گزشتہ مالی سال میں ریکارڈ ہینڈلنگ کارکردگی کے ایک ماہ بعد، ہندوستان کی سب سے بڑی کنٹینر بندرگاہ، جواہر لال نہرو پورٹ اتھارٹی (جے این پی اے) نے ایک اور سنگ میل حاصل کیا ہے۔ اس نے اب کنٹینر کارگو ہینڈلنگ میں عالمی معیار قائم کر لیا ہے۔ لاجسٹک پرفارمنس انڈیکس (ایل پی آئی) رپورٹ، 2023 کے مطابق، جو عالمی بینک کے ذریعہ شائع کیا گیا ہے، جے این پی ایس کے پاس صرف 22 گھنٹے (0.9 دن کے برابر) کا موثر ہینڈلنگ ٹائم (ٹی اے ٹی) ہے، جس سے ہندوستان کو سرفہرست کارکردگی دکھانے والے ممالک میں شامل کیا گیا ہے۔

رہائش کے وقت کو کم کرنے کے لیے کیے گئے مختلف اقدامات کی وجہ سے جے این پی اے یہ کارنامہ کرنے میں کامیاب رہا۔ سب سے اہم بات یہ ہے کہ ٹرمینل آپریٹرز کی آپریشنل کارکردگی بہتر لینڈ سائیڈ ریل اور روڈ کنیکٹیویٹی، سنٹرلائزڈ پارکنگ پلازہ (سی پی پی) کا تعارف، کام کی ڈیجیٹلائزیشن کے ساتھ ساتھ سب سے بڑا معاون رہا ہے۔ جہازوں کی برتھنگ اور انبرتھنگ کو ہموار کرنا؛ جہاز کی ہموار منتقلی کے لیے مزید ٹگ لگانا وغیرہ کچھ دوسرے اقدامات ہیں جو جے این پی اے نے بندرگاہ کے موثر کام کو آسان بنانے کے لیے کیے ہیں۔

جے این پی اے کے صدر جناب سنجے سیٹھی نے کہا، “یہ جے این پی اے میں ہم سب کے لیے خوش کن خبر ہے۔ پچھلے مہینے ہی، ہم نے 2022-23 میں 6.05 ملینٹی ای یو کی ریکارڈ ہینڈلنگ حاصل کی۔ ورلڈ بینک کا ڈیٹا اس بات کا اعادہ کرتا ہے کہ ایل پی آئی 2023 کی رپورٹ کے مطابق ہماری صلاحیتوںکا پیمانہ بہت سے ممالک سے بہتر ہے اور ہم بطور ٹیم لاجسٹک لاگت اور ایکزم تجارتی وقت کو مزید کم کرنے کے لیے پرعزم ہیں۔

جے این پی اے کے صدر اور جے این پی اے کے نائب صدر نے اس شاندار کامیابی پر ٹیم کو مبارکباد دی۔

ش ح۔ ش ت۔ج

Uno-4819