عالمی یوم ماحولیات (5 جون) کی تقریبات کے سلسلے میں لائف پر کئی سرگرمیوں کا اہتمام کیا گیا۔

1. طبیعی تواریخ کا قومی میوزیم

آر ایم این ایچ میسور 15 مئی سے 20 مئی 2023 تک 12 سے 16 سال کی عمر کے اسکولی طلباء کے لیے موسم گرما کی تعطیلات کا پروگرام منعقد کر رہا ہے۔ ایس وی پی کے دوران طلباء کے لیے مختلف سرگرمیاں جیسے گیلری کا دورہ اور کیمپس ٹریلنگ، پرندوں کو دیکھنے کا سیشن، بانڈی پور ٹائیگر ریزرو کا دورہ، لائف پر مضمون نویسی اسکِٹ، اوریگامی، لیب کی سرگرمیاں، ماسک بنانے وغیرہ کا اہتمام کیا جائے گا۔

.2زولوجیکل سروے آف انڈیا

زولوجیکل سروے آف انڈیا، کولکتہ، ڈاکٹر دھرتی بنرجی، ڈائریکٹر، زیڈ ایس آئی کی رہنمائی میں، مغربی بنگال کے سندرابن کے کلتلی گاؤں میں مختلف عمر کے تقریباً 100 لوگوں تک پہنچا۔ کلتلی گاؤں میں بچوں کے لیے سٹ اینڈ ڈرا کا اہتمام کیا گیا، کئی نوجوان ماحول کو بچانے کا عہد لینے کے لیے آگے آئے۔ ایک اور تقریب میں گاؤں کی خواتین کو مشن لائف ای کے تحت مختلف مسائل کے بارے میں آگاہ کیا گیا اور انہوں نے اپنے بچوں کے فائدے اور مستقبل کے لیےدھرتی ماں کو آلودگی سے پاک رکھنے کا وعدہ کیا۔ پروگراموں کا انعقاد مسٹر امیتاوا رائے اورزیڈ ایس آئی کی ٹیم نے کیا۔

مشن لائف کا عہد آج کولکتہ میں ریکریشن کلب، زیڈ ایس آئی کے 10 ایگزیکٹو ممبران نے کیا اور ایک اور تقریب میں ایف پی ایس بلڈنگ، زیڈ ایس آئی، کولکتہ کے 50 سائنسدانوں، عملے اور محققین نے عہد کیا۔

زولوجیکل سروے آف انڈیا، جبل پور، مدھیہ پردیش نے دکانداروں میں بیداری پھیلانے کے لیے جوس شاپ، اچھادھری لسی، رشیل چوک، جبل پور میں ایک ہی بار استعمال کئے جانے والے پلاسٹک کی کمی کے موضوع پر مشن لائف بیداری کی سرگرمیاں منعقد کیں۔ اس کے ذریعے انہوں نے100 دکانداروں اور مقامی لوگوں کے ساتھ رابطہ قائم کیا۔

ایک اور تقریب میں اسٹیم فیلڈ انٹرنیشنل اسکول، جبل پور میں تقریباً 15 این سی سی طلبہ نے عہد لیا اور جبل پور کرکٹ اکیڈمی کے 50 طلبہ کے لیے ایک بیداری پروگرام کا انعقاد کیا گیا۔ انہیں رانیٹل اسٹیڈیم، جبل پور میں مشن لائف کے موضوعات جیسے پلاسٹک کی آلودگی، صحت مند طرز زندگی کے بارے میں آگاہ کیا گیا۔

زولوجیکل سروے آف انڈیا، جبل پور، مدھیہ پردیش نے گورنمنٹ سائنس کالج کے عام لوگوں، طلباء اور فیکلٹی، یونین بینک آف انڈیا کے بینک ملازمین، کلکٹر آفس کے ملازمین، وجے نگر پولیس اسٹیشن کے پولیس اہلکاروں، جبل پور میں جواہر لعل نہرو کرشی یونیورسٹی کے لوگوں کو بڑے پیمانے پر متحرک کیا۔اس طرح  کل 200 لوگوں کو رابطے میں لایا گیا۔سڈاکٹر سندیپ کشواہا اورزیڈ ایس آئی،جبل پور کی ٹیم نے بڑے پیمانے پر عوام کومتحرک کرنے کے پروگرام کو چلایا۔

