মুম্বাইদা পাইখৎলিবা ইনফ্রাস্ত্রকচর প্রোজেক্তশিংগী মনুংদা খ্বাইদগী হেন্না মরু ওইবশিংগী মনুংদা অমা ওইরিবা কোস্তেল রোদনা ২০২৩গী মে ২৩দগী ২৫ ফাওবা মুম্বাইদা পাংথোক্কদৌরিবা  জি.-২০গী ২শুবা দিজাস্তর রিস্ক রেদক্সন  ৱার্কিং গ্রুপ (দি.দি.আর.আর.দবল্যু.জি.)গী মীফমদা খন্ন-নৈনগদবশিং অদুগী শরুক অমা ওইরগনি। ব্রিহানমুম্বাই মুনিসিপাল কোর্পোরেশন (বি.এম.সি.)না দি.দি.আর.আর.দবল্যু.জি.গী দেলিগেতশিংগী মমাংদা মসিগী প্রোজেক্ত অসিগীদমক্তা লৌখৎলিবা দিজাস্তর মেনেজেমন্তকী থবক-থৌরমশিং অদুগী মতাংদা ময়েক শেংনা উৎলগনি। দি.দি.আর.আর.দবল্যু.জি.গী মরু ওইবা প্রায়োরিতী মঙা অদুদি অর্লী ৱার্নিং, রেজিলিয়নে্ত ইনফ্রা, নেস্নেল রেসপোন্স, হেন্না ফজনা শাগৎপা অমসুং মহৌশাদা য়ুমফম ওইবা সোল্যুশনশিং।

শ্যামল্দাস গান্ধি মার্গতা লৈবা প্রিন্সেস স্ত্রীত ফ্লাইওভরদগী ৱর্লি বান্দ্রা সী লিঙ্ককী ৱর্লি থংবা নাকল ফাওবা কি.মি. ১০.৫৮ শাংবা কোস্তেল রোদ সাউদর্ন সেক্সন শাবগী থবক অসি লেপ্তনা চত্থরি, হৌজিক ফাওবদা প্রোজেক্ত অসিগী থবক চাদা ৭৩.৫দি ব্রিহানমুম্বাই মুনিসিপাল কোর্পোরেশনগী কমিস্নর অমসুং এদমিনিস্তএেতর, দা. ইকবাল সিং ছাহল অমসুং এদিস্নেল মুনিসিপাল কমিস্নর (ইস্তর্ন সবঅর্বস), শ্রীমতি অশ্বিনি ভিদেগী মিৎয়েং অমসুং লমজিং-লমতাক মখাদা লোইশিনখ্রে । মসি স্ক্ব্যার ফীত লাখ ১১৯গা লিশিং ৪৭ (হেক্তর ১১১) লৌশিল্লবা লমদা শেমগৎ-শাগৎলগনি অমসুং মসিনা মুম্বাইগী কি.মি. ২৫০ শাংবা রোদ নেতৱার্ক্তা হেনগৎহল্লগনি।

প্রোজেক্ত অসিগী মতাংদা ঙাংলদুনা, এদিস্নেল মুনিসিপাল কমিস্নর (ইস্তর্ন সবঅর্বস), বি.এম.সি., শ্রীমতি অশ্বিনি ভিদেনা হায়খি, প্রোজেক্ত দিজাইন অসি অকোইবগী ফিভম শোকহন্দনা অমসুং প্রজাশিংগী ইজ ওফ লিবিং হেনগৎহনবদনা ওইথোকপা য়াবা মহৌশানা থোকহনবা খুদোংথিবশিং অদু য়েংলগা দিজাইন তৌখি। প্রোজেক্ত এরিয়া অসিগী ১৩.৬% হায়বদি স্ব্যার ফীত ১৫,৬০,৭৭০ (হেক্তর ১৪.৫০) রোমদি ঈশিংগী ঈথকশিংগী মায়োক্তগী ঙাকথোক্নবা সেফতী ৱাল শানবগীদমক্তা খাইদোক্তুনা থম্লে। কি.মি. ৬.৫ শাংবা সী-ৱাল অসি মেরিন লাইফ য়োকখৎনবা অদুগা কোরোজন, সোইল ইরোজন অমসুং তাইদল ইফেক্তশিং ঙাকথোক্নবা মওংদা শাখি। মসি দিজাস্তর মেনেজমেন্তকা মরি লৈনবা ৱাফমশিংগীদমক্তা য়াম্না মরু ওইবা ৱাফম অমশূ ওইরগনি। পরোতেক্সন ৱাল অমা ওইনা মথৌ তৌগদৌরিবা ৱেব ৱাল অসি শানবগীদমক্তা খ্বাইদগী অৱাংবা থাক্কী ঈথকপুসু খন্থরগা শাখি। মসিনা সহর অসিবু ঈশিং-ঈচাউ অমসুং নোংলৈ-নুংশিৎশিং লাকপা মতমদা ঙাকথোক্নবগী পাম্বৈ অমা ওইরগনি। মসিনা কোস্তেল রোদতা কান্নবা পীবদা নত্তনা সহর অসিগী শরুক অসিদশু কান্নহল্লগনি।

