মন কী বাতকী মতাঙদা নোংমগী ওইবা নেস্নেল কনক্লেব অমা ঙসি নই দিল্লীদা লৈবা বিজ্ঞান ভবন্দা ভারত শিনবা থুংবদা মীও করোর ১০০দা য়ৌবা ঙম্লিবা প্রধান মন্ত্রী শ্রী নরেন্দ্র মোদীগী থাগী ওইনা রেদিওদা শন্দোকপা ‘মন কী বাত’না লেপ্পা নাইদনা মায় পাক্লকপবু হরাও তয়াম্বা ফোঙদোকপা ওইনা পাঙথোকখ্রে‍। কনক্লেব অসি ভারতকী উপ-রাস্ত্রপতী, শ্রী জগদীপ ধনকরনা হৌদোকখি অমদি ইনফোর্মেসন অমসুং ব্রোদকাস্তিংগী কেন্দ্র মন্ত্রী, শ্রী অনুরাগ থাকুরনা ইকায়খুম্নরবা মীথুং ওইনা শরুক য়াখি‍। প্রধান মন্ত্রীনা তোঙান তোঙানবা ‘মন কী বাত’কী তাঙ্ককশিংদা পনখিবা লৈবাক্কী তোঙান তোঙানবা মফমশিংদগী ইকায়খুম্ননিংঙাই ওইরবা মীওই ১০০ হেনবনা থৌরমদুদা শরুক য়াখি‍। পেনেল দিস্কজন সেসন মরিনা “নারী শক্তি”, “বিরাসত কা উথান”, “জন সম্বাদ সে আত্মনিরভরতা” অমদি “অহৱান সে জন অন্দোলন” হায়রিবা পাক চাউবা হীরমশিং কোনশিনখি‍।

হৌদোকপগী থৌরম মতুংদা ‘মন কী বাত’কী তাঙ্কক অয়াম্বদা পনখিবা অমদি প্রধান মন্ত্রীগী থম্মোয়দা খ্বায়দগী নক্না লৈবা হীরম অমা ওসরিবা নারী শক্তিগী মতাঙদা অহানবা অমদি খ্বায়দগী মরুওইবা সেসন পাঙথোকখি‍। সেসন অদুদা মন কী বাতনা লৈবাক পুম্বদা নুপীশিংগী মপাঙ্গল হাপ্পদা অমদি মখোয়বু লৈবাক শেমগৎপদা মাঙজিল থানা পুখৎলকপদা পীরিবা অওনবা পুরক্নবগী ইথিল অদুবু পুথোক্তুনা নৈনখি‍। প্রধান মন্ত্রীনা নুপীনা লমজিংবা চাওখৎ থৌরাংবু ভারতকী খোঙজেলদা মরুওইবা মফম পীগদবনি অমদি ভারতপু মপাঙ্গল কলহনবদা মসি মথৌ তাই হায়বা ৱাফম থমখি‍। হৌখিবা চহি মাপলসিদা, মশিং য়াম্লবা য়াইফ-থৌরাংগী স্কীমশিং হৌদোক্তুনা নুপীশিংগী মপাঙ্গল হাপ্নবা লম্বী য়াত্তুনা লাক্লি অমদি মখোয়গী ভারতকী চাওখৎ খোঙচৎগী লমজিংবা ওইহন্দুনা লাক্লি‍।

খন্ন-নৈনবা অদু মমিং লৈরবা এঙ্কর অমদি হোস্ত মিস রিচা অনিরুধনা ৱাতেমখি অমদি শরুক য়ারিবা মীয়ামবু আই.পি.এস. (রিতাইয়র্দ) অমদি পুদুচেরী হান্নগী লেফ্তনেন্ত গভর্নর মিস কিরন বেদী, শান্নরোয় মিস দীপা মলিক, এক্ত্রেস মিস রবীনা তন্দোন, দি বেত্তর ইন্দিয়াগী ফাউন্দর অমদি সি.ই.ও. মিস্তর ধিমন্ত পরেখ, আর.জে. নিতিন, বোক্সর নিখত জরীন অমদি চীংকারোয় মিস পুর্ন মলাবথনচিংবা শক্নাইরবা পেনেলিস্তশিংনা পুক্নিং শুমহৎখি‍। ২০১৪দা মাউন্ত এভরেস্ত কাবা মালেমগী খ্বায়দগী নৌরিবী নুপীমচা ওইখিবী মিস মলাবথনা ২০২২দা সম্মিত মাউন্তেনিয়রিং চেলেয়্জ তরেৎলক মায় পাকখ্রে অমদি প্রধান মন্ত্রীনা জুন, ২০২২গী মন কী বাত্তা মহাকপু থাগৎখি‍।

