গনতন্ত্র দিৱস,২০২৪দা লাউথোক্কদবা ২০২৪গী পদ্ম এৱার্দশিংগী ওনলাইন নোমিনেসনশিং/রিকমেন্দেসনশিং মে ১,২০২৩দা হাংদোক্লে। পদ্ম এৱার্দশিংগী নোমিনেসনশিং পীশিনবগী অরোইবা মতম সেপ্তেম্বর ১৫,২০২৩নি। পদ্ম এৱার্দশিংগী ওনলাইন নোমিনেসনশিং/রিকমেন্দেসনশিং রাস্ত্রিয়া পুরুস্কার পোর্তেল(https://awards.gov.in )দা লৌশিনগনি।

পদ্ম এৱার্দশিং হায়বদি পদ্ম বিভুষন, পদ্ম ভুষন অমসুং পদ্ম শ্রী অসি লৈবাক অসিগী মীচমদা পীবা খ্বাইদগী ৱাংবা মনাশিংনি। ১৯৫৪দা লিংখৎখিবা মনাশিং অসি চহি খুদিংগী গনতন্ত্র দিৱস নুমিত্তা লাউথোকই। তোঙান-তোঙানবা হিরমশিং হায়বদি কলা, সাহিত্য, লাইরিক-লাইশু, শান্নবা, মেদিসিন, মীয়ামগী থবক তৌবা, সাইন্স অমসুং ইঞ্জিনিয়ারিং, পব্লিক এফেয়ার্স, সিবিল সর্বিস, ললোন-ইতিক অমসুং উদোগকী লমদা শিংথানিঙাই ওইবা অমসুং মশক থোকপা থবক তৌবা মীওইশিং ইকায়খুম্নবা উৎপা ওইনা মনা অসি পীবনি। জাতি, শীনফম, থাক নত্ত্রা নুপা-নুপীগী খেন্নবা লৈতনা মীওই খুদিংমক হায়রিবা মনাশিং অসি ফংবা য়াই। দোক্তরশিং অমসুং ইঞ্জিনিয়ারশিং খক নত্তনা, পি.এস.য়ুশিং য়াওনা সরকারগী থবক তৌবা মীওইশিং পদ্ম এৱার্দশিং পীবা য়াদে।

সরকারনা পদ্ম এৱার্দশিং অসি “মীয়ামগী পদ্ম” ওন্থোক্লে। মরম অদুনা মীয়াম্না মশামক য়াওনা অতোপ্পা মীওইশিং নোমিনেসন/রিকমেন্দেসন তৌনবা হায়জরি। নুপীশিং, খুন্নাইগী শোৎথরবা কাংলুপশিং, এস.সিশিং অমসুং এস.তিশিং, দিবয়াং মীওইশিং অমসুং মশাগী ওইজবা থিদনা খুন্নাইগী থবক তৌরিবশিংগী মরক্তগী মনা ফংবা য়ারবা মতিক চারবা মীওইশিং মশক খঙদোক্নবা অকনবা থবকশিং পায়খৎপা য়াই। 

মথক্তা পীখিবা পোর্তেল অদুদা য়াওরিবা ফোর্মেত অদুদা য়াওরিবা অকুপ্পা মরোলশিং, সাইতেসন অমা(খ্বাইদগী য়াম্লবদা ৱাহৈ ৮০০ ফাওবা), মীওই অদুগী অখন্নবা মাইপাকপশিং/থবকশিং ময়েক শেংনা ফোঙদোকপা ৱারোলশিং নোমিনেসনশিং/রিকমেন্দেসনশিংদা য়াওহনগদবনি।

মনা অসিগী মতাংদা অকুপ্পা মরোলশিং হোম এফেয়ার্স মিনিস্ত্রিগী ৱেবসাইত(https://mha.gov.in)গী ‘এৱার্দস এন্দ মেদলস’ হেদিং মখাদা অমসুং  পদ্ম এৱার্দস পোর্তেল (https://padmaawards.gov.in )দা য়াওরে। হায়রিবা মনাশিং অসিগী নিয়মশিংগী অকুপ্পা মরোলশিং ৱেবসাইত লিঙ্ক https://padmaawards.gov.in/AboutAwards.aspx দা ফংলে।

*****