سماجی انصاف اور تفویض اختیارات کی وزارت
گوہاٹی میں 11 سے 17 مئی 2023 تک معذور افراد کو بااختیار بنانے کے محکمہ (دیویانگجن) کے ذریعہ دیویا کلا میلہ منعقد کیا جا رہا ہے
دیویا کلا میلہ 2023-24 کے دوران مزید 12 شہروں میں منعقد کیا جائے گا
Posted On:
10 MAY 2023 6:06PM by PIB Delhi
معذور افراد کو بااختیار بنانے کا محکمہ (دیویانگجن) ملک بھر کے دیویانگ کاروباریوں/ کاریگروں کی مصنوعات اور دستکاری کی نمائش کے لیے ایک منفرد تقریب منعقد کر رہا ہے، 'دیویا کلا میلہ' ۔ 11 سے 17 مئی، 2023 کو منیرام دیوان تجارتی مرکز ، گوہاٹی، آسام میں یہ میلہ منعقد کیا جائے گا۔ یہ تقریب ناظرین کے لیے ایک دلکش تجربہ پیش کرے گی کیونکہ جموں و کشمیر، شمال مشرقی ریاستوں سمیت ملک کے مختلف حصوں سے متحرک مصنوعات، دستکاری، ہینڈ لوم، کڑھائی کے کام اور پیکڈ فوڈ وغیرہ کو ایک ساتھ دیکھایا جائے گا۔
یہ پی ڈبلیو ڈی/ دیویانگجن کو معاشی طور پر بااختیار بنانے کی سمت ڈ ی ای پی ڈبلیو ڈی کی ایک منفرد پہل ہے۔ دیویا کالا میلہ دیویانگ (پی ڈبلیو ڈی) کی مصنوعات اور مہارتوں کی مارکیٹنگ اور نمائش کے لیے ایک بڑا پلیٹ فارم پیش کرتا ہے۔ دیویا کلا میلہ، گوہاٹی دسمبر 2022 سے شروع ہونے والی سیریز کا چوتھا میلہ ہے [(i) دہلی، دسمبر 2022، (ii) ممبئی، فروری 2023، (iii) بھوپال، مارچ 2023]۔
تقریباً 22 ریاستوں/ مرکز کے زیر انتظام علاقوں سے تقریباً 100 دیویانگ کاریگر/ فنکار اور صنعت کار اپنی مصنوعات اور ہنر کی نمائش کریں گے۔ مندرجہ ذیل وسیع زمرے میں مصنوعات ہوں گی: گھر کی سجاوٹ اور طرز زندگی، کپڑے، اسٹیشنری اور ماحول دوست مصنوعات، پیک شدہ خوراک اور نامیاتی مصنوعات، کھلونے اور تحفے، ذاتی لوازمات - زیورات، اور کلچ بیگ۔ یہ سب کے لیے 'ووکل فورم لوکل' کا ایک موقع ہوگا اور دیویانگ کاریگروں کی طرف سے اپنے اضافی عزم کے ساتھ تیار کردہ مصنوعات دیکھی/ خریدی جاسکتی ہیں۔
7 روزہ 'دیویا کلا میلہ'، گوہاٹی صبح 10.00 بجے سے رات 10.00 بجے تک کھلا رہے گا اور اس میں ثقافتی سرگرمیوں کی ایک سیریز کا مشاہدہ کیا جا سکے گا، بشمول دیویانگ فنکاروں اور معروف پیشہ ور افراد کی پرفارمنس۔ تقریب میں زائرین ملک کے مختلف علاقوں سے اپنے پسندیدہ کھانوں سے بھی لطف اندوز ہو سکتے ہیں۔
ایونٹ کا افتتاح 11 مئی کو شام 5.00 بجے مرکزی وزیر برائے سماجی انصاف اور تفویض اختیارات، حکومت ہند، ڈاکٹر وریندر کمار کے ذریعے ہونا ہے۔ اس موقع پر سماجی انصاف اور تفویض اختیارات کی ریاستی وزیر محترمہ پرتیما بھومک بھی شرکت کریں گی۔
محکمہ کے پاس اس تصور کو فروغ دینے کے شاندار منصوبے ہیں، جس کے ایک حصے کے طور پر ملک بھر میں ’دیویا کلا میلہ‘ کا انعقاد کیا جائے گا۔ 2023-2024 کے دوران یہ تقریب گوہاٹی سے شروع ہونے والے 12 شہروں میں منعقد کی جائے گی۔
**********
ش ح۔ ش ت۔ج
Uno-5001
(Release ID: 1923255)
Visitor Counter : 108