মহাক্কী হৌদোকপগী ৱারোলদা, মিস কিরন বেদীনা, করিগুম্বা ঐখোয়না লৈবাক অসিদা অহোংবা অমা উবা পাম্লবদি, ঐখোয়না মমা মপা ওইবশিং অমদি অহলশিংগী ৱাখল্লোন হোংদোকপা মথৌ তাই মরমদি হায়রিবা ৱাখল্লোনশিং অসিনা অঙাংশিংদা অমদি ইমুংগী অতৈ মীওইশিংদা থংথহৌগদৌরিবনি হায়খি‍। ‘পরায়া ধন’গী ৱাখল্লোন অসিমক হোংদোকপা মথৌ তাই মরমদি মসিনা নুপীশিংবু ইনসিক্যুর ওইহল্লি অমদি ঐখোয়না নুপীশিংদা শেলথুমগী মনিং তম্বা পীবা অমদি মখোয়বু মরোমদোম লেপচবা ঙমহনবা মথৌ তাই, মদুতদা নুপীশিং মপাঙ্গল কনখৎলক্কদৌরিবনি হায়না মহাক্না হায়খি‍। মমা মপাশিংনা অঙাংশিংদা মান্নবা মীৎয়েঙগী পাউজেল পীবা অমদি মান্নবা মহৈ মশিং অমসুং স্কিলশিং তমহনবিবা মথৌ তাই হায়না মিস বেদীনা মখা তাখি‍। নুপীমচাশিংদা ইমুং পুবদা অমদি মমা মপাশিংবু য়েংশিনবদা মখোয়গীসু থৌদাং য়াওরি হায়বা ফাওহনবা মথৌ তাই হায়খি‍। লোইশিল্লকপদা, মিস বেদীনা নুপীশিংগী মপাঙ্গল হাপ্নবগীদমক ৱাফম অহুমদা মরুওইবা ৱাখল্লোন ফোঙদোকখি‍। মখোয়দুদি, শেলথুমগী নীংতম্বা, মহৈ মশিং অমসুং স্কিল, অমদি হকচাঙ অমসুং পুক্নিং ৱাখল ফবা নুপীশিং, মসিগীদমক নুপীশিংনা স্পোর্তস শান্নবা মথৌ তাই হায়না মিস বেদীনা ফোঙদোকখি‍।

রেদিওবু অহোংবা পুরক্নবগী ফম্পাক অমা ওইনা মথৌ তৌবগী মরুওইবা ৱাফমশিং ফোঙদোক্লদুনা, আর.জে. নিতিন্না মহাক্না রেদিও অসি মতিং লৈবা পাম্বৈ অমনি হায়না চেৎনা থাজৈ অমদি চহি ২৩ মসিদা থবক তৌরক্লি হায়খি‍। নুপীশিং মপাঙ্গল হাপ্পা হায়বসি নুপাশিংগী থৌদাংনি অমদি করিগুম্বা অদোম্না অদোমগী ইমা অমদি ইচে ইচলশিংবু তশেংনা নুংশিরবদি অদোম্না নুপীশিং মপাঙ্গল হাপ্নবগীদমক থবক তৌগনি অমদি নুপী পুম্নমক মখোয়গী ওইবা খুদোংচাবা থিজবা ঙম্নবা মপাঙ্গল কলহন্নবা হোৎনগনি হায়না মহাক্না মখা তাখি‍। রেদিও অসি লাপ্ল-লাপ্লবা মফমশিংদা পাক শন্না পাউজেল শন্দোক্নবগী অফবা পাম্বৈ অমনি, অমদি মরম অসিননি প্রধান মন্ত্রীনা পাম্বৈ অসিবু খল্লিবা মরমদি মসিদা খ্বায়দগী কনবা মপাঙ্গল লৈ হায়না মহাক্না ফোঙদোকখি‍। লোইশিল্লকপদা, থৌরম অসিদা শরুক য়াবা ফংজবা মহাক নুংঙাই অমদি নুপীশিং মপাঙ্গল হাপ্নবগীদমক মহাক্না তৌবা য়াবা পুম্নমক তৌগনি হায়না মহাক্না হায়খি‍।

