: মুম্বাই মে ২, ২০২৩

জি.-২০ দিজাস্তর রিস্ক রেদক্সন ৱার্কিং গ্রুপকী ২শুবা মীফম অদু মে ২৩দগী ২৫ ফাওবা মুম্বাইদা পাংথোক্লগনি। ঙসি, ব্রিহানমুম্বাই মুনিসিপাল কোর্পোরেশন কমিস্নর, ইকবাল সিং চাহলনা বি.এম.সি. অমসুং অতোপ্পা এজেন্সিশিংনা শিল-লাংদুনা থৌরাং তৌরিবশিং অদুবু বেংশিন্নবা মুম্বাই বি.এম.সি. হেদক্বার্তরদা মীফম অমা পাংথোকখ্রে।

দিজাস্তর মেনেজমেন্তকী লমদা হৌখিবা চহি খরা অসিদা মুম্বাইনা তৌখিবা থবক অদুবু লৈবাক্কী থাক্তদা নত্তনা মালেমগী থাক্তসু মশক কঙবীখ্রে। জি.-২০ কাউন্সিলগি দিজাস্তর রিস্ক রেদক্সন ৱার্কিং গ্রুপকী পাংথোক্কদবা মীফম অসি মালেমদা মসিগী মাইপাকপা আসিবু উৎথোক্নবগী খুদোংচাবা অমনি। মসি য়েংলগা, বি.এম.সি. কমিস্নরনা কোওর্দিনেশন নিংথিনা তৌদুনা অমসুং অপীবা মতমগী মনুংদা লেমহৌরিবা থবকশিং অদু লোইশিন্নবা বি.এম.সি. য়াওনা এজেন্সীশিং পুম্নমক্তা কঙহনখ্রে।

২শুবা জি.-২০ দিজাস্তর রিস্ক রেদক্সন ৱার্কিং গ্রুপকী  মীফম অদু ২০২৩গী মে ২৩দগী মুম্বাইদা হৌরগনি। মেম্বর ১২০ হেন্না মসিগী মীফম অসিদা শরুক য়ারগনি।  মসিগী মীফম অসিগা ইরোইননা, ৱার্কিং গ্রুপ অসিগী মীহুৎশিংনা বি.এম.সি. এদক্বার্তরশিংদসু চৎলগনি। মসিগী খোংচৎ অসিনা দিজাস্তর মেনেজমেন্ত দিপার্তমেন্তকী কন্ত্রোল রুমগী ইনস্পেক্সন তৌবা অমসুং হিস্তোরিক ওইরবা মুনিসিপাল বিল্দিংগী হেরিতেজ-ৱাক অমসু য়াওরগনি।  মসি য়েংলগা, বি.এম.সি. কমিস্নরনা বি.এম.সি. হেদক্বার্তর বিল্দিংশিংদা চত্থরিবা শেমজিন-সাজিনবগি থবকশিং অদু মতম চানা লোইশিনগদবনি হায়নসু পনখি। মহাক্না থবক পুম্নমক অতোপ্পা স্তেকহোল্দর এজেন্সীশিংগা নিংথিনা কোওর্দিনেশন পীনদুনা লোইশিনগদবনি হায়নসু খঙহনখি।

পুন্না জি.-২০ কাউন্সিলগী ৱার্কিং গ্রুপ মীফম অহুম মে থাদা মুম্বাইদা পাংথোক্কদৌরি। মসি য়েংলগা, বি.এম.সি. কমিস্নরনা হায়খি মদুদি জুরিসদিক্সন অসিগী মখাদা লৈবা মরি লৈনবা দিপার্তমেন্তশিংনা লম্বিশিং, সেনিতেশন, ফজহনবনাচিংবা থবকশিং অদু মতম চানা লোইশিনগদবনি অমসুং দিগ্নিতরিশিং অসিনা সহর অসিদা মমাংদা পাংথোকখিবা জি.-২০গী মীফমশিংদা থেংনখিবা এক্সপরিয়েন্সশিং অদুবুসু ৱাখল তৌরগা থবকশিং অসি পাংথোক্কদবনি হায়না হায়খি। মসিগী মতাং অসিদা শেম-শাদুনা থৌরাং তৌরিবশিং অসি মথংগী চয়োলদা হন্না য়েংশিল্লগনি হায়নসু মহাক্না মখা তাখি।

মহারাস্ত্র সরকারগী সিজাস্তর মেনেজমেন্ত অমসুং রিহেবিলিতেশন দিপার্তমেন্তকী প্রিন্সিপাল সেক্রেতরী, অসিম কুমার গুপ্তা; এদিস্নেল মুনিসিপাল কমিস্নর (ইস্তর্ন সবঅর্বস), অশ্বিনি ভিদে; এদিস্নেল মুনিসিপাল কমিস্নর (সিতী), আশিশ সর্মা; এদিস্নেল মুনিসিপাল কমিস্নর (প্রোজেক্তস), পি. ভেলরাসু; এদিস্নেল মুনিসিপাল কমিস্নর (ৱেস্তর্ন সবঅর্বস), দা. সঞ্জীব কুমার কেন্দ্র সরকারগী জি.-২০ কাউন্সিল দাইরেক্তর, মৃনালিনি স্রিৱাস্তৱ, প্রেস ইনফোর্মেশন ব্যুরোগী দাইরেক্তর জেনরেল (ৱেস্ত জোন), মোনিদীপা মুখর্জী, ব্রিহানমুম্বাই মুনিসিপাল কোর্পোরেশনগী জোইন্ত কমিস্নর (জেনরেল এদমিনিস্ত্রেশন), মিলিন সাৱন্ত, জোইন্ত কমিস্নর (মুনিসিপাল কমিস্নরগী ওফিস ), চন্দ্রশেখর ছোরে, দেপ্যুতী কমিস্নর (সার্কল ৪), ৱিশ্বাস শঙ্করৱার, দেপ্যুতী কমিস্নর (সার্কল ২), রামাকান্ত বিরাদর, দেপ্যুতী কমিস্নর (সার্কল ১), দা. সঙ্গীতা হাসনালে, কে. ইস্ত ৱার্দকী এসিস্তেন্ত কমিস্নর, মনিশ ৱালঞ্জু, দাইরেক্তর (দিজাস্তর মেনেজমেন্ত), মহেশ নর্ভেকর, চীফ ফায়র ওফিসর, সঞ্জয় মানজ্রেকর, চীফ সেক্যুরিতী ওফিসর, আজিত তাওদে, দেপ্যুতী কমিস্নর ওফ পুলিস (সেক্যুরিতী), মহেশ ছিমতে, মহারাস্ত্র সরকারগী এদিস্নেল সেক্রেতরী, মিলিন্দ হর্দাসনা অতোপ্পা এজেন্সীশিং কয়া অমগী মীহুৎশিংগা লোইন-লোইননা রিভ্যু মীতিং অসিদা শরুক য়াখি।

***