খুরুমজরি, ঐহাক্না ময়াম পুম্নমকপু নোল্লুক্না খুরুমজরি!

ঐগী নুংশিজরবা মহৈরোইশিং, অমৃতকাল মনুংদা, নখোয়না ঐখোয়গী ভারত অসিবু ২০৪৭ পুদুনা লমজিংগদৌরিবা মীওইবা জাতিগী মতিক অদুবু মহুৎ শিল্লি। লৈবাক অসিনা নিংতম্বগী চহি ১০০শুরকপগি নুংঙাইবা ফোংদোকপা মতমদা নখোয়না ২০৪৭গী শেমগৎ-শাগৎপীরিবশিং অমসুং লান্মীশিং ওইরগনি। ঐআক্না ২১শুবা কনভোকেশন অসিগী শরুক য়াবা ফংবা অমসুং মসিগী য়াম্না ফরবা ইনস্তিত্যুত অসিগী কনভোকেশন অসিদা ৱা ঙাংবা ফংবা অসি ঐগীদি য়াম্না লাইবক ফবনি।   

মরুপশিং,  ঐহাক্না লৈবাক অসিগি উপ রাস্ত্রপতিগী ফম পাইরবা মতুংদা লৈবাক অসিগী মফম অসিদা মসিনা ঐহাক্কী অহুমশুবা খোংচৎনি। মদু য়াম্না নুংঙাইবা অমসুং পুক্নিংদা নিংশিংদুনা লৈহৌরগদবা মিৎকুপ্নি, অসুম্না হন্দক্কী খোংচৎ অসিসু ওইগনি।

নোর্থ ইস্তর্ন রিজনগী রাজ্য নিপান অসি তশেংনা ভারতকী “অস্তালক্সমিশিং”নি; মখোয় য়াওদনা, শরুক য়াদনা অমসুং মখোয়গী ধৌদাং য়াওদনা ভারত অসি মপুং ফারোই।

দিব্রুগর – অসামগী ফজরবা কলচরেল অমসুং কমর্সিয়েল কেপিতলনি – শক্নাইরবা ইন্তেলেকচুৱলশিং, লিতররি, কলচরেল অমসুং মীয়াম্না শক খঙনরবা মীশকশিং খুদম ওইনা রাজ্য সভাদা ঐগী পুন্না থৌ পুমিন্নরিবা, শ্রী রঞ্জন  গোগোই, ভারতকী হান্নগী সি.জে.আই. অমসুং শ্রী সর্বানন্দ সোনোৱালজী, থোইদোক-হেন্দোক্না চিং-লেম্লবা, মতিক-মগুন লৈরবা মীশক, অসিগুম্বা মখলগী লমচৎ-শাজৎ অসিনা নোর্থ ইস্তক কলচর অদুগী তশেংনা ফজরবা মগুন অদু মশক তাক্লি।

হন্দক্কী চহি অসিদা ঐখোয়না  লমদম অসিগী মীওইশিংদা পদ্মা এৱার্দ পীবগী থৌরম পাংথোকখি, সুকুমারি হেমোপ্রোভা চুতিয়া, শ্রী হেম চন্দ্র গোস্বামি অমসুং শ্রী রামকুইৱাংবেবু হন্দক্কী চহি অসিদা মখোয়না লৌখিবা মরু ওইবা থৌদাংশিং অদুগীদমক্তা পদ্মা এৱার্দশিং পীদুনা ইকাইখুম্নখি। মতম অমদা পদ্মা এৱার্দশিং অসি কেতেগোরি অনি থোক্না পীরম্মি:  অমদি ৱানোমদুনা খুকন পাংগন লৈবা মীদা পী অদুগা অমনা মহাক্কী শিংথানিংঙাই ওইবা থবক্তুগী মতুং ইন্না পীরম্মি। অদুবু হৌখিবা চহি খরা অসিদা মদুগী সীস্তেম অদু হোংখ্রে। হৌজিক্তি পদ্মা এৱার্দশিং অসি মতিক চাবা মী খক্তদা পীরে, অমসুং মসি হেক লাউথোকপা মিৎকুপ অদুদা মীপুম খুদিংমক্না মসিগী মনা অসি মতিক চাবা মীদা পিরে হায়দুনা হরাওনরে। মখোয় পুম্নমকপু থাগৎপা ফোংদোক্লি।

ঐহাক্না লৈবাক অসিগী শরুক অসিদা লৈবা মতমদা, ঐহাক্না নালন্দা য়ুনিভর্সিতীবু মাংহন-তাকহনখিবা বাখতিয়ার খিলজিবু মাইথিবা পীখিবা কামরুপকী নিংথৌ প্রিথু জালাপেশ্বরগী থৌনা লিংজেল ফবা অদুবু ঐহাক্না য়াম্না চাউথোকচৈ অমসুং সারাইঘাতকী য়াম্না মমিং লৈরবা লানদা মুঘল লান্মীশিংবু মাইথিবা পীখিবা য়াম্না ফাওরবা আহোম লান্মী লচিত বোরফুকানবু য়াম্না চাঊথোক্না অমসুং ইকাইখুম্নবগা লোইননা নিংশিংলি।

