ఆయుష్ మంత్రిత్వ శాఖ 2023 మే 18 నుండి 19 వరకు న్యూ ఢిల్లీలో రెండు రోజుల జాతీయ ఆయుష్ మిషన్ సదస్సు ను నిర్వహిస్తోంది. కేంద్ర ఆరోగ్య మరియు కుటుంబ సంక్షేమ మంత్రి డాక్టర్ మన్సుఖ్ మాండవ్య ముఖ్య అతిథిగా మరియు ఆయుష్ మరియు ఓడరేవులు, షిప్పింగ్ మరియు జలమార్గాల మంత్రి శ్రీ సర్బానంద ఉత్తరప్రదేశ్, మధ్యప్రదేశ్, హర్యానా, హిమాచల్ ప్రదేశ్, గోవా, జార్ఖండ్, ఉత్తరాకాండ్, అస్సాం, మిజోరాం, నాగాలాండ్, అరుణాచల్ ప్రదేశ్‌ల నుండి జమ్మూ అండ్ కాశ్మీర్ నుండి వచ్చే ప్రతినిధులతో సహా ఆరోగ్య మరియు ఆయుష్ మంత్రుల సమక్షంలో సోనోవాల్ సదస్సు ను ప్రారంభించనున్నారు.

ఉత్తరప్రదేశ్ ఉప ముఖ్యమంత్రి శ్రీ బ్రజేష్ పాఠక్ మరియు ఆయుష్ శాఖ సహాయ మంత్రి డాక్టర్. ముంజ్‌పరా మహేంద్రభాయ్ కూడా ప్రారంభ సమావేశం లో ఆయుష్ మంత్రిత్వ శాఖలోని ఇతర అధికారులతో పాటు పాల్గొంటారు. ఆయుష్ మంత్రిత్వ శాఖ యొక్క ఐ సీ టీ చొరవ కూడా ఈ సందర్భంగా ప్రారంభించబడుతుంది.

జాతీయ ఆయుష్ మిషన్ (NAM)  ఆయుష్ మంత్రిత్వ శాఖ  మరియు రాష్ట్రాలు మరియు యూ టీ ల ప్రభుత్వాల క్రియాశీల సహకారంతో అమలవుతున్న ప్రధాన కార్యక్రమం ; ఇది రాష్ట్రాలలో ఆరోగ్యం మరియు సంరక్షణను మారుస్తోంది. రెండు రోజుల సమ్మేళనం లబ్దిదారుల మధ్య మెరుగైన సమన్వయానికి మరియు ఏ హెచ్ డబ్ల్యు సీ ల పనితీరును బలోపేతం చేయడానికి మార్గం సుగమం చేస్తుంది.

రెండు రోజుల సమ్మేళనంలో, పాల్గొనే రాష్ట్రాలకు చెందిన నిపుణులు జాతీయ ఆయుష్ మిషన్ (NAM) యొక్క వివిధ అంశాలపై చర్చించనున్నారు, ఎన్ ఎ ఎం కింద బడ్జెట్ లో మెరుగైన సామర్థ్యం మరియు ఆయుష్ ఆరోగ్యానికి మెరుగైన ఔషధాల సరఫరాను ప్రారంభించడం కోసం పథకం యొక్క మెరుగైన అమలు, సౌకర్యాలు, ఆయుష్ కోసం కెపాసిటీ బిల్డింగ్ మరియు ఆయుష్ హెల్త్ వెల్నెస్ సెంటర్ల (AHWCs) ఉన్నతీకరణ, ఆయుష్ ప్రజారోగ్యం పై పరిశోధన మరియు నాణ్యత హామీ కోసం ప్రజారోగ్యం మరియు సాంకేతిక ఏకీకరణను బలోపేతం చేయడానికి ఆయుష్‌లో విద్యా పర్యావరణ వ్యవస్థను బలోపేతం చేయడం కోసం సంస్థాగతీకరణపై దృష్టి సారిస్తారు.

ఆయుష్ వ్యవస్థను ఏకీకృతం చేయడం ద్వారా ప్రజారోగ్యం మరియు సంక్షేమ వ్యవస్థను బలోపేతం చేయడం ఆయుష్ మంత్రిత్వ శాఖ యొక్క ప్రయత్నం. జాతీయ ఆయుష్ మిషన్  ప్రాధాన్య కార్యక్రమం 2014లో ప్రారంభించబడింది . ఇది భారతదేశ సాంప్రదాయ వైద్య విధానాలను సంరక్షించడంలో మరియు ప్రోత్సహించడంలో మరియు ప్రధాన స్రవంతి ఆరోగ్య సంరక్షణ వ్యవస్థలో వాటి ఏకీకరణలో కీలక పాత్ర పోషించింది. ఇది భారత ప్రభుత్వ ఆయుష్మాన్ భారత్ పథకంలో భాగంగా ఆయుష్ హెల్త్ వెల్నెస్ సెంటర్ల (AHWCs) ద్వారా దేశవ్యాప్తంగా ఆయుష్ ఆరోగ్య సంరక్షణ సేవల లభ్యత, ప్రాప్యత మరియు నాణ్యతను మెరుగుపరచడం లక్ష్యంగా పెట్టుకుంది. కొత్తగా ప్రవేశపెట్టిన ఆయుష్ ప్రజారోగ్య  కార్యక్రమాలతో పాటు ఆయుష్ సేవలు మరియు ఆయుష్ విద్యా సంస్థలు ఎన్ ఎ ఎం లో  భాగాలు.

కేంద్ర ప్రాయోజిత పథకం విధానంలో మరియు జాతీయ ఆయుష్ మిషన్ (NAM) విస్తృత చత్ర ఛాయ కింద దశలవారీగా రాష్ట్ర/యూ టీ ప్రభుత్వాల ద్వారా ఇప్పటికే ఉన్న ఆయుష్ డిస్పెన్సరీలు / ఆరోగ్య ఉపకేంద్రాలను అప్‌గ్రేడ్ చేయడం ద్వారా 12,500 ఆయుష్ హెచ్‌డబ్ల్యుసిల కార్యాచరణను కేంద్ర మంత్రివర్గం ఆమోదించింది. ఇప్పటి వరకు భారతదేశం అంతటా 8500 కంటే ఎక్కువ ఏ హెచ్ డబ్ల్యు సీ లు ఏర్పాటు చేయబడ్డాయి మరియు కమ్యూనిటీలకు సేవలు అందిస్తున్నాయి.

***