नवी दिल्‍ली, 27 एप्रिल 2023

संरक्षण मंत्री  राजनाथ सिंह यांनी 27 एप्रिल 2023 रोजी  नवी दिल्ली येथे चीनचे  स्टेट कौन्सिलर आणि  राष्ट्रीय संरक्षण मंत्री जनरल ली शांगफू यांची भेट घेतली. उभय  मंत्र्यांनी भारत-चीन सीमा  भागातील घडामोडी तसेच द्विपक्षीय संबंधांबाबत मोकळेपणाने  चर्चा केली.

भारत आणि चीन यांच्यातील संबंधांचा विकास हा सीमेवर शांतता आणि स्थैर्य  प्रस्थापित करण्यावर आधारित आहे, असे संरक्षणमंत्र्यांनी स्पष्टपणे सांगितले. प्रत्यक्ष ताबा  रेषेवरील  सर्व समस्या विद्यमान द्विपक्षीय करार आणि वचनबद्धतेनुसार सोडवणे आवश्यक आहे, असे ते म्हणाले. विद्यमान करारांच्या उल्लंघनामुळे द्विपक्षीय संबंधांचा संपूर्ण आधारच नष्ट झाला आहे असे सांगत सीमेवर तणावमुक्त स्थिती राहील यादृष्टीने, सीमेवरील सैन्य मागे ठेवण्याच्या  कार्यवाहीतून तणाव निवळण्यास मदत होईल,  याचा पुनरुच्चार संरक्षणमंत्र्यांनी केला.  

28 एप्रिल 2023 रोजी आयोजित शांघाय सहकार्य संघटनेतील (एससीओ ) देशांच्या संरक्षण मंत्र्यांच्या बैठकीला उपस्थित राहण्यासाठी चीनचे संरक्षण मंत्री दिल्लीत आले आहेत.

* * *

S.Kakade/S.Chavan/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai