وزارت آیوش کے تحت مرارجی دیسائی نیشنل انسٹی ٹیوٹ آف یوگا کی طرف سے کل (2 مئی 2023) شری بھوانی نکیتن شکشا سمیتی، اسپورٹس گراؤنڈ، جے پور میں بین الاقوامییومِیوگا کی 50 دن کی الٹی گنتی کییاد میںیوگا مہوتسو منایا جائے گا۔ وزارت راجستھان کی ریاستی حکومت، مقامی حکام اور مختلف اداروں کے فعال تعاون اور معاونت کے ساتھ اس تقریب کا انعقاد کر رہی ہے جس کا مقصد یوگا کے ذریعے راجستھان میں طبی قدر کے سفر کو فروغ دینا ہے۔

راجستھان کے گورنر جناب کلراج مشرا، آیوش اور بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال، جل شکتی کے مرکزی وزیر جناب گجیندر سنگھ شیخاوت، پارلیمانی امور اور ثقافت کے مرکزی وزیر مملکت جناب ارجن رام میگھوال، مرکزی وزیر زراعت اور کسانوں کی بہبود کے وزیر مملکت جناب کیلاش چودھری، آیوش اور خواتین و اطفال کی ترقی کے مرکزی وزیر مملکت ڈاکٹر منجپارا مہندر بھائی کے ساتھ راجستھان کے ممبران پارلیمنٹ، آیوش کے سکریٹری ویدیا راجیش کوٹیچا، ڈاکٹر آئی وی بسواردی، ڈائریکٹر مرارجی دیسائی نیشنل انسٹی ٹیوٹ آف یوگا، نیشنل انسٹی ٹیوٹ آف آیوروید واقع جے پور کے وائس چانسلر پروفیسر سنجیو شرما اور آیوش کی وزارت کے دیگر سینئر افسران اور 50 سے زیادہ سرکردہ یوگا اداروں کے نمائندے اس یوگا مہوتسو میں حصہ لیں گے۔

کل کی تقریب کے مقام پر ایک پریس کانفرنس سے خطاب کرتے ہوئے جناب سربانند سونووال نے کہا کہ عزت مآب وزیر اعظم جناب نریندر مودی کی دور اندیش قیادت اور رہنمائی میںیوگا کا بین الاقوامی دن ایک معیاری تقریب بن گیا ہے جسے قومی عالمی سطح پر بڑھتے ہوئے جوش و خروش کے ساتھ منایا جاتا ہے۔ پہلے کی طرح، اس سال کا آئی ڈی آئی 2023 بھی بہت سی پہلی چیزوں کا مشاہدہ کرے گا جس میں آرکٹک اور انٹارکٹک خطے میں کامن یوگا پروٹوکول کا مظاہرہ  سب سے اہم ہے۔

راجستھان میں 50 دن کی الٹی گنتی کی تقریب منعقد کرنے کے فیصلے کی وضاحت کرتے ہوئے جناب سونووال نے کہا کہ سالانہ ہزاروں غیر ملکی سیاح راجستھان آتے ہیں اور یوگا اور یوگا کے علاج سیکھنے کے لیے کئییوگا اداروں کی خدمات لیتے ہیں۔

میں اس میں طبی قدر کے سفر اور روحانی تعطیلات میں ان یوگا اداروں کے لیے بے پناہ مواقع دیکھ رہا ہوں۔ مزیدیہ کہ حکومت ہند گاؤں کی سیاحت کو فروغ دے رہی ہے۔ راجستھان میں گاؤں کی سیاحت کے ساتھ  یوگا پوری طرح آہنگ ہے۔ مجھے یقین ہے کہ کل کا اجتماعی مظاہرہ راجستھان میںیوگا کے لیے جوش و جذبے کو بڑھانے میں مدد کرے گا۔

اس سال کے آئی وائی ڈے کے ایکشن پلان کے بارے میں تفصیلات بتاتے ہوئے وزیر موصوف  نے کہا کہ اس سال آیوش کی وزارت تمام سمندروں پر محیط پوری دنیا کی اہم بندرگاہوں پر کامن یوگا پروٹوکول  کے مظاہروں کے انعقاد کے امکان کی بھی تلاش کر رہی ہے۔ اس منفرد 'اوشین رنگ فاریوگا' پروگرام کے لیے وزارت خارجہ، بندرگاہوں، جہاز رانی اور آبی گزرگاہوں کی وزارت، وزارت دفاع اور ہندوستانی بحریہ کے ساتھ مشاورت مکمل ہو چکی ہے۔

انہوں نے مزید کہا کہ آئی ڈی وائی 2023 کی ایک اور خاص بات یہ ہوگی کہ ہم ہر ریاست میں آیوش گرام کے ذریعے دیہی آبادی کو جوڑنے کی کوشش کریں گے۔آیوش گرام دو سے تین گاؤں کا اجتماع ہوگا اور اس کی اوسط آبادی 3000 سے زیادہ ہوگی۔ شناخت شدہ دیہاتوں میںیوگا ٹرینرز مقرر کرکے خصوصی تربیت کے لیے پوری کوشش کی جائے گی تاکہ ہر آیوش گرام 21 جون 2023 کو سی وائی پی کا مظاہرہ کرنے کے لیے تیار ہو۔

