மத்திய அரசின் ரசாயனங்கள் மற்றும் உரங்கள் துறை அமைச்சகத்தின் கீழுள்ள மருந்துகள் துறை, ஷாங்காய் ஒத்துழைப்பு அமைப்பின் (SCO) உறுப்பு நாடுகளுடன் 2023 மே 2-ம் தேதியன்று "கூட்டுறவு" என்ற தலைப்பில் மெய்நிகர் மாநாட்டை நடத்தியது. மத்திய அரசின் சுகாதாரம் மற்றும் குடும்ப நல அமைச்சகம் மற்றும் வெளியுறவுத்துறை அமைச்சகத்தின் ஒருங்கிணைப்பில் இந்த மாநாடு நடத்தப்பட்டது.

மருந்துத் துறையின் மூத்த பொருளாதார ஆலோசகர் திரு.அவதேஷ் குமார் சவுத்ரி இந்த மாநாட்டுக்குத் தலைமை தாங்கினார். இந்த மாநாட்டின் போது பின்வரும் நிபுணர்கள் பல்வேறு தலைப்புகளின் கீழ் விரிவான விளக்கங்களை அளித்தனர்.

கொல்கத்தாவிலுள்ள தேசிய மருந்து கல்வி மற்றும் ஆராய்ச்சி நிறுவன பேராசிரியர் வி.ரவிச்சந்திரன், டாக்டர் ஸ்ரீதர் நாராயணன், ஐசிஎம்ஆரைச் சேர்ந்த விஞ்ஞானி டாக்டர் நிவேதிதா குப்தா, உலக சுகாதார நிறுவனத்தைச் சேர்ந்த டாக்டர் மனிஷா ஸ்ரீதர் மற்றும் டாக்டர் மதுர் குப்தா, உயிரி தொழில்நுட்பத்துறையைச் சேர்ந்த டாக்டர் கலைவாணி கணேசன் உள்ளிட்ட பல நிபுணர்கள் பல்வேறு தலைப்புகளின் கீழ் உரையாற்றினர்.

இந்த மாநாட்டில் கொடுக்கப்பட்ட விளக்கங்களை ஷாங்காய் ஒத்துழைப்பு கூட்டமைப்பைச் சேர்ந்த நாடுகள் பாராட்டின. மேலும் தங்களது நாடுகளில் மேற்கொள்ளப்பட்டப் பணிகள் குறித்தும், இதில் இந்தியாவுடன் இணைந்து செயல்படுவது  குறித்தும் விவாதித்தன. இந்திய அரசின் பல்வேறு துறைகளில் மேற்கொள்ளப்படும் அதிநவீன பணிகள் குறித்தும், ஷாங்காய் ஒத்துழைப்பு கூட்டமைப்பு நாடுகள் மற்றும் உறுப்பு நாடுகளுடன் இணைந்து எவ்வாறு செயல்படலாம் என்பது குறித்தும் ஆழமான புரிதலை இந்த மாநாடு வழங்கியது.

***

AD/CR/KPG