আর্তবু ৱাখল্লোন ফোঙদোক্নবগী পাম্বৈ অমা হায়বসিদা ৱা ঙাঙলদুনা মপাঙ্গল কল্লবা নুপী করেক্তরশিংগা লোয়ননা নুপী মপাঙ্গল হাপ্পবগী থীমশিংদা মুভী কয়াদা থবক তৌখ্রবা মিস রবীনা তন্দোন্না ইন্দস্ত্রী অসিদা ৯০গী মতমদা অমদি মদুগী মমাঙগী দেকেদশিংদা লৈরম্বদা অহোংবা কয়া লাকখ্রে হায়খি‍। মতম অদুদা খুন্নাইগী ওইবা ৱাফমশিংগী মরমদা এৱ্যারনেস হেনগৎহন্নবা হোৎনবদা এক্তরশিংনা ৱানা হোৎনরকখি মরমদি মসি বোক্স ওফিসকা চুনদবা নৎত্রগা অয়েংবশিংনা পাম্লোইদবা পুক্নিং ৱাখল ৱাহনগদবা হীরম ওইনা খন্নরম্মি‍ হায়না মহাক্না হায়খি‍। মিস তন্দোন্না মহাক্না হেক য়ারিবমখৈ অফবা খুন্নাইগী ওইবা পাউজেল পুবা মুভীশিংদা মশিং য়াম্না থবক তৌননবা হোৎনখি, ২০০০দা পুথোকখিবা দামন অসি অদুগুম্বা মুভী অমনি অদুগা চহি ২৩গী মতুংদসু মেরিতেল রেপ অসি ইসু অমা অদুমক ওইরি অমদি মুভী অদুনা মরম চানা নেস্নেল এৱার্দ অমা ফংখি, মরমদি মদু মতমদুদগী খুমাঙ চাওশিল্লবা অমা ওইখি, অদুগা ঐখোয়না হায়রিবা ইসু অসি হৌজিকসু খন্নরি হায়খি‍। খুন্নাইদা চুমথোকপা কয়া লাকখ্রে হায়না মহাক্না মখা তাখি‍। নুপীশিং ইন্দস্ত্রী অসিদা থবক মখল খুদিংদা য়াওরে অমদি মখোয়দা খুদোংচাবা হেন্না ফংলে মরমদি নুপী অমদা সেন্সিতিবিতী লৈ অমদি ইসুশিং মমুৎ তানা খঙবা ঙমই‍। ঙসিদি ইন্দস্ত্রী অসিদা নুপীশিংনা নুপাশিংদগী শেল হেন্না ফংলে অমদি মখোয়না তি.ভি. ইন্দস্ত্রীদা খুৎলিংদুনা লৈরি‍। ও.তি.তি. প্লেতফোর্মদা ফাওবা নুপীশিংনা খুৎলিংদুনা লৈরি‍। ফিল্ম ইন্দস্ত্রীনা মায়কৈ অসিদা তপ্লবসু তপ্না মায় ওনশিল্লক্লি‍। নুপীশিংনা হন্থনা লৈবগী পল নমখায়রে‍। মালেম পুম্বগী ওইনা, ভারত্তা নুপী পাইলোৎ মশিং খ্বায়দগী হেন্না লৈরি, হায়না মহাক্না ফোঙদোকখি‍। লোইশিল্লকপদা ভারত অসি হৌজিকসু চাওখৎলক্লিবা লৈবাক অমা কৌরি অদুবু চাওখৎ খোঙজেলগী মতাঙদা কমদৌনা ভারতকী নুপীশিংনা মাঙদা চঙশিন্দুনা মালেম পুম্ববু তুংদা থম্লম্লিবনো হায়বা মহাক খঙদে হায়খি‍।

