ঙসি নিউ দিল্লিদা প্রগাতি মৈদান্দা প্রধান মন্ত্রী শ্রী নরেন্দ্র মোদীনা ইন্তরনেসনেল মিউজম এক্সপো ২০২৩ হৌদোকখ্রে। মহাক্না নোর্থ অমসুং সাউথ ব্লোকশিংদা শেমগৎলিবা নেসনেল মিউজমগী ভর্চুএল ৱাল্কথ্রু অমসু শঙ্গাখ্রে। থৌরম অদুদা প্রধান মন্ত্রীনা তেক্নো মেলা, কঞ্জর্বেসন লেব অমসুং একজিবিসনশিংগী ৱাল্কথ্রু অমসু পাংথোকখি। ইন্তরনেসনেল মিউজম এক্সপো অসি, ৪৭শুবা ইন্তরনেসনেল মিউজম দে পাংথোক্নবা অজাদি কা অমৃত মহোৎসবকী শরুক অমা ওইনা পাংথোকপনি। চহি অসিগী ইন্তরনেসনেল মিউজম দেগী থিমদি ‘মিউজমস, স্তেনেবিলিতি এন্দ ৱেল বিংস’ হায়বনি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ভারতনা নিংতম্বা চহি ৭৫ মপুংফারকপগী থৌরম পাংথোকপা মতম অসিদা মালেমগী মিউজম এক্সপো অসিদা তেক্নোলোজি য়াওহন্দুনা পুৱারিগী তাঙ্কক কয়া হৌজিক হিঙ্গৎহল্লে। ঐখোয়না মিউজম অমদা চঙবা মতমদা ঐখোয়না হৌখ্রবা মতম খঙবা ঙম্মি অমসুং মিউজমশিং অসিদা অচুম্বা অমসুং খুদমদা য়ুম্ফম ওইবা অশেংবা উৎলি অমসুং মসিনা হৌখ্রবা মতমদগী ইথিল পীরি অমসুং তুংগী থবক তৌনবা ৱাখল্লোন অমসু পীরি। ঙসিগী থিম ‘মিউজমস, স্তেনেবিলিতি এন্দ ৱেল বিংস’ অসি ঙসিগী মালেম অসিগী মরুওইবা উৎলে অমসুং থৌরম অসি হেন্না মরী লৈনহল্লে। ঙসিগী থবকশিং অসিনা নহারোলশিং মখোয়গী নাৎকী পুক্কৈগী মরমদা হেন্না খঙবা ঙম্লগনি।

প্রধান মন্ত্রীনা হায়খি  নিংতম্বা ফংলবা মতুংদা লমদম অসিগী মাংলুরবা হেরিতেচ হিঙ্গৎহন্নবা অমসুং কন্নবা থবকশিং পায়খৎতবা অমসুং মীয়াম মরক্তা ৱাখল তাবা ৱাৎপদগী অচৌবা চৈথেং অমা পীখি। অজাদি কা অমৃত কাল মনুংদা লৈবাক অসিনা ৱারেপ মঙা লৌদুনা ঐখোয়গী হেরিতেচগী চাউথোকচবা ফাউনবা থবক পায়খৎলে অমসুং লৈবাক অসিদা অনৌবা নাৎকী ইনফ্রাস্ত্রকচর অমা শেমগৎলে। রাজ্য খুদিংমক্কী অমসুং খুন্নাইগী কাংলুপ খুদিংমক্কী নাৎকী পুক্কৈগা লোয়ন্না লমদম অমগী অমসুং খুঙ্গংগী মিউজমশিং ঙাক-শেন্নবা অখন্নবা খোঙজং অমা সরকারনা পায়খৎলি। ভারতকী নিংতম ইহৌদা ত্রাইবেল ফুরুপশিংনা লৌখিবা থৌদাং নিংশিংদুনা লৈহৌনবা অখন্নবা মিউজম ১০ শেমগৎলি, মসি মখল কয়াগী ত্রাইবেলশিংগী শক্তম অমা মালেমদা উৎনবা অখন্নবা থৌরাং অমনি।

প্রধান মন্ত্রীনা হায়খি তুংগী মীরোলশিংগী লন-থুমশিং ঙাক-শেনবদা মিউজমশিংনা অকনবা থৌদাং লৌগদবনি। মালেম্না মায়োক্নখিবা অৱা-অনা কয়া মিউজমশিংদা থমগদবনি অমসুং মালেমগী হোঙলক্লিবা মশক অসিসু উৎকদবনি। ঐখোয়গী নাৎকী পুক্কৈ অসি মালেম অমতা ওইনা পুনশিন্নবা লমজিংবা ওইরে।

