খুরুমজরি,

ওজাশিং, শক্নাইরবশিং অমসুং ঐগী নুংশিরবা মহৈরোয়শিং, অদোমগা উন্নবা ঐ মফম অসিদা লৈরে। মনিপুর হায়রিবা মমিং অসিনা রাজ্য অসিগী মশক তাকচরে। মনি হায়বদি ‘জ্বেল’ অমসুং পুর হায়বনা ‘লেন্দ’ হায়বনি।

মহৈরোয়শিং অমসুং অৱাং-নোংপোক্কা মরী লৈনবা ৱাফমশিংদা ঐ ফোঙদোকচগনি। অহানবদা অৱাং-নোংপোক্কী ওইনা, ইকায়খুম্নরবা চীফ মিনিস্তরনা হায়খ্রে মদুদি ১৯৯১দা ভারত সরকারনা থৌশিল অমা শেমখি অমসুং থৌশিল অদু লুক ইস্ত পোলিসিনি।

অৱাং-নোংপোক চাউখৎহন্নবা প্রধান মন্ত্রী নরেন্দ্র মোদীগী পান্দম অসিনা ‘লুক ইস্ত, এক্ত ইস্ত’কী অনৌবা মশক অমা তাক্লে। হৌজিক ‘লুক ইস্ত, এক্ত ইস্ত’ অসি লৈবাক অসি খক্তগী ওইদ্রে। ইকায়খুম্নরবা চীফ মিনিস্তরনা হায়খিবগুম থৌশিল অসি লৈবাক অসিগী ৱাংমদা য়ৌখ্রে।

ঐনা কম্বোদিয়াদা চৎপা মতমদা অসিয়ান মীফমদা পোলিসি অসিগী মতাংদা খন্নরকপা মতমদ অদু ঐঙোন্দা থৌশিল অসিগী মরমদা পুক্নিংদা ফাওখি।

য়াম্না মরুওইবা মফমদা মনিপুর লৈরি। রাজ্য অসিগী মীশিং য়ামদ্রবশু, রাজ্য অসি ইনাকখুল্লি অমসুং রাজ্য অসি ইনাকখুনবগী মমি রাজ্য অসিগী নাৎতা মমি তারি। অৱাং-নোংপোক য়াম্না য়াংনা হোংলক্লি। রেল লম্বীদা য়েংসি, নোংথক্কী লম্বীদা অৱাং-নোংপোক্কী এয়রপোর্ত ৯ লৈরম্বদগী হৌজিক এয়রপোর্ত ১৭ লৈরে। লমদম অসিগী এয়রপোর্তকী ওইনা, লৈবাক মনুং অমসুং মালেমগী ওইনা শম্নবা য়াবগী খুদোংচাবা লৈরে।

চহি অসিগী অরোইবা শরুক্তা, লৈবাক অসিগী শরুক অমা ওইরিবা রাজ্য অসি চাদা ১০০ দিজিতাইজ তৌরগনি। মনিপুরদা হিদাক কান্নবা পাম্বী কয়া ফংলি অমসুং মসি উদোগ চাউখৎনবা হিরমদা শীজিন্নবা য়াগনি।

মালেমগী মফম অমদা চৎপা মতমদা, অৱাং-নোংপোক্তা উরিবা অসি অদোম্না উবা ফংলোই। রাজ্য অসিগী মখল কয়া, নাৎ, কলা, জগোয় কয়া লৈরি অদুগা মনিপুর অসি পোলোগী হৌরকফম্নি হায়বসি কৈদৌঙৈদা কাউরোইদবনি। মালেম শীনবা থুংনা মীওই কয়া শম্নহল্লিবা পোলো অসি মনিপুরদগী হৌখিবনি।

অৱাং-নোংপোক্কী নহারোলশিংগী শক্তি, শান্ন-খোৎনবগী লমদা লৈরিবা শক্তি অসিনা লমদম অসি মশক তাক্লি। হিরম অসিদা লমদম অসি মাইপাক্লবা মীওই কয়াগী হৌরকফম্নি। লমদম অসিগী মীয়ামগী মীয়োক-মীচান ফবা অসিনা ঐঙোন্দা অপেনবা অমা ফাওহল্লে।