রোদিওবু মপাঙ্গল কল্লবা মেদিয়ম অমনি অমদি প্রধান মন্ত্রীনা তাঙ্কক অয়াম্বদা নুপী মপাঙ্গল হাপ্পগী মতাঙদা ৱা ঙাঙবগী মতাঙদা পল্লদুনা, “অহানবদা ঐনা প্রসার ভারতী অমদি মোদী জী অনিগী মফমদা মন কী বাত তাঙ্কক ১০০ মায় পাক্না মপুং ফারকপদা নুংঙাইবা ফোঙদোকচরি,” হায়না মিস রবীনা তন্দোন্না হায়খি‍। রেদিওনা মীয়ামদা পাক শন্না য়ৌবা ঙমবা অমদি অহোংবা পুরকপগী মপাঙ্গল য়াম্না কনবা পাম্বৈ অমা ওইবগা লোয়ননা প্রধান মন্ত্রীনা ঙাঙথোরক্লিবা মওং মতৌ অসিনা মীপুম খুদিংদা ঙাঙলিবা ৱাফম অদু মখোয় মশামক্কী ৱারীনি হায়না ফাওহল্লি হায়না মহাক্না হায়খি‍। মন কী বাতনা খুঙ্গং অমদি য়ুমথোঙ পুম্নমক্তা য়ৌহন্নবা প্রধান মন্ত্রীগী ৱাখল্লোন, মরুওইনা প্রধান মন্ত্রীনা গ্রাসরুতকী থাক্তা লৈরিবা তশেংবা হিরোশিংবু রেদিওগী খুত্থাঙদা থাগৎলিবা মওং মতৌ অসি তোপ তোপ্পা ফজবা ৱাখল্লোন অমনি, অমদি ভারত মচা খুদিংমক্কী পুক্নিংদা য়ৌশিনবদা চাউনা মায় পাক্লি হায়না মহাক্না হায়খি‍।

সেল্ফী ৱিথ দোতর্স, অৱাস য়োজনা অমদি অতৈ মরুওইবা স্কীমশিংগী মতাঙদা ৱা ঙাঙলদুনা, মিস্তর ধিমন্ত পরেখনা, বেত্তর ইন্দিয়াদা ঐখোয়না অফবা অমদি পুক্নিং থৌগৎনিংঙাই ওইবা ৱারী কয়ামরুম ফোঙ,ই অমদি ঐখোয় নুপীনা লুচিংলি অমসুং তীম পুম্বা নুপীনা লুচিংবনি হায়খি‍। অহোংবা পুরক্নবগীদমক ঐখোয়না পোৎশক অনিখক মথৌ তাই, মদুদি পুক্নিং থৌগৎপা অমদি এৱ্যারনেস হায়বসিনি, অদুগা মন কী বাতনা হায়রিবা অনিসিবু য়াম্না ফজবা মওংদা পুন্না পুদুনা লাক্লি‍। মন কী বাতনা ঐখোয়দা পুক্নিং থৌগৎলি অমদি ঐখোয়না করি তৌবা য়াবগে হায়বদু ঐখোয়দা খঙহল্লি‍। ওপন দিফেকেসন অমদি সেনিতেসনগী মতাঙদা পল্লদুনা, প্রধান মন্ত্রীনা নুপী অমগী মরমদা ৱা ঙাঙখি, নুপীদুনা ময়ুম পাল্লবা মতুংদা মহাক্না ময়ুম পাল্লুরিবা খুঙ্গং অদুদা তোইলেৎ অমত্তা লৈরমদবা খঙলকখি, মহাক্না নুপীশিং খোমজিন তাশিন্দুনা ৱাকৎচে থাখি অমদি মহাক্কী খুঙ্গংদা তোইলেৎ ৭৫ শাখি, মহাক্না মদুদসু লেপখিদে, মহাক্না মাগী মপামগী খুঙ্গংদা চৎখি অমদি তোইলেৎ কয়া অমসু শাহন্দুনা খুঙ্গং অনিদুদা চাওখৎপা পুরকখি, অমদি মসি পুক্নিং থৌগৎপা হায়বসি কয়া য়াম্না মরু ওইবগে হায়বা উৎলিবা নুপী মপাঙ্গল কলহনবা অমদি নুপীগী থৌনাগী অশেংবা শক্তমদুনি, অমদি মদুমক মন কী বাতনা মায় পাক্না তৌরি হায়না মহাক্না ফোঙদোকখি‍।