সিন্ধু সরস্বাতি সাভ্যাতগী শেঞ্জেংগী জগোয় শাবী নুপীমচা অদুনা ইথিল পীবা চন্নাপত্না স্তাইলদা শাবা ফিত ৫ ৱাংবা মীতম থৌরম অদুদা প্রধান মন্ত্রী শ্রী নরেন্দ্র মোদীনা মাইখুম হাংদোকখি। মীতম অসিনা ইন্তরনেসনেল মিউজম এক্সপো ২০২৩গী মাস্কোত ওইরি। মাস্কোত অসি মতম অসিগী “দোর-গার্জিয়ান” নত্ত্রগা “দ্বারপাল” হায়না ৱাহন্থোক পীরি অমসুং মীয়াম্না মসি ইন্তরনেসনেল মিউজম এক্সপো ২০২৩দা উবা ফংলি।

থৌরম অদুদা কলচর অমসুং তুরিজমগী য়ুনিয়ন মিনিস্তর শ্রী জি কিসন রেদ্দিনা হায়খি অজাদি কা অমৃত মহোৎসবকী অনিশুবা তাঙ্কক্কী শরুক অমা ওইনা অমসুং ৪৭শুবা ইন্তরনেসনেল মিউজম দে পাংথোক্নবা ইন্তরনেসনেল মিউজম এক্সপো ২০২৩ শীনবনি। প্রধান মন্ত্রী শ্রী নরেন্দ্র মোদীগী লমজিং মখাদা লৈবাক অসিগী কলচরগী হেরিতেচশিং য়োকখৎনবা অমসুং লীদুনা থম্নবা কলচর মিনিস্ত্রিনা লেপ্তনা থবক কয়া পায়খৎলি।

মিনিস্তরনা হায়খি লৈবাক অসিদা মিউজমগী ইহৌ অমা শাগৎনবা এক্সপো অসিনা লম্বী অমা শেম্লগনি অমসুং অনৌবা তেক্নোলোজিশিংগী মখাদা এক্সপো য়েংবা লাকপা মীওই খুদিংমক নিংশিংদুনা লৈহৌরগদবা নুংঙাইবা অমা ফংনবা কলচর মিনিস্ত্রিনা থবক পায়খৎপনি।

মিনিস্তরনা হায়খি চাউখৎ-থৌরাং অমসুং কলচরগী হেরিতেচ য়োকখৎনবা অমসুং কন্নবা অনিমক্তা মীৎয়েং চঙবগা লোয়ন্না ‘বিকাস ভি, বিরাসাত ভি’ হায়বা থিম অসিদা সরকারনা লেপ্তনা থবক তৌরি। ২০১৪দগী ভারতকী কলাগী পোৎলম ২৪৪ হেন্না মপান লৈবাকশিংদগী ভারত্তা পুরক্লে। ২০১৪দগী লৈবাক অসিদা মিউজম ১৪৫ হেন্না শেমগৎলে। মসিগী মনুংদা অপুনবা মিউজমশিংগী শরুক অহুম থোকপগী শরুক অমা কলচর মিনিস্ত্রিনা শেমগৎপনি।

থৌরম অদুদা কলরগী রাজ্য মন্ত্রী শ্রী অর্জুন রাম মেঘৱাল, কলচর অমসুং মপান থৌরমগী রাজ্য মন্ত্রী শ্রীমতি মীনাক্সি লেখি অমসুং লোভর অবু ধবীগী দিরেক্তর মনুয়েল রবেত শরুক য়াখি।

মহাক্কী ৱারোলদা লোভর অবু ধবীগী দিরেক্তর মনুয়েল রবেতনা হায়খি তুংগী পুন্সি অসি ঙসি ঐখোয়না হিংলিবা মতম অসিগী মখা পোল্লি হায়না মহাত্মা গান্ধীনা হায়রমখি। মহাক্কী হৌখ্রবা মতম খঙদবা মীওই অমনা মহাক্কী হৌজিক নত্ত্রগা তুংগী য়াইফনবা থবক পাংথোকপা ঙম্লোই। লৈবাক অসিদা কলা অমসুং নাৎ য়োকখৎনবা অমসুং লীদুনা থম্নবা মহাক্না মপুংফানা শৌগৎপগীদমক মহাক্না ভারত অমসুং প্রধান মন্ত্রী শ্রী নরেন্দ্র মোদী থাগৎখি।

