ভারতকী উপ রাস্ত্রপতি, শ্রী জগদীপ ধনকরনা ২০২৩গী মে ০৩দা নোংমগী তুরদা অসাম অমসুং মনিপুরদা চৎলগনি।

অসামদা উপ রাস্ত্রপতি

নুমিৎ য়ুংবা মমাংদা উপ রাস্ত্রপতিনা অসামগী দিব্রুগরদা চৎলগনি। মহাক্না দিব্রুগর য়ুনিভর্সিতীগী ২১শুবা কনভোকেশন সেরেমোনীদা অথোইবা মীথুংলেন ওইনা থৌরম অদুদা শরুক য়ারগনি অমসুং কনভোকেশন অদুদা ৱা ঙাংলগনি।

অসামগী গোবর্নর, শ্রী গুলাব চান্দ কতারিয়া, অসামগী মুখ্য মন্ত্রী, দা. হিমন্তা বিস্বা সর্মা, কেন্দ্রগী পেত্রোলিয়ম অমসুং নেচরেল গ্যাস অমসুং লেবর অমসুং এমপ্লোইমেন্তকী রাজ্য মন্ত্রী, রামেস্বর তেলি অমসুং অসাম সরকারগী এজুকেশন মন্ত্রী, দা. রানোজ পেগুসু  থৌরম অদুদা শরুক য়ারগনি।

মনিপুর উপ রাস্ত্রপতি

নুমিৎ য়ুংবা মতুংদা, উপ রাস্ত্রপতিনা মনিপুরগী ইম্ফালদা ধনমঞ্জুরি য়ুনিভর্সিতীদা চৎলগনি। মসিদা মহাক্না য়ুনিভর্সিতী অসিগী মহৈরোইশিং অমসুং ওজাশিংগা লোইননা ৱারি-ৱাতাই শানবগী থৌরম অমদা শরুক য়ারগনি। মসিগী সেসন অসিনা ইনখৎলক্লিবা ৱাখল লৈরবা নহাশিংগীদমক্তা ওইনা য়াম্না মমল লৈরবা খন্না-নৈনবা অমসুং ৱাখল্লোন কয়া অমবু তাথোক-তাশিন তৌনবগী য়াম্না তাংনা ফংবা খুদোংচাবা অমা পীরগনি।

তুর অসিগী অরোইবা খোংচত্তা, শ্রী ধিনকরনা ইম্ফালদা মনিপুর য়ুনিভর্সিতীদা চৎলগনি, মসিদা মহাক্না লৈবাক অসিগী মফম কয়াদগী সেন্ত্রেল ইনস্তিত্যুশন কয়া অমদগী ওজাশিং/সাইন্তিস্তশিংগা লোইননা ইন্তরেক্সন প্রোগ্রাম অমদা শরুক য়ারগনি।

মনিপুরগী গোবর্নর, সুকুমারি অনুসুয়া উইকে, মনিপুরগী মুখ্য মন্ত্রী, শ্রী এন. বিরেন সিংহ অমসুং কেন্দ্রগী এক্সতর্নেল এফিয়র্স অমসুং এজুকেশনগী রাজ্য মন্ত্রী, দা. রাজকুমার রঞ্জন সিংহনা থৌরম অনিমক্তা শরুক য়ারগনি। মনিপুর সরকারগী এজুকেশন মন্ত্রী, শ্রী তি.ঐচ. বসন্তা সিংহসু ধনমঞ্জুরি য়ুনিভর্সিতীদা পাংথোক্কদবা থৌরম অদুদা শরুক য়ারগনি।

*****