মিস নিখত জরীন্না, মহাক্না প্রধান মন্ত্রীগা উনবগী ৱারী তম্লদুনা, মহাক্না ৱর্ল্দ চেম্পিয়নসিপ্তা গোল্দ ফংলকপদা অমদি প্রধান মন্ত্রী মোদীনা লাক্নবা পাউ পীরকপা মতমদুদা, মহাক্না মাবু তি.ভি. নৎত্রগা সোসিএল মেদিয়া খক্তদা উখি, অদুবু কৈদৌঙৈদসু হকথেংননা উনখিদ্রি, ইকায়খুম্নরবা প্রধান মন্ত্রী য়াম্না তরাম তরাম্বা অমদি ইং তপ্পা ওইরম্বনা মঙোন্দা মহাক প্রধান মন্ত্রীগা ৱারী শান্নবগুম ফাওদনা মহাক্কী ইমুং মনুংগী অহল অমগা ৱারী শান্নবগুম ফাওখি হায়না ফোঙদোকখি‍। “ঐগী ইপানা ঐগী বোক্সিংদা ঙাক্লৌ পীবিরকপনি, অমদি প্রধান মন্ত্রীনা মহাক্না পামজরম্বা সেল্ফী অমগী মঙলান মঙফাওনহনবিখি অমদি ঐনা মহাকপু কম্মনৱেল্থ চেম্পিয়নসিপ মতুংদা উনখি অমদি তৌবিমল খঙবা উৎপা ওইনা মঙোন্দা বোক্সিং গ্লোব অমা খুদোল তমখি‍। প্রধান মন্ত্রী উনখিবা অদু নুংঙাইবা অমদি পুক্নিং থৌগৎনিংঙাইগী মীৎকুপ অমা ওইখি মরমদি মহাক খুঙ্গংদগীনি অদুগা মদুনা চাউনা পুক্নিং থৌগৎনিংঙাইগী মচাক ওইখি”, হায়না মহাক্না ফোঙদোকখি‍।

প্রধান মন্ত্রীনা কমদৌনা অথোইবশিংখক্তবু ঙাক্লৌ পীবতা নত্তনা মায়থিহৌরবা শান্নরোয়শিংবুসু পুক্নিং থৌগৎপগে হায়বা পাউদম্লদুনা, “ঐনা শোকখিবা মতমদা, ঐ চহি অমা বোক্সিং শান্নখিদে অমদি মীয়াম্না ঐ অমুক হন্না হল্লকপা ঙম্লরোই অমদি ঐগী করিয়র লোইরে হায়নখি, অদুবু ঐগী ইমুংনা ঐবু শৌগৎপিখি অমদি ঐনা অমুক হল্লকখি”, হায়না মিস জরীন্না হায়খি‍। “তরং তরং থোরক্লিবা নুমিৎকুম্লবশিংবু পুম্নমক্না ইকায়খুম্নৈ, অদুবু ঐখোয়গী ইকায়খুম্নরবা প্রধান মন্ত্রীনা ঐখোয়বু মতম পুম্বদা পুক্নিং থৌগৎপিরি, মায় পাকপা নৎত্রগা মায়থিবা মরু ওইদে, অমদি প্রধান মন্ত্রীনা ঐখোয়বু মখা তানা শান্ননবা পুক্নিং থৌগৎপিরি‍। মসিমক প্রধান মন্ত্রী অমদা চেনগদবা অচৌবা মতিক অমনি”, হায়না মহাক্না মখা তাখি‍।