.3نیشنل سینٹر فار سسٹین ایبل کوسٹل مینجمنٹ (این سی ایس سی ایم)

مشن لائف کا مقصد تمل ناڈو کے ولوپورم ضلع میں واقع ساحلی تعلقہ ماراکنم کے نمکین پانی کے ذخیروں پرکام کرنے والے کارکنوں کوا چھی طرح ذہن نشین کرایا گیا تھا۔ ماراکنم کا یہ قدیم بندرگاہی قصبہ، چنئی سے تقریباً 120 کلومیٹر پر واقع ہے، جو شاہراہ کے کنارے نمکین پانی کے ذخیروں والے وسیع و عریض میدانوں سے مالا مال ہے۔ ماراکنم نمک کے  پانی کے ذخیرے 4,000 ایکڑ رقبے پر پھیلے ہوئے ہیں اور یہ تمل ناڈو میں نمک کے سب سے بڑے پروڈیوسرز میں سے ایک ہے۔ نمکین پانی کے یہ ذخیرے ہر سال جنوری سے شروع ہونے والے چوٹی کے موسم میں روزانہ تقریباً 1,000 کارکنوں کی روزی روٹی کا سہارا لیتے ہیں۔اس آگاہی تقریب کے ایک حصے کے طور پر،  این سی ایس سی ایم کے عملے نے تقریباً 25 سالٹ پین کے مالکان اور 75 کارکنوں کو مشن لائف کے موضوعات کے بارے میں آگاہ کیا اور پانی اور توانائی کے تحفظ، صحت بخش نمک کی پیداوار اور پروسیسنگ، بڑھتے ہوئے ہیلوفائٹس، حیاتیاتی تنوع کے تحفظ، اور صرف ایک بار استعمال کئے جانے والے پلاسٹک پر پابندی لگانے کی اہمیت پر زور دیا۔  شرکاء نے موسمیاتی تبدیلیوں کے اثرات پر بھی اپنے خیالات کا اظہار کیا، جو اس وقت نمک نکالنے کے عمل کے دوران غیر متوقع بارش کے ذریعے نمک نکالنے کے ان کے آب و ہوا پر منحصر کام کو متاثر کر رہے ہیں۔ سالٹ پین کے مالکان اور کارکنوں نے ماحول دوست طرز زندگی کی اہمیت کو سمجھنے کے بعد پانی کے تحفظ اور ماحولیاتی تحفظ کے حوالے سے ماحول دوست طور طریقے اختیار کرنے کا عہد اور دستخطی مہم کا آغاز کیا۔ اس تقریب نے نمک پین کے کارکنوں کو ان کے ماحول، رہائش اور فطرت کے ساتھ ہم آہنگ رہنے کی ضرورت کے بارے میں سادہ انداز میں تربیت دی۔ اس تقریب کے ایک حصے کے طور پر نمک کے  پانی والے گڑھوں پر پلے کارڈز اور پمفلٹ آویزاں کیے گئے۔

.4 ہمالیائی ماحولیات پر قومی ادارہ

نیشنل انسٹی ٹیوٹ آف ہمالین انوائرمنٹ (این آئی ایچ ای) کے ہماچل ریجنل سینٹر نے مشن لائیف ای اور لائف ایکٹیویٹیز کے فروغ کے تحت ایک بیداری اور ایکشن مہم چلائی۔ اس پروگرام کا انعقاد فیکلٹیز، ریسرچ اسکالرز اور معاون انسٹی ٹیوٹ کے عملے نے کیا جس میں ’ایک بار استعمال والے پلاسٹک کو رد کریں‘تھیم پر زور دیا گیا ۔ پروگرام میں کل 30 شرکاء نے حصہ لیا اور ماحول دوست عادات  و اطوار کو اپنانے کا لائف کا عہد لیا۔ ’’سنگل یوز پلاسٹک کو خیرباد کہو‘‘ اور صفائی مہم کے موضوع پر ایک ریلی بھی نکالی گئی۔

***********

ش ح ۔   س ب ۔ م ش

U. No.5161

(Release ID: 1924380) Visitor Counter : 131