য়ুমলৈ-কৈরৈ মন্ত্রালয়

কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহনা মনিপুরগী মুখ্য মন্ত্রীল মীতৈ অমদি কুকি ফুরুপকী মীহুৎশিং অমদি অতৈ স্তেকহোল্দরশিংগা স্তেত অসিদা ইং-তপ্পা হঞ্জিলহন্নবা লৌখৎলিবা থৌরাংশিং য়েংশিন্নবগীদমক মীফম কয়া পাঙথোকখ্রে


গৃহ মন্ত্রীনা হিংসাগী থৌওং চত্থরিবশিংগী মথক্তা অকনবা থবক লৌখৎনবা পাউতাক পীখ্রে অমদি তুং কোইগদবা ইং-তপ্পা পুরকপদা কেন্দ্র লৈঙাক্না মপুং ফানা ঙাক্লৌ অমদি মতেং পীগনি হায়বগী থাজবা পীখ্রে
স্তেত অসিগী তোঙান তোঙানবা ফুরুপশিং ঙাক শেন্নবগীদমক লৌখৎবা য়াবা থৌরাং পুম্নমক লৌখৎকনি হায়না শ্রী অমিত সাহনা থাজবা পীখ্রে

কেন্দ্রগী গৃহ মন্ত্রীনা কাঙলুপ খুদিংমক্কা ৱারী শানদুনা ইং-তপ্পগী পাউজেল শন্দোক্নবা ৱাফম থমখি অমদি অচুম্বা ৱায়েল ফংহনগনি হায়না থাজবা পীখি

শ্রী অমিত সাহনা মীয়ামগী অৱাবা হন্থহন্নবগীদমক তেংবাং পীবা অমদি হান্নগী পুন্সিদা হঞ্জিলহন্নবগী থৌরাং খোঙজেল য়াঙ্খৎহনবগী তঙায় ফদবা ৱাফম ফোঙদোকখি

Posted On: 15 MAY 2023 8:44PM by PIB Imphal

কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহনা মনিপুরগী মুখ্য মন্ত্রী, মীতৈ অমদি কুকি ফুরুপকী মীহুৎশিং অমদি অতৈ স্তেকহোল্দরশিংগা তোঙান তোঙানবা মীফমশিং পাঙথোক্তুনা স্তেত অসিদা ইং-তপ্পা হঞ্জিলহন্নবা লৌখৎলিবা থৌরাংশিং য়েংশিনখ্রে‍।

শ্রী অমিত সাহনা মনিপুরগী মুখ্য মন্ত্রী শ্রী এন. বিরেন সিংহ, মহাক্কী মন্ত্রী মন্দলগী মীওই মরি অমদি রাজ্য সভা এম.পি.গা নোংমাইজিং নুমিত্তা নই দিল্লীদা মীফম পাঙথোকখি‍। তুংদা, কেন্দ্রগী গৃহ মন্ত্রীনা নোংমাইজিং নুমিত্তা মীতৈ ফুরুপকী মীওইশিংগসু উনখি‍। শ্রী সাহনা ঙসি মনিপুরদগী কুকি ফুরুপকী মীহুৎশিং অমদি মিজোরমদগী সি.এস.ও. কাঙলুপশিংগসু মীফম পাঙথোকখি‍।

মীফমশিং অদুদা কেন্দ্রগী গৃহ মন্ত্রীনা ফুরুপ অনিগী মরক্তা খুৎ থোক্নবগী অৱাবা মায়োক্নরিবা মনিপুরদা ইং-তপ্পা হঞ্জিলহন্নবা লৌখৎলিবা থৌরাংশিং য়েংশিনখি‍। মহাক্না হিংসাগী থৌওং চত্থরিবশিংগী মথক্তা চপ চাবা থবক লৌখৎনবা অকনবা পাউতাক পীখি অমদি তুং কোইগদবা ইং-তপ্পা পুরক্নবগীদমক কেন্দ্র লৈঙাক্না মপুং ফানা ঙাক্লৌ অমদি মতেং পীগনি হায়না থাজবা পীখি‍।

শ্রী অমিত সাহনা স্তেত অসিদা লৈরিবা তোঙান তোঙানবা ফুরুপশিং ঙাকথোক্নবগীদমক লৌখৎপা য়াবা থৌরাং পুম্নমক লৈঙাক্না লৌখৎকনি হায়না থাজবা পীখি‍। কেন্দ্রগী গৃহ মন্ত্রীনা কাঙলুপ পুম্নমক্কা ৱারী শানদুনা ইং-তপ্পগী পাউজেল শন্দোক্নবা ৱাফম থমখি অমদি অচুম্বা ৱায়েল ফংহনগনি হায়বগী থাজবসু পীখি‍। শ্রী অমিত সাহনা মীয়াম্না নংলিবা অৱাবা হন্থহন্নবগীদমক তেংবাং পীবা অমদি হান্নগী পুন্সিদা হঞ্জিলহন্নবগী থৌরাংশিং খোঙজেল য়াঙ্খৎহনবগী তঙায়ফদবা ৱাফমসু ফোঙদোকখি‍।

 

*****



(Release ID: 1925702) Visitor Counter : 100