মশাগী চহি ১৩ শুরকপদা মাউন্ত এভরেস্ত কাখিবী মিস পুর্ন মলাবথনা হায়, “ঐনা মালেমগী খ্বায়দগী ৱাংবা চীংদোল অদু কাবা ঙমগনি হায়না কৈদৌঙৈদা খল্লুদে, অদুগা প্রধান মন্ত্রী উনখিবদুসু শুকথা থাজরুদবা অমনি‍। ঐ অপীকপা ময়োল্লম অমদগী লাকপনি অমদি প্রধান মন্ত্রীগা পুং অমরোম উনদুনা ৱারী শাবা ফংজবা ঐগী পুন্সিগী অচৌবা মীৎকুপ অমনি, অদুগা মহাক্না ঐঙোন্দা য়াম্না কোইদনা ইমুংগী মীওই অমগুম ৱারী শাবিখি অমদি য়াম্না পুক্নিং থৌগৎনিংঙাই ওইখি, ঐনা মহাক্কী মফমদগী অচৌবা ঙাক্লৌ ফংখি‍।” “ঐনা মোদী জীবু ঐগী পুন্সিদা অসিগুম্লবা চাউরবা ইথিল অমা পীবিবগীদমক থাগৎচনিংই‍। ঐ লায়রবা ইমুংদগী হৌরকপা ত্রাইবেল নুপীমচা অমনি, ঐগী ইমা ইপা লৌমীনি অমদি খুদোংচাবা কয়া ফংলক্তে, অদুবু ঐনা প্রধান মন্ত্রী উনরুবনা মরম ওইরগা মীয়াম্না ঐবু শকখঙবিরে অমদি মদুনা ঐগী পুন্সিদা চাউনা অহোংবা পুরকখি”, হায়না মহাক্না মখা তাখি‍। হৌজিক্তি মহাক্না নুপীমচা কয়াবু মখোয়না খোয়দাজবা থবক থৌওংদুনা মখোয়গী শিন্ফম ওইহন্নবা পুক্নিং থৌগৎলি অমদি হৌজিক মহাক্না নহাশিংবু ত্রেনিং পীদুনা অমদি পুক্নিং থৌগত্তুনা এদভেঞ্চর অসিবু ভারত পুম্বদা শন্দোক্লি হায়না মিস মলবথনা ফোঙদোকখি‍।

মিস দীপা মলিক ভারত্তা পুম্নমক্কী পুক্নিং থৌগৎনিংঙাইগী মশক ওইরি, অমদি ভারতকী অহানবা ওলিম্পিক মেদল ফংবা পেরা-এথ্লেৎ ইং ২০১৬দা ওইখি‍। প্রধান মন্ত্রীনা মন কী বাত্তা হৌদোকখিবা ‘বিক্লং’ গী মহুত্তা ‘দিব্যং’ হায়বা ৱাহৈ অসি শীজিন্নবনা মীয়ামগী পুক্নিং ৱাখল হোংহনবদা লৌরিবা মরুওইবা থৌদাংগী মতাঙদা পল্লদুনা, “প্রধান মন্ত্রী মোদীবু ‘চাই পে চর্চা’দা উনবা ফংখিবা ঐগী লাইবক ফবনি অমদি প্রধান মন্ত্রীনা ঐখোয়না শানখিবা ৱারীদুগী ৱাহৈ অমত্তা চিত্থদনা নীংশিংবিরম্মী, ঐখোয়গী পুক্নিংগী ৱা তাবি অমদি ঐখোয় দিসএবিলিতীগী মহুত্তা এবিলিতীদা মায় ওনশিন্সি হায়বিরকই”, হায়না মহাক্না হায়খি‍। প্রধান মন্ত্রীনা মন কী বাতকী খুত্থাঙদা মী পুম্নমক্কী মফমদা ‘দিব্যং’ হায়রিবা ৱাহৈ অসি শীজিন্ননবা হায়খি‍। “প্রধান মন্ত্রীনা করিগুম্বা ৱাফম অমা থম্লকপদা লৈবাক পুম্বনা তারি অমদি মহাক্না লৈবাক পুম্বদা চাউনা অহোংবা পুরক্লি”, হায়না মহাক্না ফোঙদোকখি‍। মিস মলিক্না প্রধান মন্ত্রীগী মন কী বাতকী মিনত অমগী ক্লিপ অমা থাদোক্তুনা ক্লিপ অদুদা মহাক্না মাগী মীমান্নদ্রবা ফীভমবু মেদল অসি লৌদুনা মায়থিবা পীরে অদুগা মসি য়াম্না মতিক লৈবা ৱাফম্নি, মসিনা পুক্নিং চপ য়ুংনা লেপ্পগী মতিক অমদি হৈশিংববুসু উৎলি হায়না প্রধান মন্ত্রীনা ফোঙদোকখি‍। মিস মলিক্না মন কী বাতকী খুত্থাঙদা নুপীশিং মপাঙ্গল কলহনবগী ৱাফম, মরুওইনা দিব্যংশিংগীদমক ৱাফম কয়া ফোঙদোকখ্রে হায়খি‍।