মসিগী মথক্তা প্রোজেক্ত অসিগীদমক্তা মৈ চাকপদগী ঙকথোক্ননবগী পাম্বৈশিং পুম্নমক হাপখি। কি.মি. ২ শাংবা ত্বিন-তনেলশিং অসি ফায়র-সেফ্তীগীদমক্তা প্রোভিজন পুম্নমক বাই। তনেলশিং অসিদা আপ্পা সাক্কার্দো ভেন্তিলেশন সীস্তেম অসিনা ভেন্তিলেশন অমসুং এবর ফ্লো হেনগৎহল্লগনি। মরম অদুনা, করিগুম্বা তনেল অমদা মৈ চাকপগী থৌদোকশিং থোকপা মতমদা অতোপ্পা তনেল অদু স্মোক ফ্রী ওইরগনি।  অপুনবা স্ত্রকচর অসি এম.দবল্যু. ১০০গী মৈবু পুং অহুম চু্প্না থিংবা ঙম্নবা মওংদা শাখি! মসিদা পুং অহুমগীদমক্তা ১২০০ দীগ্রী সেলসিয়সকী মৈশাদগী ঙাকথোকপা ঙমগদবা মওংদা মৈ  চাকপা ঙমদবা পোৎলমশিং অমসুং ফায়র বোর্দশিং হাপখি।

ঈশিং–ঈচাউ অমসুং অতোপ্পা মরি লৈনবা খুদোংথিবশিং অদু য়েংলগা, প্রোজেক্ত অসিনা মুম্বাইগী স্তোর্ম ৱাতর দ্রেনেজ নেতৱার্ক ফগৎহন্নবগী তাঞ্জা অমা পীখ্রে। সহর অসিগী লমদা শরুক খরা আপচিল্লক্লবনিনা লম কোচিনবা অসিনা মরম ওইরগা দ্রেনেজ নেতৱার্ক অসি সী ৱালগী ৱাংমদা শন্দোরকখ্রে।

মসিনা আইলেন্দ সিতীগী মরু ওইবা মফম অনিগী মরক্তা মপুং ফানা কেনেক্তিবিতী লৈহন্দুনা গারিশিংগী খোংজেল হেনগৎহল্লগনি, ফ্যুএল কঞ্জম্পশন অমসুং চৎপদা চংবগী মতম হন্থহল্লগনি। মরম অদুনা কার্বোন ফুতপ্রিন্ততশু হন্থহল্লগনি! মসিদা মুম্বাইগী খ্বাইদগী চাউবা অমসুং খ্বাইদগী ফজবা সী প্রোমেনেদ লেগনি অমসুং পোল্যুশন হন্থহনবদা মতেং পাংলগনি। মরম অদুনা, মসিনা মেরিন দ্রাইবতগী ৱর্লি ফাওবা চৎপগী মতম অদু মীনত ৫০দগী মীনত ১০ ফাওবা হন্থহন্দুনা চৎপগী খোংজেল অমসুং চত্থোক-চৎশিন তৌবদা নুংঙাইবা হেনগৎহল্লগনি অমসুং সহর অসিদা মহৌশাগী অকোইবদা লেরিবা ফিভমদা য়াম্না ফগৎহল্লগনি।