মরুপশিং, ভগৱত গিতাদগী লৌথোকপা নখোয়গী য়ুনিভর্সিতীগী মোতো অসি মতিক চাই অমসুং মরু ওই, “নিয়তম কুরু কর্মাহ” দো দৌ পর্ফোর্ম দাই দাউন্দেন দ্যুতি। করিগুম্বা ঐখোয়দা ভগৱত গিতাদা তাকপীরম্বা অদুদগী মখাতানা চত্থরবদি, “ৱার্ক ইস ৱরশিপ; রিৱার্দ ইস নোত দাই কন্সর্ন”। মসিনা ঐখোয়দা য়াম্না ৱাখল তাবা লম্বি অমা তাক্লি মদুদি ঐখোয়না মতম পুম্বদা অমসুং মতম খুদিংদা ভারতমচা অমা ওইবদা চাউথোকচগদবনি।

ঐখোয়না ঐখোয়গী পুৱারি ওইরবা এচীবমেন্তশিং অমসুং একমপ্লিশমেন্তশিং অদুবু চাউথোকচগদবনি। নখোয়গী য়ুনিভর্সিতী অসিনা লমদম অসিগী লিগ্বিস্তিক দাইভর্সিতী অমসুং লমদম অসিগী লিতররী ত্রেদিশনশিংবু ঙাকশেন্দুনা থম্নবগীদমক্তা অখন্নবা মিৎয়েং থম্বা মফম অমা ওইরকপা হায়বসি য়াম্না নুংঙাইবা ফাওই।

ঐখোয়গী লোলবু ঙাকশেন্দুনা থম্বা হায়বসি য়াম্না মরু ওই মরমদি মসি ঐখোয়না চহি লিশিং কয়া অমদগী ফংলকপনি অমসুং ভারত সরকারনা মসিগী মাইকৈদা থবক কয়া অমা পাইখৎলি। য়ুনিভর্সিতীনা তৌরিবা থবকশিং অসিনা ঐখোয়গী কলচরগী ফজবা অদুবু খুদম-চাংদম ওইদুনা তাক্লি। বোরো, তাই অমসুং মিসিং লোনশিংগী কোর্সশিংদা মিৎয়েং থম্বা অসি য়াম্না থাগৎনিংঙাইনি।

সেন্তর ওফ এক্সেলেন্স ইন পর্ফোর্মিং আর্তস অসি য়াম্না চুননা মোদর্ন ইন্দিয়াগী য়াম্না মমিং লৈরবা কলচরেল আইকোনশিংগী মনুংদা অমা ওইরিবা, ভারত রত্না, দা. ভুপেন হাজারিকাগী মমিং লৌদুনা থোনখ্রে। মহাক্কী মমিং অসিনা ঐখোয়দা তোঙান-তোঙান ৱাখল্লোন কয়া অমা ফাওহল্লি। লৈবাক অসিগী খ্বাইদগী শাংবা লৈকং থোং অসি অসামদা লৈ অমসুং লিজেন্দ অমা ওইরিবা – ভুপেন হজারিকাগী মমিং লৌরগা থোনখি।

অতোপ্পা মাইপাকপা অমনা দিব্রুগর য়ুনিভর্সিতী অসি জি.২০ য়ুনিভর্সিতী কনেক্ত প্রোগ্রামগী য়ুম্বু ওইনবা অমসুং মসিদা শরুক য়ানবা লৈবাক অসিদা কনগৎলবা অৱাংবা থাক্কী মহৈ-মশিং তমফমগী ইন্সতিত্যুশন ৭৬কী মনুংদা অমা ওইনা খনগৎখ্রে। মরুপশিং, ঐখোয় পুম্নমক্কী ওইনা কয়াদা চাউথোকচনিংঙাই ওইরিবনো অমসুং মালেম অসিদা লৈবাক অসিগী মশক তাকপদা কয়াদা ৱাংনা থাংগৎলিবা। ভারতনা জি.২০ সম্মিতকী প্রেসিদেন্তনি অমসুং লৈবাক অসি শিনবা থুংনা পাংথোক্লদুনা মসিগী  খোঙ্গুল অসি মফম খুদিংমক্তা ফাওরি অমসুং মসিগী শাফু অসি উবা ফংলি, য়ুনিভর্সিতী অসিসু মদুগী সেন্তর অমনি।

