লৌউ-শিংউ অমসুং লৌমীশিংগী য়াইফ থৌরাংগী কেন্দ্র মন্ত্রী শ্রী নরেন্দ্র সিংহ তোমারনা কনফেদেরেসন ওফ ইন্দিয়ন ইন্দস্ত্রী (CII) অমসুং ত্রেক্তর অমসুং মেকানাইজেসন এসোসিএসন (TMA)না শীনবা সম্মিৎ ওন ফার্ম মেছিনরী তেক্নোলোজী হৌদোকখি। লৈবাক অসিগী অপুনবা লৌমীশিংগী চাদা 85তি অপীকপা লৌমীনি অমসুং মখোয়না তেক্নোলোজী অমসুং মেছিনরীগী কান্নবা ফংফম থোকই হায়না মহাক্না হায়খি। প্রধান মন্ত্রী শ্রী নরেন্দ্র মোদীগী লুচিং মখাদা সরকারনা হীরম অসিগী মতাংদা থবক তৌরি। সব মিসন ওন এগ্রিকলচরেল মেকানাইজেসন (SMAM)গী মখাদা ত্রেনিং, তেস্তিং, CHC, হাইতেক হব অমসুং ফার্ম মেছিনরী বেঙ্ক (FMB) লিংখৎপগুম্বা তোঙান-তোঙানবা থবকশিংগীদমক্তা 2014-15দগী 2022-23 ফাওবদা রাজ্যশিংগী মফমদা লুপা করোর 6120.85 থাদখ্রে। মসিগী মথক্তা, ত্রেক্তর, পাৱর তিল্লর অমসুং ওতোমেতেদ মেছিনরী য়াওনা রাজ্য সরকারগী খুত্থাংদা ফার্ম মেছিনরী অমসুং ইক্বিপমেন্ত লাক্ষ 15.24 অসি সবসিদাইজ মমলদা য়েন্থোকখ্রে।

থৌরম মপু ওইরিবা কেন্দ্র মন্ত্রী শ্রী তোমারনা ভারত সরকারনা সেন্ত্রেল ফার্ম মেছিনরী ত্রেনিং অমসুং তেস্তিং ইন্সতিত্যুত (CFMTTI)দা অনৌবা পথাপ হৌদোক্তুনা ত্রেক্তর তেস্ত তৌবগী মতমবু য়াম্লবদা নুমিৎ 75তা হন্থহনখ্রে হায়খি। মসিদা নত্তনা, কেন্দ্র সরকারনা FMTTIনা শকখঙলবা মখোয়গী তেস্ত সেন্তর মরিগী খুত্থাংদা মীওই লাক্ষ 1.64বু 2014-15দগী 2022-23 ফাওবদা ত্রেনিং তৌখি। লুপা করোর লাক্ষ অমগী এগ্রিকলচরেল ইনফ্রাস্ত্রকচর ফন্দ হৌদোকখিবা অদুসু মাইকৈদা অসিদা চঙশিনবা য়াম্না মরু ওইবা খোঙথাংনি, মসিগী মখাদা লুপা করোর 14,000গী প্রোজেক্তশিংগী অয়াবা পীখ্রে অমসুং মসিনা লৌমীশিংদা কান্নবা য়াম্না পীরি। কিসান দ্রোন খুমাং চাউশিনহল্লি। দ্রোন পোলিসী হৌদোকপগা লোয়ননা SC-ST কাঙলুপ, নুপী লৌমী য়াওনা তোঙান-তোঙানবা কাঙলুপশিংদা সবসিদী পীরি অমসুং দ্রোন শিজিন্নদুনা তিলহাৎ হিদাক কাপ্পগী অখন্নবা SOPসু পুথোকখ্রে।  

