اعلیٰ صلاحیت والے کانکنی کے آلات کی درآمد پر بھارت کے انحصار کو مزید کم کرنے اور اس کی گھریلو پیداوار کو بڑھانے کے لیے کوئلہ کی وزارت کوئلے کی کان کنی کے شعبے میں مقامی پیداواری صلاحیتوں کو فروغ دینے کے لیے مسلسل کوششیں کر رہی ہے۔ یہ کوششیں آتم نربھر بھارت کے ‘‘میک ان انڈیا’’ کو فروغ دینے کے مقاصد کے عین مطابق ہیں۔ اس مقصد کو حاصل کرنے کے لیے بھاری صنعتوں کی وزارت، ریلوے کی وزارت،ایس سی سی ایل،این ایل سی آئی ایل،این ٹی پی سی،ڈبلیو بی پی ڈی سی ایل، بی ای ایم ایل،کیٹرپیلر، ٹاٹا ہیٹاچی،جی اے آئی این ڈبلیو ای ایل ایل کے نمائندوں کے ساتھ ایک بین ضابطہ اعلیٰ سطحی کمیٹی تشکیل دی گئی ہے اور صنعت کے ساتھ مشاورت کی گئی ہے۔ ایسوسی ایشنز اور دیگر اسٹیک ہولڈرز ہیوی ارتھ موونگ مشینری (ایچ ای ایم ایم)اور زیر زمین کانکنی کے آلات جیسے ہائی وال (ایچ ڈبلیو) کان کنوں، مسلسل کان کنوں، اعلی صلاحیت کے کان کنوں، ہائیڈرولک بیلچے اور ڈمپرز کی گھریلو مینوفیکچرنگ کو فروغ دینے کے طریقے تجویز کریں۔

کمیٹی کی سربراہی ڈائریکٹر (ٹیکنیکل)سی آئی ایل کر رہے ہے اور یہ کمیٹی ایچ ای ایم ایم اور دیگر زیر زمین آلات کی گھریلو مینوفیکچرنگ کو فروغ دینے کے میکنزم اور طریقہ کار تلاش کرنے کی سمت کام کر رہی ہے۔ کمیٹی نے اپنی مسودہ رپورٹ پیش کی، جس کا سکریٹری، وزارت کوئلہ نے جائزہ لیا اور وزارت کی سطح پر اس پر غور کیا گیا۔

فی الحال کول انڈیا لمیٹڈ (سی آئی ایل) تقریباً 3500 کروڑ روپے مالیت کے اعلیٰ صلاحیت والے آلات جیسے الیکٹرک روپ شاویل، ہائیڈرولک شاول، ڈمپرز، کرالر ڈوزر، ڈرل، موٹر گریڈرز، فرنٹ اینڈ لوڈرز وہیل ڈوزر، کنٹینیوئس مائنر آلات وغیرہ درآمد کرتی ہے اور کسٹم ڈیوٹی کے طور پر 1000 کروڑ روپے ادا کرتی ہے۔ اس طرح درآمد کے ذریعے مشینری کی خریداری پر بھاری اخراجات ہوتے ہیں۔ لہذا گھریلو ساز و سامان کے مینوفیکچررز کی صلاحیتوں کی حوصلہ افزائی اور ترقی کے لئے اگلے پانچ سے چھ سالوں کے دوران درآمد کو مرحلہ وار ختم کرنے کا منصوبہ بنایا گیا ہے۔ کچھ اعلیٰ صلاحیت والی مشینیں اس وقت گھریلو مینوفیکچررز سے آزمائشی طور پر خریداری کے مرحلے میں ہیں۔

اس سلسلے میں کول انڈیا لمیٹڈ (سی آئی ایل) نے کانکنی کے آلات کی وسیع پیمانے پر معیار بندی کا کام شروع کیا ہے جس کا مقصد یہ یقینی بنانا ہے کہ جہاں بھی ممکن ہو گھریلو تیار کردہ آلات کو کوئلے کی پیداوار، نقل و حمل اور پیداواری صلاحیت کو متاثر کیے بغیر نگرانی میں رکھا جائے۔ سی آئی ایل نے ‘‘میک ان انڈیا’’ کو فروغ دینے کے مقصد سے معیاری بنانے کے رہنما خطوط بھی جاری کیے ہیں۔ اس اقدام سے نہ صرف گھریلو مینوفیکچرنگ سیکٹر کو فروغ ملے گا بلکہ آتم نربھر بھارت کے مقاصد کو بھی تقویت ملے گی اور ‘‘میک ان انڈیا’’ کو فروغ حاصل ہوگا۔

آلات کی مقامی صلاحیتوں کو فروغ دینے سے درآمد شدہ آلات کی خرابی کی مدت میں کمی کو بھی یقینی بنایا جائے گا جو کل پرزے کی عدم دستیابی کی وجہ سے طویل عرصے تک خرابی کا شکار رہتے ہیں۔ مزید برآں بین الاقوامی شہرت یافتہ سازوسامان کے مینوفیکچررز کے ساتھ تعاون اور جوائنٹ وینچر کی حوصلہ افزائی کی ضرورت ہے۔ غیر فعال اور کم استعمال شدہ سرکاری بنیادی ڈھانچے کی سہولیات جیسے ایم اے ایم سی، جیسپس کے استعمال کو میک ان انڈیا انیشیٹوز کے تحت تلاش کیا جا سکتا ہے۔

کوئلے کی کان کنی کے شعبے میں ‘‘میک ان انڈیا’’ کو فروغ دینے سے ایچ ای ایم ایم کی مینوفیکچرنگ کو ایک اہم فروغ حاصل ہونے کی امید ہے اور یہ کوئلے کے شعبے میں خود کفالت کو حاصل کرنے کی طرف ایک قدم آگے بڑھے گا اور ملک کی معیشت کی ترقی میں حصہ ڈالے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 5138)