آیوش کی وزارت نئی دہلی میں 18 سے 19 مئی 2023 تک دو روزہ قومی آیوش مشن کنکلیو کا انعقاد کر رہی ہے۔ مرکزی وزیر صحت اور خاندانی بہبود ڈاکٹر منسکھ منڈاویہ مہمان خصوصی ہوں گے۔ آیوش اور بندرگاہوں، جہاز رانی اور آبی گزرگاہوں کے وزیر جناب سربانند سونووال جموں و کشمیر کے نمائندوں سمیت اتر پردیش، مدھیہ پردیش، ہریانہ، ہماچل پردیش، گوا، جھارکھنڈ، اترا کنڈ، آسام، میزورم، ناگالینڈ، اروناچل پردیش کے صحت اور آیوش کے وزراء کی موجودگی میں کنکلیو کا افتتاح کریں گے۔

اتر پردیش کے نائب وزیر اعلیٰ جناب برجیش پاٹھک اور آیوش کے وزیر مملکت ڈاکٹر منجپرا مہندر بھائی بھی آیوش کی وزارت کے دیگر افسران کے ساتھ افتتاحی اجلاس میں موجود ہوں گے۔ اس موقع پر آیوش کی وزارت کا آئی سی ٹی اقدام بھی شروع کیا جائے گا۔

قومی آیوش مشن (این اے ایم) آیوش کی وزارت کا اہم پروگرام ہے اور ریاستوں اور مرکز کے زیر انتظام علاقوں کی حکومتوں کے سرگرم تعاون کے ساتھ یہ ریاستوں میں صحت اور تندرستی کے منظر نامے کو بدل رہا ہے۔ دو روزہ کنکلیو اسٹیک ہولڈرز کے درمیان بہتر تال میل کی راہ ہموار کرے گا اور اے ایچ ڈبلیو سی کے کام کو مضبوط بنائے گا۔

دو روزہ کنکلیو کے دوران حصہ لینے والی ریاستوں سے تعلق رکھنے والے ماہرین قومی آیوش مشن (این اے ایم) کے مختلف پہلوؤں پر غور و فکر کریں گے، جو کہ این اے ایم کے تحت بجٹ خرچ کرنے میں بہتر کارکردگی پر توجہ مرکوز کریں گے اور اسکیم کو بہتر طریقے سے انجام دینے کے لیے ادارہ سازی کریں گے، تاکہ آیوش ہیلتھ کو دوائیوں کی بہتر فراہمی کو ممکن بنایا جاسکے۔ اس کا مقصد آیوش کے لیے سہولیات، صلاحیت کی تعمیر اور آیوش ہیلتھ ویلنیس سینٹرز (اے ایچ ڈبلیو سیز) کی اپ گریڈیشن، آیوش میں تعلیمی ماحولی نظام کو مضبوط کرنا، عوامی صحت اور آیوش پبلک ہیلتھ کیئر میں تحقیق اور معیار کی یقین دہانی کے لیے تکنیکی انضمام کو مضبوط کرنا ہے۔

آیوش کی وزارت کی کوشش آیوش نظام کے انضمام کے ذریعے صحت عامہ اور بہبود کے نظام کو مضبوط کرنا ہے۔ قومی آیوش مشن کا علمبردار پروگرام 2014 میں شروع کیا گیا تھا اور اس نے ہندوستان کے روایتی نظام طب کے تحفظ اور فروغ اور مرکزی دھارے میں صحت کی دیکھ بھال کے نظام میں ان کے انضمام میں اہم کردار ادا کیا ہے۔ اس کا مقصد حکومت ہند کی آیوشمان بھارت اسکیم کے ایک حصے کے طور پر آیوش صحت معالجہ مراکز (اے ایچ ڈبلیو سی) کے ذریعے ملک بھر میں آیوش صحت کی دیکھ بھال کی خدمات کی دستیابی، رسائی اور معیار کو بڑھانا ہے۔ این اے ایم نئے متعارف کرائے گئے آیوش پبلک ہیلتھ پروگراموں کے علاوہ آیوش خدمات اور آیوش تعلیمی اداروں کے اجزاء پر مشتمل ہے۔

مرکزی کابینہ نے موجودہ آیوش ڈسپنسریوں/صحت ذیلی مراکز کو مرکزی امداد یافتہ اسکیم موڈ میں اور قومی آیوش مشن (این اے ایم) کے وسیع نظام کے تحت مرحلہ وار انداز میں اپ گریڈ کرتے ہوئے 12,500 آیوش ایچ ڈبلیو سی کے آپریشنلائزیشن کو منظوری دی ہے۔ اب تک ہندوستان بھر میں 8500 سے زیادہ اے ایچ ڈبلیو سی قائم کیے گئے ہیں اور وہ کمیونٹیز کی خدمت کر رہے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 5242)