লৌউ-শিংউ হায়বসি ঐখোয়গী লৈবাক্কী খ্বাইদগী অহেনবা মিৎয়েং চঙবা হীরম্নি, খুদোংচাদবা ফিভম কয়া লাক্লবসু, ঐখোয়গী লৌউ-শিংউদা য়ুম্ফম ওইবা খুঙ্গংগী শেন্মিৎলোনগী চৎনবী অসিদি অনা অমত্তনা থুগাইবা ঙম্লোই হায়না শ্রী তোমারনা হায়খি। লৌউ-শিংউ পোত্থোক্কী মতাংদা ভারতনা মালেমদা ঙসি অহানবা নত্ত্রগা অনিশুবা থাক্তা লৈরি, মসিদি ঐখোয়গী লৌমীশিংগী হোৎনবা কনবা, সাইন্তিস্ত অমসুং ইন্দস্ত্রী অমসুং লৌউবশিংগীদমক্তা খনবা সরকারনা তেক্নোলোজীগা লোয়ননা তেংবাংবগী মহৈনি। ঐখোয়না ঐখোয়গী মায় পাকপশিংদা ঙাওদুনা লৈগদবা নত্তে, ইং 2050 ফাওবদা হেনগৎলক্কদৌরিবা ঐখোয়গী মীশিংগী তঙাই ফদবগী মতুং ইন্না ঐখোয়না থৌরাং য়াৎপা তারি অমসুং অহোংবা নাইবা রাজনিতীগী মতম অসিদা মালেমদা ভারতকী মরু ওইবা হেনগৎলক্লিবা অসি য়েংলুবা মতমদা, ঐখোয়না ঐখোয়গী অমসুং অতোপ্পা লৈবাক্কী তঙাই ফদবশিং থেংনবা ঙম্নবা মিৎয়েং চঙলি। মসিগী থবকশিং পাংথোকপা মতমদসু ঐখোয়না মরু ওইবা থৌদাং লৌবা তারি। ইং 2014গী মতুংদা লৈবাক অসিদা প্রধান মন্ত্রী শ্রী নরেন্দ্র মোদীগী লুচিং মখাদা থবক তৌবগী অনৌবা চৎনবী অমা লৈরক্লে। চহিশিং অসিদা লাকখিবা অহোংবশিংনা লৈবাক অমসুং মালেমগী মফমদা থাজবা হেনগৎহল্লে। করিগুম্বা সরকারগী ৱারেপ চেৎলবা অমসুং লুচিংবশিংগী অনিংবনা ফরবদি, মদুনা পায়খৎপা খোঙথাং খুদিংমক অফবা ওইগনি অমসুং মদুবু মীয়াম্না য়াবগী থৌওংসু হেনগৎলক্কনি। ঙসিদি, ভারতনা অমেরিকাম জাপান অমসুং জর্মনীদগী কেশেলে ত্রাঞ্জেক্সনগী হীরমদা য়াম্না হেন্না চৎলি।

ঐখোয়না প্রদক্সনগী লমদা কম্পিতিসন তৌনরকপা মতমদা, ঐখোয়না ইশাগী লৈবাক্কী মমাংগী চহিগী মশিংগা চাংদম্নবগী মহুত্তা মীরম লৈবাক্কী মশিংগা চাংদম্নদুনা ঐখোয়গী প্রদক্সন হেনগৎহনগদবনি হায়না কেন্দ্র মন্ত্রীনা হায়খি। লমগী পাক চাউবনা হন্থরবসু, ঐখোয়না হৱাই চেংৱাই পুথোকপগী চাংদি লেপ্তনা হেনগৎহনবা তাবনি। লৌউ-শিংউবগী সাইন্তিস্তশিংনা হীরম অসিদা য়াম্না মরু ওইবা থৌদাং য়ারি অমসুং মেছিন য়াওনা তেক্নোলোজীগী মরু ওইবসু হৌজিক্কী তাঞ্জা অসিদদি হেনগৎলক্লি। লেম্না লৈবা লমশিংবু লৌউবা য়াহনগদবনি অমসুং মতমগী মতুং ইন্না লাকপা দিমান্দগী মখা পোন্না, লৌউ-শিংউগী মাইকৈদা অনৌবা চারোন শুরোন কয়াগী পুক্নিংচিংশিনবগী তঙাই ফদবা লৈরক্লি। সরকার অসিনা প্রধান মন্ত্রী শ্রী নরেন্দ্র মোদীগী লুচিং মখাদা হীরম অসিদা থবক পায়খৎলি। ই-NAM মন্দীগী খুত্থাংদগী লৌমীশিংনা কৈথেলদা য়ৌবা ঙম্বগী চাং হেনগৎলে অমসুং লৌউ-শিংউগী সেক্তরদা লৈবা অহাঙবশিংসু মেনখৎলে অমসুং লুপা করোর লাক্ষ 1.5কী পেকেজ অমসু লৌউ-শিংউ অমসুং মরী লৈনবা সেক্তরগীদমক্তা খাক্তুনা থম্লবনি। মহাক্না লৌমী খুদিংনা ঈশিং নিংথীনা শিজিন্নগী মথক্তা মাইক্রো ইরিগেসনগী তেক্নোলোজী শিজিন্নগদবনি হায়না ফোংদোকখি।

শ্রী ভার্তেন্দু কপুর, শ্রী মুকুল ভার্শ্নী, শ্রী কৃষ্ণ কান্ত তিৱারি, শ্রী এন্থোনী চেরুকারা অমসুং অতোপ্পা ওফিস বিয়রর অমদি মেম্বর কয়ানা থৌরম অসিদা শরুক য়াখি। কনফরেন্স অসিদা ওরিজিনেল ইক্বিপমেন্ত মেন্যুফেকচরর, পোলিসী প্লান্নর, সপ্লাইয়র, প্রদক্ত দিভেলপমেন্ত অমসুং দিজাইন ফর্মশিং য়াওনা স্তেকহোলদর কয়াসু মসিদা শরুক য়াখি।

****