کامن سروس سینٹرز  کے وسیع اور گہرے نیٹ ورک کو بھی اس سال ملک کے 2 لاکھ سے زیادہ دیہاتوں تک سی وائی پی تربیت کے لیے استعمال کیا جائے گا۔ علاوہ ازیں  دیہی برادریوں میںیوگا کے پیغام کو پھیلانے کے علاوہ آل انڈیا ریڈیو (اے آئی آر) کے وسیع نیٹ ورک کے ذریعے عوام تک پہنچانے کے لیے کامن ویلتھ ایجوکیشنل میڈیا سینٹر فار ایشیا (سیمکا) کے کمیونٹی ریڈیو نیٹ ورک کا استعمال کیا جائے گا۔

وزارت ملک بھر میں پھیلے تمام فعال صحت اور فلاح و بہبود کے مراکز  میں سی وائی پی  کا بھی منصوبہ بنا رہی ہے۔ پورے ملک میں آیوش صحت اور فلاح و بہبود کے مراکز  سمیت تمام صحت اور فلاح و بہبود کے مراکز میں سی وائی پی کو منظم کرنے پر توجہ مرکوز کی جائے گی۔ عملے کی تربیت کے لیے خصوصی انتظامات کیے جائیں گے۔ یہاںیہ بتانا ضروری ہے کہ ریاست راجستھان ان کئی ریاستوں میں شامل ہے جہاں آیوش سسٹم سے متعلق بنیادی ڈھانچہ اور مقامی کمیونٹیز میں اس کی قبولیت کو برسوں سے مضبوط کیا گیا ہے۔ راجستھان  ہندوستان میں علاج و معالجہ کیپہل کے لیے ایک اہم ریاست کے طور پر بھی ابھر رہا ہے۔

وزیر موصوف نے تمام ذمہ داران پر زور دیا کہ وہ کام کی جگہ پر یوگا کی مشق کریں اور اسے فروغ دیں۔ خاص طور پر 5 منٹ کے یوگا بریک اور یوگا آن چیئر پروٹوکول کا اہتمام کریں۔

آیوش کے مرکزی وزیر نے اس حقیقت پر بھی روشنی ڈالی کہ ایک بار پھر جی-20 مندوبین کی آئندہ شرکت دنیا بھر میںیوگا کی بڑھتی ہوئی قبولیت کا مظہر ہے۔ مندوبین فی الحال ہندوستان کے طول و عرض کا سفر کر رہے ہیں۔

راجستھان کی حکومت کے ساتھ پہلے سے شروع کی گئی مختلف اشتراکی سرگرمیوں کے بارے میں مزید وضاحت کرتے ہوئے جناب سونووال نے بتایا کہ آیوش کی وزارت موجودہ آیوش ڈسپنسریوں کو اپ گریڈ کرکے 2019 اے ایچ ڈبلیو سیش کے قیام کے لیے ریاستی حکومت کی مدد کر رہی ہے۔ تازہ ترین رپورٹ کے مطابق پہلے سے ہی مزید روپے کے فنڈز اے ایچ ڈبلیو سی کے لیے 61 کروڑ جاری کر دئیے گئے ہیں اور 919 اے ایچ ڈبلیو سیز سرگرم عمل ہیں۔ انہوں نے مزید بتایا کہ وزارت نے ریاستی حکومت کو تقریباً 230 کروڑ روپے جاری کیے ہیں۔ یہ رقم سال 2015-2014 سے 2023-22022 تک نیشنل آیوش مشن  کے تحت ریاستی سالانہ ایکشن پلانز  میں تجویز کردہ مختلف سرگرمیوں کے نفاذ کے لیے ہے۔

آیوش کے وزیر نے کہا کہ آج سکریٹری آیوش نے راجستھان کی ریاستی حکومت کے عہدیداروں کے ساتھ ایک میٹنگ کی صدارت کی اور آیوش سے متعلق مختلف امور پر تبادلہ خیال کیا ریاستی حکومت نے مختلف اقدامات کے لئے نیشنل آیوش مشن اسکیم کے ذریعہ تعاون کی درخواست کی ہے۔ انمیںیہ شامل ہیں:

*  دو نئے 50 بستروں والے انٹیگریٹڈ اسپتال کے لیے 10 کروڑ روپے، بھرت پور اور سوئیمادھوپور میں ایک ایک؛

*  ان کے 5 جاری انٹیگریٹڈ اسپتالوں کے لیے 13.69 کروڑ روپے ۔

*  ان کے پبلک ہیلتھ پروگرام  کے لیے 10.51 کروڑ روپے؛

* اور 59 ڈسپنسریوں کی اپ گریڈیشن کے لیے 14.75 کروڑ روپے کا تخمینہ ہے۔

آیوش کی وزارت اس تجویز کے ملنے پر فوری طور سے غور کرے گی اور اس کا جائزہ لے گی اور اسکیم کے رہنما خطوط کے مطابق مقررہ حد کی بنیاد پر یقینی طور پر زیادہ سے زیادہ مالی مدد کرے گی۔

***

ش ح۔ ع س۔ ک ا

(Release ID: 1921274) Visitor Counter : 143