কনভোকেশন অসি তর্নিং পোইন্ত অমনি, মহৈরোইশিংগী, মখোয়গী ওজাশিং, মখোয়গী মমা-মপা ওইবশিংগী পুন্সিদা মাইলস্তোন অমনি। মসি মহৈনি, য়াম্না ৱানা তানবা ক্রিদেন্সিয়েলনি, মসিনা খোংথাং লেপ্তনা থাংহল্লিবা, হেন্না পাক-চাউরবা মালেম অমদা চোংশিনবা ঙমহল্লি। মসি য়াম্না চাউবা তর্নিং পোইন্ত অমনি; মসিগী য়াম্না ফরবা য়ুনিভর্সিতী অসিগী মহৈরোই অমা ওইরম্বদগী নখোয়না হৌজিক্তি এলুম্নি অমা ওইবগী স্তেতস অদু ফংলগনি। নখোয়না খুনাইদা অহোংবা অমা পুরকপদা য়াম্না মরু ওইবা থৌদাং অমা লৌগদবনি। নখোয়না নখোয়গী কেরিয়র অদু কম্পিতিশন য়াম্না কনবা মতম অমদা হৌগদৌরিবনি, খুদোংচাবা য়াম্না চাউই, অমসুং শিংনবশিং অসি য়াম্না কীনিংঙাইনি। ঐহাক্না নহা ওইরিঙৈ মতম অদু নিংশিংবা মতমদা, মতম অদুদা লৈখিবা অৱাৎপা হৌজিক্তি লৈত্রে। ঙসিদি সরকারনা পাইখৎপা অনৌবা থৌদাংশিং অমসুং  অফবা পোলিসীশিংনা মরম ওইরগা ইকোসীস্তেম অমা থোরক্লে, মসিদা নহা খুদিংমক্না মহাক্কী মতিক অমসুং হৈ-শিংবা অদু মহাক্কী অঙম্বা থাক্তা উত্থোকপা ঙম্লে। নহাক্না আইদিয়া অমা লৈগদবনি, মদুগী আইদিয়া অদুবু থবক ওইনা পাংথোকপদা সীস্তেমগী মতেং পুম্নমক ফংগনি।

কোবিদ লাইচৎ অসি মীওইবা খুনাইদা শিংনবা অমনি। য়াম্না অৱাবা মতম লৈখি; মতম অসিদসু ভারতনা মালেম অসিগী ওইনা খ্বাইদগী য়াংনা চাউখৎলকপা য়াম্না চাউবা ইকোনোমী অমা ওইখি।

ঐখোয়না মালেমগী ওইনা ইনভেস্তমেন্ত অমসুং খুদোংচাবা কয়া অমগী য়াম্না পাম্নবা মফম অমা ওইখি। সেপ্তেম্বর ২০২২দা মালেম অসিগী মঙশুবা খ্বাইদগী চাউ ইকোনোমীগী স্তেতস অদু ফংবা ঙমখি, অমসুং অসুম্না তৌবা অসিনা ঐখোয়না হান্নদগী হান্নগী কোলোনিয়েল মাস্তর অদুবু হেনবা ঙমখ্রে, মসিমক য়াম্না চাউবা মাইপাকপা অমনি, ঐখোয়গী তুংগী খনবা লুচিংবশিং অমসুং ঐখোয়গী প্রজাশিংনা কন্না হোৎনবীবা অদুবু ইকাইখুম্নবীবনি।

মরুপশিং, দিকেদ অসি লোইরকপদা ভারতনা মালেম অসিগী অহুমশুবা খ্বাইদগী চাউবা ইকোনোমী ওইরগনি, অমসুং মসিগী মরম অসি হৌখিবা চহি খরা অসিদা “লেস গোবর্নমেন্ত এন্দ মোর গোবর্নেন্স”হায়বা গোবর্নেন্সকী অনৌবা মন্ত্রা অমা  ঐখোয়গী লৈবগীনি, হান্নদি মসিগী ওন্ন তৈনবদা ওইরম্মি।

মতম অমদা লৈবাক অসিগী লাইবক থিরবা প্রধান মন্ত্রীনা, নাইন্তীন ঐতীজগী মতমদা খঙলকপগী মতুং ইন্না, বেনিফিসরীশিংদা পীবা তেংবাংশিং অদুগী ৮৫% লমখাংদা মাংখি অমসুং মখোয়দা য়ৌখিদে। ঙসিদি দাইরেক্ত ত্রান্সফর লৈরে অমসুং মরক্তা মাংখিবা অদু ১০০% থিংখ্রে। মসিগী পুৱারি ওইরবা মাইপাকপা অসি অহানবা ওইনা তুংগী খল্লগা খুশিল-থৌরাং তৌরবা মতুংদা অমসুং হ্যুমেন রিসোর্সনা থবক ওইনা পাংথোকপনা মরম ওইরগা মাইপাকখিবনি।

