ਭਾਰਤ ਦੇ ਉਪ ਰਾਸ਼ਟਰਪਤੀ, ਸ਼੍ਰੀ ਜਗਦੀਪ ਧਨਖੜ ਨੇ ਬੁੱਧ ਪੂਰਣਿਮਾ ਦੇ ਮੌਕੇ 'ਤੇ ਲੋਕਾਂ ਨੂੰ ਵਧਾਈਆਂ ਦਿੱਤੀਆਂ ਹਨ।

  ਉਪ ਰਾਸ਼ਟਰਪਤੀ ਦੇ ਸੰਦੇਸ਼ ਦਾ ਮੂਲ ਪਾਠ ਹੇਠਾਂ ਦਿੱਤਾ ਗਿਆ ਹੈ:

  "ਮੈਂ ਬੁੱਧ ਪੂਰਣਿਮਾ ਦੇ ਸ਼ੁਭ ਅਵਸਰ 'ਤੇ ਸਾਰਿਆਂ ਨੂੰ ਹਾਰਦਿਕ ਸ਼ੁਭਕਾਮਨਾਵਾਂ ਅਤੇ ਵਧਾਈਆਂ ਦਿੰਦਾ ਹਾਂ।

ਬੁੱਧ ਪੂਰਣਿਮਾ ਗੌਤਮ ਬੁੱਧ ਦੀਆਂ ਡੂੰਘੀਆਂ ਸਿੱਖਿਆਵਾਂ 'ਤੇ ਪ੍ਰਤਿਬਿੰਬਤ ਕਰਨ ਦਾ ਦਿਨ ਹੈ, ਜਿਨ੍ਹਾਂ ਨੇ ਆਪਣਾ ਜੀਵਨ ਮਾਨਵਤਾ ਨੂੰ ਸੋਚ ਅਤੇ ਕਰਮ ਵਿੱਚ ਸ੍ਰੇਸ਼ਠਾ ਵੱਲ ਸੇਧ ਦੇਣ ਲਈ ਸਮਰਪਿਤ ਕੀਤਾ ਸੀ। ਉਨ੍ਹਾਂ ਦਾ ਅਹਿੰਸਾ, ਸਹਿਣਸ਼ੀਲਤਾ ਅਤੇ ਸ਼ਾਂਤੀ ਦਾ ਸੰਦੇਸ਼ ਸਦੀਆਂ ਤੋਂ ਗੂੰਜਦਾ ਰਿਹਾ ਹੈ, ਅਤੇ ਸਾਨੂੰ ਸਭ ਤੋਂ ਵੱਧ, ਹਮਦਰਦੀ ਅਤੇ ਸਦਭਾਵਨਾ ਦੁਆਰਾ ਸੇਧਿਤ ਸਮਾਜ ਬਣਾਉਣ ਲਈ ਪ੍ਰੇਰਿਤ ਕਰਦਾ ਰਿਹਾ ਹੈ।

ਇਸ ਸ਼ੁਭ ਅਵਸਰ 'ਤੇ, ਆਓ ਅਸੀਂ ਆਪਣੇ ਆਪ ਨੂੰ ਭਗਵਾਨ ਬੁੱਧ ਦੇ ਧੰਮ ਦੇ ਸਿਧਾਂਤਾਂ ਪ੍ਰਤੀ ਮੁੜ ਤੋਂ ਸਮਰਪਿਤ ਕਰੀਏ, ਅਤੇ ਸਾਰੇ ਜੀਵਾਂ ਪ੍ਰਤੀ ਦਇਆ ਅਤੇ ਦਿਆਲਤਾ ਦੇ ਗੁਣਾਂ ਨੂੰ ਗ੍ਰਹਿਣ ਕਰਨ ਦੀ ਕੋਸ਼ਿਸ਼ ਕਰੀਏ।”

  ********

ਐੱਮਐੱਸ/ਆਰਕੇ/ਆਰਸੀ