ্য মন্ত্রী, দা. মুঞ্জপরা মহেন্দ্রভাইনা আয়ুশ মন্ত্রালয়গী অতোপ্পা ওফিসিএলশিংগা লোয়ননা হৌদোকপগী সেসন্দা শরুক য়াগনি। আয়ুশ মন্ত্রালয়গী আই.সি.তি. ইনিসিএতিব অমা থৌরম অসিদা হৌদোক্কনি।

নেস্নেল আয়ুশ মিসন (নাম) অসি রাজ্যশিং অমসুং য়ু.তি.শিংগী সরকারগা খুৎশম্নদুনা আয়ুশ মন্ত্রালয়না পাইখৎ্রা ফ্লেগশিপ প্রোগ্রাম অমনি; মসিনা রাজ্যশিংদা লৈরিবা হেল্থ অমসুং ৱেলনেস লেন্দস্কেপতা অওনবা পুরক্লি। নুমিৎ নিনিগী কনক্লেব অসিনা স্তেকহোল্দরশিংগী মরক্তা হেন্না ফবা কোওর্দিনেসন পীনবা অমসুং এ.ঐচ.দবল্যু.সি.শিং মথৌ তৌবা হেনগৎহন্নবা লম্বী য়াৎকনি।

নুমিৎ নিনিগী কনক্লেব মনুংদা শরুক য়ারিবা রাজ্যশিংদগী সবজেক্ত এক্সপর্তশিংনা নামগী মখাদা বজেৎ এবজোর্পসন্দা ইফিসিএন্সী হেনগৎহন্নবা অমসুং স্কিম অসি নীংথিনা একজিক্যুসন তৌনবগী ইন্সতিত্যুস্নেলাইজেসন তৌবা, আয়ুশ হেল্থ ফেসিলিতীশিংদা হীদাক লাংথকশিং নীংথিনা সপ্লাই তৌবা ঙমহন্নবা, আয়ুশকী কেপাসিতী বিল্দিং তৌবা অমসুং আয়ুশ হেল্থ ৱেলনেস সেন্তরশিং অপগ্রেদ তৌবা, আয়ুশ পব্লিক হেল্থকিয়রদা রিসর্চ অমসুং ক্বালিতী এস্যুরেন্সকীদমক পব্লিক হেল্থ অমসুং তেক্নোলোজিকেল ইন্তিগ্রেসন তৌবা মপাঙ্গল কনখৎহন্নবা আয়ুশতা এজুকেসন ইকোসিস্তেম মপাঙ্গল কনখৎহন্নবা মীৎয়েং থম্মিবা নেস্নেল আয়ুশ মিসন (নাম)গী তোঙান-তোঙানবা হীরমশিংদা খন্ন-নৈনগনি।

আয়ুশ মন্ত্রালয়গী খোঙথাং অসি আয়ুশ সিস্তেম ইন্তিগ্রেসন তৌবগী খুত্থাংদা পব্লিক হেল্থ অমসুং ৱেল্ফিয়র সিস্তেম মপাঙ্গল কনখৎহনবনি। ফ্লেগশিপ প্রোগ্রাম নেস্নেল আয়ুশ মিসন অসি ২০১৪দা হৌদোকখি অমসুং মসিনা ভারতকী হীদাক-লাংথক্কী ত্রেদিস্নেল সিস্তেমশিং ঙাকশেনবা অমসুং চাউখৎহনবা অমসুং মেনস্ত্রীম হেল্থকিয়র সিস্তেমদা মখোয়বু ইন্তিগ্রেসন তৌবদা মরু ওইবা থৌদাং লৌখি। মসিনা ভারত সরকারগী আয়ুশ্মান ভারত স্কিমগী শরুক ওইনা আয়ুশ হেল্থ ৱেলনেস সেন্তরশিং (এ.ঐচ.দবল্যু.সি.শিং)গী খুত্থাংদা লৈবাক শিনবা থুংবদা আয়ুশ হেল্থকিয়র সর্ভিসেসকী এভাইলেবিলিতী, এক্সেসিবিলিতী অমসুং ক্বালিতী হেনগৎহন্নবা পান্দম থমখি। নৌনা হৌদোকখ্রবা আয়ুশ পব্লিক হেল্থ প্রোগ্রামশিংগী মথক্তা নামগী মচাশিংদা আয়ুশ সর্ভিসেস অমসুং আয়ুশ এজুকেস্নেল ইন্সতিত্যুসনশিং য়াওরি।

কেন্দ্রগী মন্ত্রী-মন্দলনা রাজ্য/য়ু.তি. সরকারশিংনা সেন্ত্রেলী স্পোন্সর্দ স্কিম মোদকী খুত্থাংদা অমসুং তাঙ্কক নাইবা মওং অমদা নেস্নেল আয়ুশ মিসন (নাম)গী অমব্রেল্লাগী মখাদা হান্না লৈরবা আয়ুশ দিস্পেন্সরিশিং/ হেল্থ সব-সেন্তর অপগ্রেদ তৌদুনা আয়ুশ ঐচ.দবল্যু.সি. ১২,৫০০ ওপরেস্নেলাইজ তৌবদা অয়াবা পীখি। হৌজিক ফাওবদা এ.ঐচ.দবল্যু.সি ৮৫০০ হেন্না ভারত শিনবা থুংবদা লিংখৎখি অমসুং মীয়ামগী শেবা তৌরি।

******