অকোইবগী ফিভমগী মতাংদা ৱা ঙাংবা মতমদা, এদিস্নেল মুনিসিপাল কমিস্নর (ইস্তর্ন সবঅর্বস)না খঙহনখি মদুদি কনস্ত্রক্সনগী থবক পাইখৎপা মতমদা সমুদ্রদা কোরেলশিংগী কোলোনী অনি ফংখি, হায়রিবা অসি অকোইবগী ফিভম য়েংশিনবা অমসুং অতোপ্পা স্তদিশিং তৌবা মতমদা থেংনখিদে। দ নেস্নেল ইনস্তিত্যুত ওফ ওসিয়নোগ্রাফী (এন.আই.ও.)বু মরম অসিগীদমক্তা  মসিদা শরুক য়াহনখি অমসুং কোরেল-কোলোনীশিংবু মাইপাক্না অতোপ্পা মফম অমদা থাদোকখি, মফম অদুদা মখোয় অদু নিংথিনা শন্দোরক্লি। প্রোজেক্ত অসিগীদমক্তা থমখিবা এনভাইরনমেন্ত ক্লিয়রেন্সকী কন্দিশনশিং অদু য়াম্না হকচিন্না ঙাক্না চৎখি, হায়না এদিস্নেল মুনিসিপাল কমিস্নর (ইস্তর্ন সবঅর্বস)না খঙহল্লকখি। প্রোজেক্ত অসি দিজাইন তৌবা মতমদা, অকোইবগী ফিভমগা মরি লৈনবা ৱাফমশিং অদু মতিকচানা পাইখৎখি। মসি হোংলক্লিবা অইং-অশাগী ফিভম অসি য়েংলগা দিজাইন তৌখিবা সস্তেনেবল অমসুং রেজিলিয়েন্ত ওইবা প্রোজেক্তনি হায়না মহাক্না হায়খি। 

কনস্ত্রক্সন ফেজতা মখাতানা অকোইবগী ফিভমদা অমাং-অতা থোকহন্দনবা চেকশিন-থৌরাং পুম্নমক মতিকচানা লৌখৎখি। রেদী মিক্স কঙ্ক্রীত প্লান্তশিং অমসুং কাস্তিং য়ার্দশিং অদু মখাতানা এয়র পোল্যুশন থোকহন্দনবা মপুং ফানা কুপশিনখি। মশাং অদুদা সহর অসিগী অকোইবগী ফিভম কনগদবা অমসুং ফজবা হেনগৎহনগদবা  পার্কশিং লৈগনি।

ৱর্লিদগী হাজি অলি, হাজি অলিদগী প্রিয়াদরশিনি পার্ক ফাওবা শম্নহল্লিবা কি.মি. ৮.৫ শাংবা ফুতপাথ অসিদা সাইকল ত্রেকশিং, ওপন থিয়েতরশিং, অন্দরগ্রাউন্দ পার্কিং অমসুং তোইলেতশিংশু লৈগনি। মুম্বাইগী মমিং লৈরবা ‘ৱর্লি সী ফেস’না য়াম্না থুনা হান্নদগী য়াম্না হেন্না নুংঙাইবা অমসুং ইকো-ফ্রেনলী ওইবা অনৌবা মশক অমা লৈরগনি।

অনৌবা অপাকপা সী ৱাকৱে অমা প্রিয়ার্দশনি পার্ক্তগী ৱর্লি বান্দ্র সী-লিঙ্ক ফাওবা কোস্তেল রোদ শেমগৎলগনি। কোস্তেল রোদ পরিংদা শেমগৎলক্লিবা মেরিন ৱাকৱে অসি মীতর ২০ পাক্কনি অমসুং কি.মি. ৮.৫ শাংগনি, মসিনা মরম ওইরগা সহর অসিদা খ্বাইদগি শাংবা সীসাইদ ৱাকৱে ওইহল্লে। সাইকল ত্রেকশিং, ওপন থিয়েতরশিং, পার্কশিং অমসুং প্লেগ্রাউন্দশিং, তোইলেতশিং অসিনচিংবশিং অসিশু ‘কোস্তেল রোদ’কী পরিংদা শেমগৎলগনি।