মরুপশিং নুমিৎ অসিদা, কন্না হোৎনখিবা অদুগী মহৈ নখোয়না ফংলবা অমসুং নখোয়না হেন্না পাক-চাউরবা এরেনা অমদা খোং থাংজিনগদৌরবা মতম অসিদা; ঐহাক্না হায়গদবদি কমপিতিশন্না খ্বাইদগী হেন্না ফবা ওজানি, কমপিতিশনদগী হেন্না ফবা ওজা অমত্তা লৈতে অমসুং খ্বাইদগী হেন্না তমথিবা য়েক্নবা অসি অকিবনি- মাইথিবা নত্রগা মাইপাক্তবগী অকিবা অদুনি। ঐনা হায়রিবা অসিনি, এজুকেশন পোত্থোক অমা ওইনা কৈদৌনুংদা তেন্সন লৈগনু, স্তরেস অমত্তা লৈগনু, শিংনবা খুদিংমক অফবা ৱাখলগা লোইননা মায়োক্নৌ। নহাক্কী শক্তি পুম্বা উত্থোকউ। ঐগী নখোয়দা পীরিবা পাউতাক্তি তোপ-তোপ্পা থবক অমা তৌ। ময়ামগা মান্নদবা থবক তৌ। নখোয়গী ৱাখলদা ৱাখল্লোনা অমত্তা পন্থদুনা থমগনি, থবক ওইনা পাংথোক্তবা ৱাখল্লোন অমা থম্বা মতম অদুদা নখোয়না খুনাই অসিদা করিগুম্বা থৌদাং অমত্তা লৌদবা হায়বদু ওইরবনি। 

মরুপশিং, ঐহাক্না চহী অহুম ৱেস্ত বেঙ্গালগী রাজ্য অদুগী গোবর্নর ওইরম্মি। ঐহাক্না হকথেংননা নোর্থ ইস্ততা লাক্লিবা অওনবা পুরক্কদবা অহোংবা কয়া অমা উরি। ১৯৯১দা ঐখোয়না “লুক ইস্ত” পোলিসী অসি লৈখিঅমসুং ইকাইখুম্নরবা প্রধান মন্ত্রী, শ্রী নরেন্দ্র মোদীনা ২০১৪দা শক্তি পাইরবা মতুংদা ঐখোয়না “এক্ত ইস্ত” পোলিসী অসি লৈরে।

২০১৪ অসি ভারতকী পোলিতিকেল হিস্তরীদা অওনবা অমা লাকখিবা মিৎকুপ অদু ওইখি, মতম অসিদা লৈবাক অসিনা কোলিশন গোবর্নেন্স উবা মতমদা, ঐখোয়না পার্তী অমগী ওইবা সাসন লৈখি। ঐহাক অসি ১৯৮৯দা পার্লিয়ামেন্ততা মীহুৎ ওইনা খনখি, ঐহাক অসি কেন্দ্রগী মন্ত্রী অমা ওইখি। ঐখোয়না পার্তী কয়া অমগী ওইবা সরকার অমা চলাইখি। ঐহাক্না মদুদগী ওইরকপা ফিভম অদু খঙই। অমসুং মীয়ামগী ৱারেপ অদুনা ভারতপু লৈবাক অমা ওইনা ওল্লকখি, হৌজিক্তি মালেম অসিনা য়েংনরিবা অমসুং মালেম অসিনা ইকাইখুম্নরিবা অমসুং মীওইবা জাতিগী খোঞ্জেলগী শরুক তরুক্কী মনুংদা অমদি হৌজিক ওইরিবা অসিগুম্না অসুক কেতেগোরিকেল ওইরমদে। অদুবু মসিগী শরুক অসিদা পাথোকখিবা চাউখৎ-থৌরাং অদু য়াম্না মরু ওই, য়াম্না চাউই।

এন.সি.আর.তি.না য়াম্না শিংথংনিংঙাই ওইবা মওংদা ঐখোয়গী পুৱারি অমসুং ঐখোয়গী নিংতম লানদা নোর্থ ইস্তকী মশক খঙবীদ্রবা  অথৌবশিং অদুনা লৌখিবা থৌদাং অদু য়াওহন্নবা কোর্স মেতরিয়েল দেবেলপ তৌরি।

ঐখোয়না মখোয়বু কাওথোকপীরমগদৌরে। লৈবাক অসিগী মফম অমহেক্তদা চৎলু, নখোয়না অথৌবশিং থেংনগনি; অজাদি কা অমৃত মাহোতসব অসিদা মখোয়না লৌখিবা থৌদাং অদুবু মশক খঙবীবা অসি তঙাইফদে। মসিগী লম অসিদা অখন্নবা মিৎয়েং থম্লি।

ইন্দিয়ন কাউন্সিল ওফ হিস্তোরিকেল রিসর্চ (আই.সি.ঐচ.আর.)না নোর্থ ইস্তকী মশক খঙবীদ্রবা নিংতম লানম্মীশিংগী মতাংদা লেকচর কয়া অমা পাংথোকখ্রে।

