কল্চর মন্ত্রালয়
মন কী বাতকী তাঙ্কক ১০০শুরকপগী হরাওবা ফোঙদোকপা ওইনা হৌখিবা নুমিদাংৱাইরমদা মরুওইবা মফম ১৩দা কলচর মিনিস্ত্রিনা প্রোজেক্সন মেপ্পিং সোশিং পাংথোকখ্রে
নিউ দিল্লিগী লাল কিলা অমসুং প্রধান মন্ত্রী সংগ্রহলয়দা প্রোজেক্সন মেপ্পিং সোশিং পাংথোকখ্রে
Posted On:
30 APR 2023 2:16PM by PIB Imphal
প্রধান মন্ত্রী শ্রী নরেন্দ্র মোদীগী রেদিওগী থৌরম মন কী বাতকী তাঙ্কক ১০০শুরকপগী হরাওবা ফোঙদোকপা ওইনা হৌখিবা নুমিদাংৱাইরমদা ভারত শীনবা থুংনা মরুওইবা মফম ১৩দা কলচর মিনিস্ত্রিনা প্রোজেক্সন মেপ্পিং সোশিং পাংথোকখ্রে।
হায়রিবা সোশিং অদুদা ভারতকী মীচম মীয়ামগী পুক্নিং থৌগৎনিঙাই ওইবা ৱারিশিং, কলচরেল হেরিতেচ অমসুং লৈবাক অসিগী চাউখৎ-থৌরাং হরাও-তয়াম্বা ফোঙদোকখি।
২০১৪গী ওক্তোবর ৩দগী শন্দোকপা হৌখিবা মন কী বাতকী থৌরম অসি থা খুদিংগী অরোইবা নোংমাইজিং নুমিৎকী অয়ুক পুং ১১দগী ওল ইন্দিয়া রেদিও অমসুং দুরদর্সন্দা শন্দোক্লি। লৈবাক ঙাকপদা মীওই খুদিংমক কোনশিন্নবা অমসুং মীয়ামদা য়ুম্ফম ওইবা থৌরাং পায়খৎনবা প্রধান মন্ত্রীগী থাজবা অমসুং অপাম্বা অদু থৌরম অসিদা মমি তারি।
মিনিত ২০-২৫ শাংবা অখন্নবা সো অদু লৈবাক শেমগৎপা অমসুং মীয়ামগী য়াইফনবা থবকশিংদা য়ুম্ফম ওইবনি। সো পাংথোক্লিবা মফম অমমমগী হেরিতেচ অমসুং পুৱারিগী গুনশিং উৎখি। সো পাংথোকখিবা মফম ১৩ অদুদি নিউ দিল্লিগী লাল কিলা অমসুং প্রধান মন্ত্রী সংগ্রহলয়, মধ্য প্রদেসকী গ্বালিয়র ফোর্ত, ওরিসাগী সন তেম্পল, হায়দ্রবাদগী গোলকোন্দা ফোর্ত, তামিল নাদুগী ভেল্লর ফোর্ত, মুম্বাইগী গেত ৱে ইন্দিয়া, ঝারখন্দগী নভরত্নগরহ ফোর্ত, জম্মু অমসুং কাস্মিরগী উধম্পুরগী রামনগর ফোর্ত, অসামগী রঙ্গ ঘর, লখনৌগী রেসিদেন্সি বিল্দিং, গুজরাতগী মোদেরাগী সন তেম্পল অমসুং রাজস্থানগী চিত্তোগর ফোর্তনি।
প্রোজেক্সন মেপ্পিং সোশিং অদু মীয়ামদা লেম্না য়েংহনখি অমসুং নিংশিংদুনা লৈহৌরগদবা নুমিদাংৱাইরম অমা ওইহন্নবা সো মফমশিংদা তোঙান-তোঙানবা থৌরমশিং অমসুং একজিবিসনশিং পাংথোকখি। মীয়ামদা হান্নগী মন কী বাতকী তাঙ্ককশিং য়েংবা য়াহনখি অমসুং মখোয়গী ৱাখল্লোনশিং ফোঙদোক্নবা মেসেজ ৱাল অমা থমখি অমসুং ফোতোশিং নম্নবা অখন্নবা ফোতো বুথ অমা শেমখি। থৌরম অদু তশেংনা ভারতকী তোঙান-তোঙানবা শক্তমশিং, নাৎ অমসুং চাউখৎপা হরাও-তয়াম্বা ফোঙদোকপা কুহ্মৈ অমনি।
*****
(Release ID: 1920968)
Visitor Counter : 106