تجارت اور صنعت، ٹیکسٹائل، صارفین کے امور، خوراک اور سرکاری نظام تقسیم کے مرکزی وزیر جناب پیوش گوئل نے کہا کہ بھارت-یورپی یونین ایف ٹی اے گفت و شنید اچھی طرح آگے بڑھ رہی ہے۔ جناب گوئل نے کہا کہ ٹی ٹی سی مددگار ہے کیونکہ یہ ایف ٹی اے مذاکرات کی تکمیل کر رہا ہے اور ایف ٹی اے بھارت اور یورپی یونین کے تعلقات کو اس صدی کی اہم شراکت داری بنائے گا۔

جناب پیوش گوئل نے کہا کہ ہندوستان کاربن بارڈر ایڈجسٹمنٹ میکانزم (سی بی اے ایم) پر یوروپی یونین کے ساتھ مصروف عمل ہے کیونکہ یوروپی یونین کا مقصد تجارت میں رکاوٹ پیدا کرنا نہیں ہے بلکہ اجتماعی کوششوں کے حصے کے طور پر پائیداری کی طرف آگے بڑھنے کا راستہ تلاش کرنا ہے۔ انہوں نے زور دے کر کہا کہ بھارت اور یورپی یونین سی بی اے ایم کے مسئلے کا صحیح حل تلاش کرنے کے لیے ملکر کام کر رہے ہیں۔

جناب گوئل نے کہا کہ بھارت کے ٹیرف کو اکثر غلط سمجھا جاتا ہے کہ وہ زیادہ تر اشیاء، خام مال، انٹرمیڈیٹس پر بہت زیادہ ہیں لیکن حقیقت میں یہ محصولات بہت کم ہیں۔ وزیر موصوف نے کہا کہ تکنیکی اشیاء پر ڈیوٹی جو ہندوستانی معیشت کو ترقی دینے میں مدد دے رہی ہے بہت کم ہیں۔ انہوں نے کہا کہ ٹیرف کی اصل لاگو کردہ شرحیں ڈبلیو ٹی او میں طے شدہ حد سے کم ہیں۔

جناب گوئل نے ذکر کیا کہ ہندوستان کے وزیر اعظم سے سیاسی رہنمائی ملی۔ نریندر مودی اور یورپی کمیشن کے صدر عالی مرتبت محترمہ ارسولا وان ڈیر لیین شاندار مصروفیت کا راستہ طے کرنے میں واقعی حوصلہ افزا رہی ہیں۔ وزیر موصوف نے بھارت اور یورپی یونین کے درمیان تجارت، قابل اعتماد ٹکنالوجی اور سیکورٹی سے متعلق اہم مسائل کو حل کرنے کے لئے کوآرڈینیشن کے پلیٹ فارم کے طور پر ٹی ٹی سی کی تشکیل کی تعریف کی۔ انہوں نے کہا کہ بھارت اور یورپی یونین دونوں ہی کھلی منڈی کی معیشتیں، متحرک جمہوریتیں اور تکثیری معاشرے ہیں جو سلامتی، خوشحالی اور پائیدار ترقی کے مشترکہ مفاد سے چلتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 5235)