سڑک نقل وحمل اور شاہراہوں کے مرکزی وزیر جناب نتن گڈکری نے سلسلہ وار ٹویٹس میں مطلع کیا کہ فروری اور مارچ 2022 میں ہم نے این ایچ 965جی کے بارامتی-انڈا پور سیکشن پر واقع سنت توکارام مہاراج پالکھی مارگ، مہاراشٹر کے کنارےشجر کاری کا ایک پروجیکٹ کیاتھا۔ اس پروجیکٹ کے دوران، ہم نے برگد کے 1025 درختوں کی رائٹ آف وے (آر او ڈبلیو) کے کنارے کامیابی سے شجر کاری کی تھی۔ انہوں نے مزید کہا کہ فی الحال، لگائے گئے درختوں میں سے 870 (85فیصد) پیڑپورے طور پر سر سبزہیں۔

جناب گڈکری نے کہا کہ لگائے گئےدرخت پھل پھول رہے ہیں اور ہر روز پیڑوں کی مضبوط نمو کے ساتھ، مکمل صحت مند نشوونما کا مظاہرہ کر رہے ہیں۔ انہوں نے کہا کہ اس منصوبے سے نہ صرف ماحول کو محفوظ رکھنے میں مدد ملی ہے بلکہ اس نے سڑک پر سفر کرنے والوں کے لیے ایک خوشگوار بصری تجربہ بھی فراہم کیا ہے۔

*****

U.No.4744

(ش ح - اع - ر ا)