মিস নিখত জরীন্না শান্ন-খোৎনবদা শেলথুমগী ঙাক্লৌ য়াম্না মরুওইবা মরম্না খেলো ইন্দিয়ানা ভারতকী শান্ন-খোৎনবদা অচৌবা অহোংবা অমা পুরকখ্রে অমদি খেলো ইন্দিয়ানা হায়রিবা ঙাক্লৌ অসি শান্নরোয় পুম্নমক্তা, মরুওইনা খুমাঙ চাওশিন্না চঙশিন্দুনা রেকোর্দশিং থম্লিবা নুপী শান্নরোয়শিংদা পীরি হায়খি‍। “নুপীশিংনা অতোপ্পশিংবুসু কন্না হোৎননবা অমদি কনশিন্না শান্ননবা পুক্নিং থৌগৎলি” হায়না মহাক্না হায়খি‍। তোপ (তার্গেৎ ওলিম্পিক পোদিয়ম) স্কীমগী মতাঙদা ৱা ঙাঙলদুনা, “মসি শান্নরোয় পুম্নমক্কী মফমদা য়াম্না মরুওইবা অমনি অদুগা মসিদগী ফংলিবা ঙাক্লৌ অসিনা ঐখোয়বু হেন্না কন্না হোৎননবা অমদি লৈবাক্কীদমক মেদল হেন্না লৌরক্নবগীদমক পুক্নিং থৌগৎলি”, হায়না মহাক্না ফোঙদোকখি‍।

মিস রবীনা তন্দোন্না জি২০গী মখাদা পাঙথোকপা ৱুমেন২০গী শরুক অমা ওইরুবগী মতাঙদা ৱাফম কয়া থমখি অমদি মসিদা মহাক্না থেংনরকপশিং অসি ফজবা ঙাক্তনি অদুগা ব্রেনস্তোর্মিং অমসুং খুজিল থৌরাং য়াৎনবগী এজেন্দা সেত্তিংগী ৱাফমশিং ৱাখল লৌশিং হেনগৎহনবা এক্সপরিএন্স ঙাক্তনি হায়খি‍। “গ্রাসরুত থাক্তা লৈরিবা নুপীশিংদা শেলথুমগী মপাঙ্গল হাপ্তুনা ইনোৎ হাপ্পিবা মথৌ তাই‍। মফম অসি চন্দী, কালি দুর্গানচিংবা লাইরেম্বীশিংগী মফমদা নুপীগী পাঙ্গলগীদমক লাই খুরুমজবা লৈবাক অমনি অদুগা হৌজিক ঐখোয়দা নুপী পাইলোৎ, বেঙ্কর, তেক্নোক্রেৎ, শান্নরোয়শিং লৈরে, অমদি মসি ঐখোয়গী নারী শক্তিনি”, হায়না মহাক্না ফোঙদোকখি‍। “অকোয়বগী ফীভম অমদি শাবগী চাং হেনগৎলকপা হায়বসি ঐগী থম্মোয়দা নক্না লৈবা ৱাফম্নি অদুগা নুপীশিংনা রিসাইক্লিং অমসুং সস্তেনেবিলিতীগী মায়কৈদা মাঙজিল থানা চঙশিল্লি অমদি নুপীশিংননি খুন্নাইবু মাঙদা পুখৎলিবা অদুগা মখোয়না লৌরুবা শক্লোন খুদিংদা য়াম্না মতিক লৈবা মরম্না মখোয়না মঙাল অসি হেক য়ারিবমখৈ পাক শন্না শন্দোক্কদবনি”, হায়বা ৱাফমসু মহাক্না থমখি‍।

******