উপ রাস্ত্রপতি, শ্রী জগদীপ ধনখরনা ঙসি হায়খি মদুদি ‘লুক ইস্ত’ পোলিসিদগী অপগ্রেদ তৌখিবা ‘এক্ত ইস্ত’গী ভারত সরকারগী পোলিসি অসিনা অৱাং-নোংপোক থংবা মায়কৈদা শাফু অমা পীরি অমসুং মসিগী অপুনবা চাউখৎপগী লম্বী শেম্লে। মহাক্না হায়খি মদুদি অৱাং-নোংপোক্কী চাউখৎপা অসি ভারতকী চাউখৎপগী ৱারিগা শাগোন্নৈ।

শ্রী ধনখরনা উপ রাস্ত্রপতি ওইনা, মহাক্কী মনিপুরদা অহানবা লাকপগী খোঙচৎ অসিদা ধনমঞ্জুরী য়ুনিভার্সিতি, মনিপুর অমসুং মথংদা মনিপুর য়ুনিভার্সিতিগী মহৈরৈশিং অমসুং ওজাশিংদা ৱা ঙাংখি।

ধনমঞ্জুরী য়ুনিভার্সিতিদা ৱা ঙাংলদুনা, অনৌবা খোঙথাংশিংগী মনুংদগী, ফগৎলক্লিবা রেলগী লম্বী, এয়রপোর্ত মশিং হেনগৎলক্লিবা অসিদগী অৱাং-নোংপোক লমদমদা ইনফ্রাস্ত্রকচর খোঙজেল য়াঙনা ফগৎলকপা উখি। অৱাং-নোংপোক্কী চৎনবী, মখল মথেল শুনা লৈবা, জগোইশিং, অমসুং মহৌশাগী পাম্বীশিং অসি মালেমদা মপা লৈতে হায়না মহাক্না হায়খি। মহাক্না মখা তানা হায়খি মদুদি মনিপুরী মীয়ামগী হরাও তয়াম্বা অসিনা মহাকপু য়াম্না নুংঙাইহল্লি অমসুং মসিনা রাজ্য অসিগী হেপ্পিনেস ইন্দেক্স অসি তশেংনমক ৱাংই হায়বা উৎলি।

মহৈরোইশিংবু ২০৪৭গী মরু ওইবা লান্মীশিংনি হায়রদুনা, উপ রাস্ত্রপতিনা মহৈরোইশিংবু অচৌবা মঙলানশিং মঙবতা নত্তনা, এভেন্যুশিংবু চাউখৎপগীদমক শিজিন্নদুনা মঙলানশিং অদুবু মঙফাওননবসু হোৎনদুনা থবক থিবা মীওই ওইবগী মহুত্তা থবক পীবা মীওই ওইগদবনি হায়না হায়খি।

নেস্নেল এজুকেস্নেল পোলিসি – ২০২০ অসিনা এজুকেসন হায়বসি দিগ্রী অমদা লোয়শিনগদবা নত্তে মসিনা হৈথোই শিংথোইবা হেনগৎহনগদবনি অমসুং মমলশিং তাকপা ওইগদবনি হায়বা অসিনা মসিবু ভিজন্নরী দোক্যুমেন্ত অমসুং গেম চেঞ্জর অমা ওইখি হায়না উপ রাস্ত্রপতিনা হায়খি।

মনিপুর য়ুনিভার্সিতিদা উপ রাস্ত্রপতি

মনিপুর য়ুনিভার্সিতিগী মহৈরোইশিংদা ৱা ঙাংলদুনা, উপ রাস্ত্রপতিনা মখোয়বু মখল কয়াগী ৱাখল্লোনশিংদা এক্সপরিমেন্ত তৌননবগীদমক পুক্নিং থৌগৎখি। ‘অকিবা হায়বসি অনৌবা অমা পুথোকপগী খ্বাইদগী চাউবা নীংহন্নবনি’ হায়না মহাক্না হায়খি অমসুং মখোয়গী মঙলানশিংবু ফংনবা হোৎনহনবা পামখি।

উপ রাস্ত্রপতিনা ভারতকী চাউখৎলকপদা মালেম অসিনা য়েংনরি হায়না পনখি, মসিগী চপ চাবা খুদমদি লেপতনা হেনগৎলক্লিবা স্তার্তঅপ ইকোসিস্তেম অসিনা ওইরি। মহাক্না হায়খি ভারত অসি হৌজিক্তি খুদোংচাবা কয়াগী লম অমা ওইনা উনরক্লে, ভারতকী মরাং কায়রবা হ্যুমেন রিসোর্চশিং অমসুং লেপ্তনা অরোনবা লৈতবা সরকারগী থৌওংশিং অসিনা মরম ওইদুনা মালেমগী ইনভেস্তর খুদিংমক্না ভারত্তা হেন্না মীৎয়েং থম্লক্লি। মহৈরোইশিংবু মতম পুম্বদা ইরৈবাক হান্না থম্নবা অমসুং মসিগী তৌবা ঙম্বশিংদা চাওথোকচনবগীদমক্তা মহাক্না হায়খি।

শ্রীমতি অনুসুইয়া উইকে, মনিপুরগী গোভর্নর, শ্রী এন. বিরেন সিংহ, মনিপুরগী চিফ মিনিস্তর, দা. রাজকুমার রঞ্জন সিংহ, কেন্দ্রগী মপাল থৌরম অমসুং এজুকেসন পুবা রাজ্যগী মন্ত্রী, শ্রী তি.ঐচ. বসন্ত সিংহ, মনিপুরগী এজুকেসন মিনিস্তর, প্রোফেসর এন. লোকেন্দ্রা সিংহ, ভাইস-চান্সেলর, মনিপুর য়ুনিভার্সিতি অমসুং অতোপ্পা শক্নাইরবা মীওই কয়ানা থৌরমশিং অসিদা শরুক য়াখি।

মখাদা পীজরিবা অসি স্পীচকী মপুংফাবা ৱারোলশিং অদুনি-

https://pib.gov.in/PressReleasePage.aspx?PRID=1921721

***************