নোর্থ ইস্তর্ন রিজন্না ফিজিকেল, সোসিয়েল অমসুং দিজিতেল ইনফ্রাস্ত্রকচরদা মাইকৈ খুদিংমক্তা চাউখৎলকপনা মরম ওইরগা খুদোংচাবশিংগী লমদম অমা ওইনা থোরক্লি।

নোর্থ ইস্তকীদমক্তা পি.এম দেবেলপমেন্ত ইনিসিয়েতিব অসিনা ফন্দ ইনফ্রাস্ত্রকচর কনভর্জেন্স তৌবগা লোইননা মহৈ য়াল্লক্লি।

হৌখিবা চহি মাপল অসিদা, রোদ কেনেক্তিবিতীগী প্রোজেক্ত ৩৭৫ হৌখি। পুৱারি ওইরবা বোগিবীল রেল-কম-রোদ ব্রিজ অসি চহী খরগী মমাংদা শঙ্গাখিবনি।

হৌজিক্তি মালেম অসিগ মফম অমহেক্তদা চৎলু, ঐহাক্না চয়েৎনবগী অকিবা অমত্তা লৈতনা হায়বা ঙম্মি, মদুদি লৈবাক অসিগী শরুক অসিদা লৈরিবা অসিগুম্বা মখলগী কলচর, হিস্তোরিকেল বেকগ্রাউন্দ, মখল-মখা কয়াগী ফ্লোরা অমসুং ফাউনা, মখল-মখা কয়াগী পার্ক অমসুং সেঙ্কচুৱারীশিং, মখল-মখা কয়াগী লাইনিং-লাইশোনগী মফমশিং অসি মালেমগী অতৈ-অতোপ্পা মফম অমত্তদা লৈতে। রেলৱে কেনেক্তিবিতীদা লেপ্তনা ফগৎহল্লকপা অমসুং এয়রপোর্তশিংগী নেতৱার্ক্তা হেনগৎলকপা অসিনা মফম অসি লৈবাক অসিগী অতোপ্পা ইরৈচাশিংগা য়াম্না হেন্না ফবা মওংদা এক্সপোস তৌরক্লি। অমসুং লৈবাক অসিগী শরুক অসিদা চৎপগী মতাংদা রেল কেনেক্তিবিতী নত্তনা মফম অসিদা পুরক্লিবা অহোংবশিং অসি য়েংবীয়ু। এবরপোর্তশিংগী মশিং অসি ৯দগী ১৭তা ওইরক্লে। পুম্নমক অসিনা মফম অসিদা চাউখৎপগী মমি অদু ময়েক শেংনা তাক্লি অমসুং মসিনা ঐখোয়গী ইনক্লুসিব ওইবা গ্রোথ অদুগী মতাংদা খুদম চাংদম ওইদুনা তাক্লি।

ঐহাক্না হেল্থ কিয়র সেক্তর অমসুং এজুকেশন সেক্তরদা কেন্দ্র  অমসুং রাজ্য সরকারগী মরক্তা খুৎশম্নদুনা থবক তৌরিবা অসিবু ইকাইখুম্নৈ অমসুং থাগৎলি। মমাংগী চহিদা, প্রধান মন্ত্রীনা রাজ্য অসিদা কেন্সর হোসপিতাল তরেত হাংদোকখি অমসুং অসাম শিনবা থুংনা  অনৌবা কন্সর হোসপিতাল তরেত অমগী উরেপ-উয়ুংশু তমখি।

ঐহাক্না এজুকেশনবু খুনাই অসিদা ইক্বিতী ইক্বালিতী প্রোগ্রেস অমসুং দেবেলপমেন্ত পুরক্নবগী খ্বাইদগী এফেক্তিব ওইবা ত্রান্সফোর্মেশন মেকানিজম অমা ওইনা লৌই। খুনাইগী লৈরিবা ফিভম অসি মীশিংবু লাইরিক-লাইশু তমহনবা নত্তনা অতোপ্পা অমত্তনা অহোংবা পুরকপা ঙম্লোই। আই.আই.তি. গুৱাহাতিদা সাইন্স অমসুং মেথমেতিক্সক এজুকেশনগী সেন্তর এক্সেলেন্স বাওনা হৌখিবা চহি মপল অসিদা নোর্থ ইস্তর্ন রিজনদা এজুকেশন সেক্তরদা, অৱাংবা থাক্কী মহৈ-মশিং তমফম অনৌবা ইনস্তিত্যুশন ১৯০ লিংখৎখ্রে।