অৱাং-নোংপোক অসি অনৌবা মফম অমা ওইরগনি। লমদম অসি হান্নদগী তুরিজমগী মফম অমা ওইদুনা লাক্লি। লাইরিক-লাইশু, অনা-লায়য়েং, লম্বী-থোং অমসুং রেল ইনফ্রাস্ত্রকচরগী লমদা লৈবাক অসিদা পায়খৎলিবা খুদিংমক লমদম অসিদা পায়খৎলি।

মসিগী ফল অমা ওইনা, ঐখোয় মালেমগী ওইনা মিংচৎ অমা লৈরে, মমাঙদা অমুক্তা ওইখিদ্রবা ফিবমদা ভারত চাউখৎলক্লি, চাউখৎলক্লিবা অসি থিংবা ঙম্বা নত্তে, মসি ঐগী মাঙদা লৈরিবা নহারোলশিংনা ওইহনবনি।

ঐখোয় নিংতম্বা চহি ৭৫ মপুংফারকপগী অমৃত কালগী মতমদা ঐখোয় হিংলি অদুবু অদুবু ঐখোয়গী মীৎয়েং ২০৪৭দা থম্লি। ভারতনা নিংতম্বা চহি ১০০ শুরকপগী থৌরম পাংথোক্কনি। মতম অদুদা অদোম লৈখিগনি, অদোম্না চাউখৎপগী থৌদাং লৌগনি। ২০৪৭দা ভারত মালেমদা খ্বাইদগী ৱাংবা থাক্তা পুখৎনবা অদোম্না লান্মী ওইগনি। মরমদি হৌজিক অৱাংবা থাক্কী লাইরিক-লাইশু তম্নবা ফংলিবা খুদোংচাবশিং অসিনা মখোয়না পাম্বা ইন্তরপ্রাইজ অমা হেক্তা হৌনবা লৌশিং ফংগনি, মসিনা পামদবা খুদিংমক কোকহনগনি।

মরম অদুনা ঐনা মহৈরোয়শিংদা হায়জরি মদুদি, মঙলান অমা শাগৎলু অদুগা মঙলান অদু শুপ্নগী মঙ অমা খক ওইহনগনু। অদোমগী মঙ অদু মহৈ য়ানহলগদবনি।

কৈদৌঙৈদা অকিবা পোক্কনু। অকিবা হায়বসি খ্বাইদগী চাউবা মীহাৎপনি, কৈদৌঙৈদা পাখৎকনু, কৈদৌঙৈদা লাংতক্নগনু, অতোপ্পশিংনা ফংনবা হোৎনরিবা অমা ফংদবগী লাংতক্নবা লৈগনু। নহাক নশাগী থবকশিংদা থাজবা থম্মু। মালেমগী ওইনা লৈবাক অসিগী মিংচৎ হেনগৎলক্লি। মরম অদুনা, মালেম পুম্নমক অসিনা নহাক্কী থবকশিং অদুগী থোং লাউনা হাংদুনা থম্লি।

নহাক্কী য়ুনিভর্সিতি চাউথোকচবা পোকহল্লু, নহাক্কী ওজাশিং চাউথোকচবা পোকহল্লু, নহাক্কী রাজ্য চাউথোকচবা পোকহল্লু, নহাক্কী লৈবাক চাউথোকচবা পোকহল্লু, লৈবাক্কী থবক্না অহানবা হায়বা ৱাখল্লোন অদু লৈহল্লু, খুদিংমক্কী মথক্তা লৈবাক লৈরি, ঐখোয়গী ইরৈবাক নুংশিবা অসি শন্তাইনবা য়ারোই।

চাউথোকচবা পোকপা ভারতমচাশিং ওইনবা ঐখোয় তমগদবনি অমসুং ঐখোয়গী মাইপাকপশিংদা চাউথোকচগদবনি। লাইরিক-লাইশু তম্বা অসি হেন্না শক্তি লৈহন্নবা, লাইরিক

করিগুম্বা নহাক্না তেক্নোলোজিগী চাউখৎপশিং থিরবদি নহাক্কী হৈশিংবা অমসুং অফবা কয়া নহাক্না উৎপা য়াগদবা মফম কয়া উবা ফংগনি অমসুং নহাক্না খল্লিবা হিরম অমদা নহাক পুক্নিং চংগদবনি। নহাক্কী পুক্নিংদা অনৌবা ৱাখল্লোন লৈরিবদি শেনগী অৱাৎপা অমতা লৈতে।

