'సహకారం' అనే అంశంపై షాంఘై సహకార సంస్థ సభ్య దేశాల మధ్య  కేంద్ర రసాయన, ఎరువుల శాఖకి చెందిన ఫార్మాస్యూటికల్స్ విభాగం వర్చువల్ విధానంలో సమావేశం నిర్వహించింది. 2023 మే 2న కేంద్ర ఆరోగ్యం, కుటుంబ సంక్షేమం,విదేశీ వ్యవహారాల మంత్రిత్వ శాఖల సహకారంతో సమావేశం జరిగింది. 

 ఫార్మాస్యూటికల్స్ విభాగం సీనియర్ ఆర్థిక సలహాదారు శ్రీ అవధేష్ కుమార్ చౌదరి అధ్యక్షతన జరిగిన సమావేశంలో అనేక మంది నిపుణులు పాల్గొని ప్రసంగించారు.  ఈ క్రింది అంశాలపై నిపుణులు ప్రసంగించి, ప్రదర్శనలు ఇచ్చారు. 

* “నిర్లక్ష్యం చేయబడిన వ్యాధులు మరియు ఉష్ణమండల వ్యాధులు మరియు అరుదైన వ్యాధులకు సంబంధించిన చికిత్సా విధానాలు మెరుగుపరచడం, వారసత్వంగా వచ్చే అరుదైన వ్యాధుల నివారణకు నూతన  కొత్త చికిత్సా విధానాలపై పరిశోధన' అనే అంశంపై కోల్‌కతాలోని నేషనల్ ఇన్‌స్టిట్యూట్ ఆఫ్ ఫార్మాస్యూటికల్ ఎడ్యుకేషన్ అండ్ రీసెర్చ్ డైరెక్టర్ ప్రొఫెసర్ వి. రవిచంద్రన్ , ఇండియన్ ఫార్మాస్యూటికల్ అలయన్స్ సీనియర్ టెక్నికల్ అడ్వైజర్ డాక్టర్ శ్రీధర్ నారాయణన్ ప్రసంగించారు. 

*   “అంటువ్యాధుల కోసం కొత్త పరీక్షా విధానాలు  అభివృద్ధి చేయడం, ధృవీకరించడం” అనే అంశంపై

 ఇండియన్ కౌన్సిల్ ఆఫ్ మెడికల్ రీసెర్చ్ ఎపిడెమియాలజీ అండ్ కమ్యూనికేబల్ డిసీజెస్ (ECD) విభాగం  సైంటిస్ట్-ఎఫ్  హెడ్  డాక్టర్ నివేదిత గుప్త మాట్లాడారు. 

* ' నూతన  పరీక్షా విధానాలు, చికిత్సా విధానాల అభివృద్ధి, ధృవీకరణ" అనే అంశంపై  ప్రపంచ ఆరోగ్య సంస్థ కి చెందిన డాక్టర్ మనీషా శ్రీధర్,డాక్టర్ మధుర్ గుప్తా,  బయోటెక్నాలజీ విభాగానికి చెందిన   డాక్టర్ కలైవాణి గణేశన్ ప్రసంగించారు. 

* ఫౌండేషన్ ఫర్ ఇన్నోవేటివ్ న్యూ డయాగ్నోస్టిక్స్ (FIND)  చీఫ్ టెక్నాలజీ ఆఫీసర్  మార్తా ఫెర్నాండెజ్ సువారెజ్, అసోసియేషన్ ఆఫ్ డయాగ్నస్టిక్ మాన్యుఫ్యాక్చరర్స్ ఆఫ్ ఇండియా కు చెందిన శ్రీ భాస్కర్ మల్లాడి  “ప్రసవానికి ముందు, ప్రసవానంతర దశలలో వ్యాధులు అరుదైన మాలిక్యులర్ పరీక్షల  కోసం తక్కువ ఖర్చుతో కూడిన డయాగ్నస్టిక్ ప్యానెల్‌లు/కిట్‌ల అభివృద్ధి"  అనే అంశంపై ప్రసంగించారు. 

*   ఇండియా స్ట్రాటజీ డెవలప్‌మెంట్ గ్లోబల్ యాంటీబయాటిక్ రీసెర్చ్ అండ్ డెవలప్‌మెంట్ పార్ట్‌నర్‌షిప్స్ (GARDP) ముఖ్య సలహాదారు డాక్టర్ వై.కె. గుప్తా, . యాన్ ఫెర్రిస్ "గ్రీన్ టెక్నాలజీ, ఏపిఐ   సామర్థ్యం" అనే అంశంపై ప్రసంగించారు.

* “ప్రయోగశాల నుండి మార్కెట్‌కు సాంకేతికతలను పెంచడానికి పబ్లిక్-ప్రైవేట్ భాగస్వామ్యాలు” అనే అంశంపై  జనరల్ మేనేజర్  బయోటెక్నాలజీ ఇండస్ట్రీ రీసెర్చ్ అసిస్టెన్స్ జనరల్ మేనేజర్ డాక్టర్ పి.కె.ఎస్. శర్మ మాట్లాడారు. 

సమావేశంలో భాగంగా నిపుణులు చేసిన ప్రసంగాలు, అందించిన ప్రదర్శనల పట్ల షాంఘై సహకార సంస్థ సభ్య దేశాల ప్రతినిధులు హర్షం వ్యక్తం చేశారు. తమ దేశాల్లో అమలు చేస్తున్న కార్యక్రమాల వివరాలు అందించిన ప్రతినిధులు భారతదేశంతో కలిసి పని చేయడానికి గల అవకాశాలను వివరించారు. కోవిడ్-19, ఆరోగ్య అత్యవసర పరిస్థితుల వల్ల ఎదురైన సమస్యలు గుర్తించిన సభ్య దేశాలు కలిసి పనిచేయడానికి ఆసక్తి కనబరుస్తున్నాయి. వ్యాక్సిన్‌,  పరీక్షా విధానాలు, చికిత్సా విధానాల రంగాల్లో దేశాల మధ్య సహకారం అవసరమని సభ్యులు అభిప్రాయపడ్డారు. వ్యాక్సిన్‌,  పరీక్షా విధానాలు, చికిత్సా విధానాల రంగాల్లో భారతదేశం ప్రముఖ ఉత్పత్తి కేంద్రంగా గుర్తింపు పొందింది. ప్రజారోగ్య అత్యవసర సమయాల్లో వివిధ దేశాలకు సహాయం అందించే విషయంలో భారతదేశం ముందంజలో ఉంది. భవిష్యత్తులో కూడా ఇదే విధానాన్ని కొనసాగించాలని భరతదేశం నిర్ణయించింది. 

భారతదేశంలో వివిధ ప్రభుత్వ విభాగాలు అమలు చేస్తున్న అత్యాధునిక విధానాల పట్ల సమావేశం ద్వారా షాంఘై సహకార సంస్థ సభ్య దేశాలు పూర్తి అవగాహన పొందాయి.వివిధ రంగాల్లో  భారతదేశం తో కలిసి పని చేయడానికి   షాంఘై సహకార సంస్థ సభ్య దేశాలు ఆసక్తి కనబరిచాయి. 

***