মমাংদা অমুক্তা থোকখিদ্রিবা মওংদা নহাশিংদা মখোয়গী শক্তি ফুদোক্নবা অমসুং নহাশিংবু য়োকখৎনবা অনৌবা এভেন্যুশিং অমসুং ভিস্তাশিং হৌজিক্তি ফংলে। নখোয়গী “ইশান উদয়” স্কোলারশিপ স্কীম অসি য়াম্না মতেং ওই অমসুং লিংখৎখিবা অনৌবা স্কিল দেবেলপমেন্ত ইনস্তিত্যুত ১৯০দসু অসিমক্নি।

ঐহাক্না শিংথানিংঙাই ওইবা মাইপাকপা খরা অমদা নখোয়গী পুক্নিং চিংশিল্লি অমসুং মালেম পুম্বনা কলক্না থাগৎপগা লোইননা ঐখোয়দা য়েংলি। পৃথিবি অসিদা খ্বাইদগী মীশিং য়াম্না লৈবা লৈবাক, দেমোক্রেসীগী মমা অমসুং নিংথিনা মথৌ তৌবা দেমোক্রেসী অমা ওইনা, মখোয়গী মাইপাকপশিং অদুবু য়েংবীয়ু। এদল্ত ইন্দিয়নশিংগী চাদা ৯৯.৯না দিজিতেল আই.দি.-আধার লৈ, হায়রিবা অসি মীয়াম পুম্নক্তা পী অমসুং লেম্না পী।  নোবেল লোরেত পোল রোমরনা মসিবু “মালেম অসিদা খ্বাইদগী সোফিস্তিকেতেদ ওইবা আই.দি প্রোগ্রাম” হায়না হায়। লৈবাক অসিগী মপান্দা লৈবা মীশিংনা লৈবাক অসিবু থাগৎপা মতমদা মখোয়না খঙবা য়াবা হান্না নিংথিনা খঙদোকই, লৈবাক অসিবু হন্থনা ঙাংবা অমসুং শিথবা মতমদা ৱারি ওইনা থোক্। 

জনধন একাউন্তশিংগী জে.এ.এম. ত্রিনিতী, আধার নম্বর অমসুং মোবাইল তেলিফোনীনা বেনিফিসরীগী একাউন্তশিং দাইরেক্ত বেঙ্ক ত্রান্সফর অসি মরক্কী মী অমত্তা য়াওদনা ওইথোকহল্লি। ভারতকী লৌমী করোর ১১না হৌজিক ফাওবদা পি.এম. কিসান সম্মান নিধিগী মখাদা করোর লাখ ২.২৫ ফংখ্রে। বিল থিবগীদমক্তা য়াম্না শাংবা থবকশিং অদু কদাইদা লৈখ্রে? পাসপোর্ত্তগী হৌরগা রেশন কার্দ, থবক্কী এপ্লিকেশন থাজিনবদা নখোয়না নখোয়গী খুঙ্গংগী মপান্দা থোকপগী মথৌ তাদ্রে। তেক্নোলোজী অসি নখোয়গী থোঙ্গালদা লৈরে।

২০২২দা $ ত্রিলিয়ন ১.৫কী শেনফম ওইগদবা দিজিতেল ত্রান্সেক্সনশিং অদুনা য়ু.এস. য়ু.কে., জর্মনী অমসুং ফ্রান্সদা তৌবা অপুনবা ত্রান্সেক্সনশিং অদুদগী শরুক মরি থোক্না হেল্লি।

আই.এম.এফ.কী মতুং ইন্না ভারতনা পুথোরক্লিবা অসি “মালেমগী থাক্তা লৈবা দিজিতেল পব্লিক ইনফ্রাস্ত্রকচর”নি। ঐখোয়গী লৈবাক অসি ইন্তর্নেত শিজিন্নবা মশিং মিলিয়ন ৭০০ লৈবা অমসুং মসি চাইনা অমসুং য়ুনাইতেদ স্তেতস অনিমক্না পুন্না শিজিন্নবা অদুদগী হেনখ্রে।

ঐখোয়গী স্তার্তঅপশিং, য়ুনিকোর্নশিংনা ঐখোয়বু চাউথোকহল্লি। মুদ্রা স্কীম অসিনা মীপুম খুদিংমক্তা অনৌবা এভেন্যু অমা ফংহল্লরে, থবক থিরিবশিং অমা ওইহনবদা নত্তনা থবক পীরিবা ওইহন্নবসু পীরি। মসিনা হেক হৌদোরকপদগী, মুদ্রা লোন করোর লাখ ২৩ হেন্না পীখ্রে, মসিগী মনুংদা ৭০%দি নুপী এন্ত্রপ্রেনরশিংনি।গোবর্নরনা মহৈরোইশিং অদুবু মখোয়না ৱানা তাঞ্জদুনা ফংলকপা দিগ্রীশিং অদুগা লোইননা ইকাইখুম্নবীবা মতমদা ঐহাক্না খঙজবদা য়াম্না নুংঙাইবা অমনা মশিংমক্তি খঙহৌদ্রগসু ঐখোয়গী নুপীমচাশিংনা নুপাদগী মশিং য়াম্বা হেনখি।