মুদ্রা স্কিমগী মখাদা য়াম্লবা শেনফমশিং লোন ওইনা পীরি। মীচম মীয়াম, নুপী অমসুং নুপা অপীকপা থবক অমগী লোন লৌবা ঐখোয়না উরে অমসুং মসিনা মখোয় থবক ফংবা খক নত্তনা অতোপ্পশিং ফাওবা থবক পীরে। মসি অচৌবা খুদোংচাবা অমনি। লৌমীশিং য়াইফনবা ভারত সরকারগী অচৌবা স্কিমশিংনা লৌমীশিংদা পীরিবা শেনফম অসি অপীকপা নত্তে। ভারতকী লৌমীশিংদা লুপা করোর  লাখ ২.২৫ পীখ্রে।

এয়রপোর্ততা ঐনা চীফ মিনিস্তরগা থেংনবদা নহাক কোনর কিক নত্ত্রগা পেনালতি কিক্তা থাজবা থমদবা অদুবু গোল চনবদা থাজবা ফুতবোল শান্নরোয় অমনি হায়না ঐনা হায়খি অমসুং মহাক ফুতবোল শান্নরোই অমনি হায়বদা ঐ চিংনবা লৈতে অমসুং তিমগী লুচিংবা অমা ওইবগী মরুওইবা অদু মহাক খঙই অমসুং মহাক লুচিংবা অমনি।

মহাক নত্তবা অতোপ্পা অমনা গোল চনবগী খুদোংচাবা অমা লৈবা মতমদা, মহাক্না পাস পীগনি অমসুং মদুনা গোল চনবা ঙমগনি। ঐগী অহানবা খোঙচৎনি অদুবু মসিনা অহৌবনি অরোইবা নত্তে। মফম অসিদা ঐ মখা তানা লাক্কনি। ঐ মফম অসিগী নুংঙাইবা ফংনবা অহিং অমা লেক্কনি।

মীয়াম্না তরাম্না ওকপা অদু ঐঙোন্দা ফাওই। লম্বীগী নাক-য়েৎশিংদা নুপীমচাশিং অমসুং নুপামচাশিং উবা মতমদা, ঐ মখোয় খরগা মীৎচান্নখি অমসুং মখোয়গী মীৎশিংদা অরংবা অমা ঐনা উবা ফংখি। রাজ্য অসিগী হরাওবগী চাং অসি য়াম্না ৱাংই হায়বা খঙবদা ঐ চিংনবা লৈতে।

ঐ অমসুং ঐগী লোয়নবী মফম অসিদা লাকপা অসি খুদোংচাবা অমনি। মনিপুরগী নহা ওইরিবা মহৈরোয়শিং সংসদ হাওসতা তরাম্না ঐন ওক্কনি। মসিনা চীফ মিনিস্তর অমসুং মীওই খুদিংমক্না তরাম্না ওকখিবগী লমন শিংনবগী খুদোংচাবা অমা পীগনি। অৱাং-নোংপোক্কী নহারোলশিং লৈবাক অসিগী মফম কয়াদা চৎনবা ঐনা পুক্নিং থৌগৎলি অমসুং লৈবাক্কী অতোপ্পা মফমশিংগী মীওইশিংদু কৌগদবনি। মসিগী থবক অসিগীদমক চীফ মিনিস্তরনা থবক ওইনা পাংথোক্কনি হায়না ঐনা থাজৈ।

অমুক হন্না ঐনা অদোম থাগৎচরি অমসুং ঈশ্বরনা থৌজানবীবা ওইরসনু। পুৱারি শেমদ্রিঙৈদা কয়ারক মাইথিবা ফংখ্রবা মীওইশিংনা পুৱারি শেমখিবনি। নহাক্না পুৱারি শেমগনি অমসুং মদু পাঙথোকপা ঙম্নবা নহাক্কী থৌনা লৈ।

অদোম থাগৎচরি।

*****

(Release ID: 1923518) Visitor Counter : 112