মহাক্না মখা তানা হায়খি আর্ত অমসুং কলচরনা লৈবাকশিং তোখাইনা তাবদগী পুনশিনবা ঙম্বগী থৌনা অদু ঐখোয়না উরে। ইন্তরনেসনেল মিউজম এক্সপো পাংথোকপা অসিনা লৈবাক অমগা অমগা পাউ ফাওন্নবা অমসুং অমনা অমদগী তম্নবগী মফম অমা পীবা ঙম্লগনি। মসিগী ৱাখল্লোন অসিগা লোয়ন্না ইথিল পীবা ঙমগদবা মিউজমশিংগী অনৌবা নমুনা ৮ মনুয়েল রবেতনা উৎখি।

নুঙগীৱারোল

ইন্তরনেসনেল মিউজম এক্সপো অসি, ৪৭শুবা ইন্তরনেসনেল মিউজম দে পাংথোক্নবা অজাদি কা অমৃত মহোৎসবকী শরুক অমা ওইনা পাংথোকপনি। চহি অসিগী ইন্তরনেসনেল মিউজম দেগী থিমদি ‘ মিউজমস, স্তেনেবিলিতি এন্দ ৱেল বিংস’ হায়বনি। ভারতকী কলচরগী থবকশিংদা মরুওইবা থৌদাং অমা লৌরিবা মিউজমশিং কলচরগী মফম অমা ওইনা থবক তৌবা ঙম্নবা মিউজমশিং অমসুং মিউজমগী শীনফমদা থবক তৌরিবশিংগা ৱারি-ৱাতাই শান্নবা মিউজম এক্সপো অসি পাংথোকপনি।

থৌরম অদুদা প্রধান মন্ত্রীনা নোর্থ অমসুং সাউথ ব্লোকশিংদা শেমগৎলিবা নেসনেল মিউজমগী ভর্চুএল ৱাল্কথ্রু অমা শঙ্গাখ্রে। মিউজম অসি পুৱারিগী থৌদোকশিং, মীওইশিং, ৱাখল্লোনশিং অমসুং হৌজিক্কী ভারত অসিদা মমাংঙৈগী ভারতনা লৌখিবা থৌদাং উৎনবা মফম অমনি।

প্রধান মন্ত্রীনা ইন্তরনেসনেল মিউজম এক্সপোগী মাস্কোত, গ্রাফিক নোবেল-এ দে এত মিউজম, ভারতকী মিউজমশিংগী দাইরেক্তোরি, কর্তভ্যা পথকী পোক্কেদ মেপ অমসুং মিউজম কার্দশিং হাংদোকখি। 

ইন্তরনেসনেল মিউজম এক্সপোগী মাস্কোত অসি চেন্নাপত্নম আর্ত স্তাইলগী উনা শাবা জগোয় শাবী নুপী অসি মতম অসিগী অনৌবা মওং অমদা শেমদোক্লবা মখল অমনি। গ্রাফিক নোবেল অসিদা অঙাং কাংবু অমা নেসনেল মিউজম য়েংবা অমসুং মখোয়না মিউজম অমদা ফংলিবা তোঙান-তোঙানবা শীনফমশিংদা চৎনবগী খুদোংচাবশিং অদু উৎলি। ভারতকী মিউজমশিংগী দাইরেক্তোরি অসি ভারতকী মিউজমশিং থিজিনবগী খোমজিনবা অমনি। কর্তভ্যাগী পোক্কেদ মেপ অসিদা তোঙান-তোঙানবা কলচরগী মফমশিং অমসুং ইন্সতিতুসনশিং উৎলি অমসুং মসিদা শিংথানিঙাই ওইরবা পাথৱেজশিংগী পুৱারিশিং খোঙ্গুল লিরি। মিউজম কার্দশিং অসিদা লৈবাক শীনবা থুংনা লৈরিবা মিউজমশিংগী মমাইশিং উৎপা কার্দ ৭৫ য়াওরি অমসুং মসি চহি কাংলুপ খুদিংমক্কী মীওইশিংদা মিউজম মশক তাক্নবা অনৌবা লম্বী অমনি অমসুং কার্দ অমমমদা মিউজমশিংগ অতেনবা ৱারোলশিং য়াওরি।

থৌরম অদুদা মালেমগী মফম কয়াদা লৈরিবা কলচরেল সেন্তরশিং অমসুং মিউজমশিংগী ইন্তরনেসনেল দেলিগেদশিং শরুক য়াখি। 

****