অসামদা, ২০২০-২১দা, এন্ত্রপ্রেনর লাখ ৬.৮না মুদ্রা স্কীমগী মখাদা লোন করোর ৪৫০০ হেন্না লৌখি। মসিগী মাইপাকপাশিং অসিনা ২০৪৭দা ঐখোয়গী নিংতম্বগী চহি চামা মপুং ফারকপগী নুংঙাইবা ফোংদোকপা মতমদা মালেম অসিদা ঐখোয়গী মতিক চাবা মফম অমা কনবদা মতেং পাংগনি।

ঐহাক্না নখোয়দা হংদবা য়াদ্রে, পুম্নমক নিংথিনা পাংথোক্লিঙৈদা, করিগীনো ঐখোয় খরনা দেমোক্রেসী অসিবু হুন্দুনা ঙাংলিবা, ম করিগীনো লৈবাক অসিগী মনুংদা অমসুং মপানদা লৈরিবশিং অসিনা মশানা তুমিন লৈজবগী মতাংদা ৱা ঙাংলিবা, লৈবাক অসিবু দেমোক্রেতিক ভেল্যুশিং লৈতে হায়না হায়রিবা। ঐহাক্না থাজবা অমসুং চয়েৎনবা লৈগনি হায়বগী অকিবা অমত্তা লৈতনা হৌজিক ফাওবদা পৃথিবী অসিদা ভারত অসিবু খ্বাইদগী ভাইব্রেন্ত ওইবা অমসুং নিংথিনা মথৌ তৌবা দেমোক্রেসীনি হায়বা ঙমগনি।

মালেম অসিগী লৈবাক অমত্তনা খুঙ্গংশিং, মুনিসিপালিতীশিং, রাজ্যশিং অমসুং পার্লিয়ামেন্তকীদমক্তা কনস্তিত্যস্নেল দেমোক্রেতিক মেকানিজম অমা লৈ হায়না হায়বা ঙম্লোই। ঐহাক্না মহৈরোইশিং, ইন্তেলিজেন্সিয়া অমসুং মীদিয়াদা অপীল তৌরি মদুদি মখোয়না লৈবাক অসিগী এম্বেসেদরশিং ওইনা থবক তৌগদবনি, মখোয়না ঐখোয়গী নেস্নেলিজমদা থাজগদবনি, মখোয়না মসিগী ৱারি অসিবু মুত্থৎকদবনি। ঐখোয়না লৈবাক অসিগী মনুংদা অমসুং মপানদা ঐখোয়গী গ্রোথ ত্রাজেক্তরী অমসুং দেমোক্রেতিক ভেল্যুশিং অসিবু মশক থিহনবা, মরাল লংশিনবশিং অদুবু সপোর্ত তৌরোইদবনি।

রাজ্য সভাগী চিয়রমেন ওইনা, ঐখোয়গী লৈবাক অসিদা পীরিবা ফ্রীদম ওফ এক্সপ্রেসন অদু নমদুনা তুমিন লৈশিনহনব য়াবা নত্তে। শুম্না খনবশিং অদুনা মখোয়গী থাজবা অদুবু অমুক হন্না খন্থবগী তঙাইফদবা লৈরে।

অসিগুম্বা অরানবা পাউশিং অসি মপানদা লৈবা য়ুনিভর্সিতী খরদগী থাদোরক্লি। য়ু.এস.এ.দা লৈবা য়ুনিভর্সিতী খরা, ভারত মচা মহৈরোইশিং খক্তনা মখোয়গী মশামক্কী লৈবাকবু হুন্দুনা ঙাংই। নখোয়না অতোপ্পা লৈবাক অমগী ফেকল্তী মেম্বর, মহৈরোইশিং অমত্তনা মখোয়গী লৈবাকপু লৈবাক অদুগী মপান্দা হুন্দুনা ঙাংবগী খুদম অমত্তা থেংনরোই।

পোলিতিসিয়ন অমত্তনা ঐখোয়গী দেমোক্রেতিক ভেল্যুশিং অসিবু মিংচৎ থিহন্নবা মালেম শিনবা থুংনা কোইদুনা চৎপা থেংনরোই।

পার্লিয়ামেন্ত অমসুং এজুকেস্নেল ইনসইত্যুশনশিং অসি লাইশঙশিংনি। পার্লিবামেন্ত অসি দাইলোগ, দিবেত, দেলিবরেশন অমসুং দিসকসনগী মফমনি অদুগা মফম অসি থুগাই-খোকাইবা অমসুং অকাইবা পীনবগী মফম নত্তে।