 

প্রোজেক্ত অসিনা লোইরবা মতুংদা কন্ত্রোল কমান্দ সেন্তরশু লৈরগনি, হায়রিবা অসি বি.এম.সি. দিজাস্তর কন্ত্রোল রুম অমসুং মুম্বাই পুলিসকী ত্রাফিক কন্ত্রোল রুমদা কনেক্ত তৌরগনি। মসিগী কোস্তেল রোদ অসিগী থবক অয়াম্বা অসি হন্দক্কী চহি অসিগী অরোইবদা হায়বদি ২০২৩গী নবেম্বর ফাওবদা লোইশিল্লগনি হায়না থাজবা থম্লি।

 

দি.আর.আর.দবল্যু.জি. অসি ভারতনা জি.-২০ প্রেসিদেন্সীগী মনুংদা লৌখৎখিবা অনৌবা থৌরাংশিং অমনি। অহানবা দি.আর.আর.দবল্যু.জি.গী মীফম অসি হন্দক্কী চহি অসিগী মার্চ-এপ্রিল দা গান্ধিনাগরদা পাংথোকখি। জি.-২০দা দিজাস্তর রিস্ক রেদক্সন য়াও্ন্নবা ভারতকী অনৌবা থৌরাং অসি সেন্দাই ফ্রেমৱার্ক ফোর দিজাস্তর রিস্ক রেদক্সন ২০১৫ তু ২০৩০ (সেন্দাই ফ্রেমৱার্ক)কী শরুক অমনি।  মসি মেম্বর-স্তেতশিংদা দিজাস্তরগী খুদোংথিবদগী দেবেলপমেন্ত গেনশিং ঙাক-শেন্নবা কংক্রিত ওইবা এক্সন প্লান অমা পীবা অহানবা মরু ওইবা এগ্রীমেন্ত অমা ওইখি। মসি দিজাস্তর রিস্ক রেদক্সনগী মতাংদা য়ু.এন. ৱার্ল্দ কনফরেন্সনা এনদোর্স তৌখি অমসুং ‘দিজাস্তর রিস্ক অমসুং পুন্সিশিং, হিংনবগী পাম্বৈশিংঅমসুং হকশেল অমসুং  মীশিং, বিজনেসশিং, কম্যুনিতীশিং অমসুং লৈবাকশিংগী ইকোনোমিক, ফিজিকেল, সোসিয়েল কলচরেল অমসুং এনভাইরনমেন্ত এসেতশিংদা অমাং-অতা থোকপদা হন্থহনবা’ হায়বসিগী মতাংদা মপাউ শন্দোক্লি। রাজ্যশিংনা দিজাস্ত্র রিস্ক হন্থহনবদা য়াম্না মরু ওইবা থৌদাং লৈ হায়বসি খঙবনা লোকেল গোবর্নমেন্ত অমসুং প্রাইভেত সেক্তর য়াওনা অতোপ্পা স্তেকহোল্দরশিংগা শিয়র তৌগদবনি। 

নেস্নেল দিজাস্তর মেনেজমেন্ত ওথোরিতী (এন.দি.এম.এ.)গী মেম্বর সেক্রেতরী, শ্রী কমল কিশোরনা মসিগী মীফম অসিদা শরুক য়ারগনি। এন.দি.এম.এ. অসি ভারতকী প্রধান মন্ত্রীনা লুচিংগনি অমসুং মসি ভারত্তা দিজাস্তর মেনেজমেন্তকী খ্বাইদগী থাক ৱাংবা বোদীনি। দি.আর.আর.দবল্যু.জি. মীফম অসিদা শরুক য়ারিবা দেলিগেতশিং অদুবু বি.এম.সি.গী এরিতেক বিল্দিং অমসুং মফম অদুদা লৈরিবা মতম অসিগী খ্বাইদগী নৌরবা দিজাস্তর কন্ত্রোল রুম য়েংহনবা পুরগনি।

বি.এম.সি. দিজাস্তর কন্ত্রোল রুম

 

* * *

(Release ID: 1925689) Visitor Counter : 137