ঐখোয়না দিস্তর্বেন্সবু রাজনিতীগী খুৎলাই অমা ওইনা করম্না শিজিন্নগদগে? ঐখোয়না মসিগী থিয়েতরশিং অসিবু করম্না অসুক মোত্তুনা লৈহনগদৌরিবনো? ঐহাক্কী নহা ওইরিবা মরুপশিং, ভারতকী কনস্তিত্যুশন অসি চাই অহূমদা কনস্তিত্যয়েন্ত এসেম্বলীনা শেমখিবনি অমসুং মদুগী চহী অহুম অদুগী মনুংদা, মখোয়না য়াম্না সেন্সিতিব ওইবা ইশুশিংগী মতাংদা খন্ন-নৈনৈ, ইশু খরা অমদি য়াম্না কাইনিংঙাই ওইবা, য়াম্না মরৈ-মরা থাংবা অমসুং য়াম্না লুবা অমা ওইরম্বা য়াই। অদুবু মদুদা অকাইবা অমসুং অপনবা অমত্তা থোকখিদে। অমনা অমবু মতেং পাংনদুনা খুৎশম্ননা থবক তৌবগী ৱাখল্লোনদা লৈখি অমসুং ময়োক্নবগী ৱাফম অমত্তা লৈখিদে।

ঐহাক্না ইন্তেলিজেন্সিয়া, মিদিয়াদা হায়রি, অমৃতকালগী মতম ওইরে, ঐখোয়না ঐখোয়গী পার্লিয়ামেন্তরীয়ানশিংনা ঐখোয়গী কনস্তিত্যুশনগী ফাউন্দিং ফাদরশিংগী স্পিরিৎ অমসুং ইসেন্সতা মাইকৈ চুম্না রেসপোন্দ তৌনবা ইকোসীস্তেম অমা শেম্বদা মতেং পাংগদবনি।

মরুপশিং ঐহাক্না নখোয়দআ চিংনবা অমত্তা লৈতে মদুদি য়ুনিভর্সিতী অসিদগী থাদোক্লবা মতুংদা নখোয়না খুনাইগী চাউখৎ-থৌরাংদা চাউরবা থৌদাং লৌগনি অমসুং নখোয়না কৈদৌনুংদা ৱাফম অনি অসিমদি কাওরোইদবনি, অহানবদা নখোয়গী ওজাশিংবু মতম পুম্বদা ইকাইখুম্নবীয়ু। মহৈ-মশিং অমত্তা অফবা গুরুগী লমজিং-লমতাক য়াওদনা অফবা মী অমা ওইবদা মহৈ য়ানবা ঙম্লোই।

অনিশুবদা, নখোয়গী য়ুনিভর্সিতী অসিবু খৈদৌনুংদা কাওথোক্লোইদবনি, নহাক্না ঙম্বা মওং অমদা য়ুনিভর্সিতী অসিগী য়াইফনবগীদমক্তা তৌগদনি। মঙলান শাগৎকদবনি, অদুবু মঙলান অদুবু কুক্নুংদা নমদুনা থম্লোইদবনি।

মঙলান অসি কোকনুংদা নমদুনা থমগদবা নত্তে, মঙলান অদুবু মঙফাওনহনবা মথৌ তাই।

ঐহাক্না ইকাইখুম্নরবা চান্সেলর অমসুং ভাইস চান্সেলরদা হায়জরি। ঐখোয়না এলুম্নিগী শক্তি অসিবু শিজিন্নগদবনি। মখোয়না য়াম্না চাউবা অহোংবা অমা পুরকপা ঙমগনি। ঐহাক্না লৈবাক অসিগী য়াইফ-থৌরাংগীদমক্তা ঙাক্লৌ ওইগদবা ৱাখল লৈরবশিংনা পুনশিল্লবা এলুম্নিগী কনফিদরেশন অমগী ৱাখল্লোনা অমা শাগৎলি।

নখোয়গী য়ুনিভর্সিতী অসিদা শক্নাইরবা এলুমনি লৈ। মসিবু নিংথিনা শেমগৎ-শাগৎলু অমসুং মসিবু চাউখৎহল্লু।

মসি ঐগীদমক্তদি য়াম্না নুংঙাইরবা এক্সপরিয়েন্স অমনি। ঐহাক্না ইকাইখুম্নরবা চান্সেলর অমসুং ভাইস চান্সেলরদা থাগৎপা ফোংদোক্লি অমসুং রাজ্য অসিদা ঐগী খোংচৎ অসিবু মতম চুপ্পগী ওইনা নিংশিংনিংঙাই ওইবা অমা ওইহনবদা নত্তনা দার্জীলিংদা লাক্নবগী ঐনা পীখিবা চেবাউ অদুগী পাউখুম পীরকখিবা ইকাইখুম্নরবা মুখ্য মন্ত্রীগীদমক্তা থমোই শেংনা থগৎচরি।

নখোয় পুম্নমক্তা নুংঙাইবা ফোংদোক্লি।

******